စိုက်ပျိုးရေးသုံးအရောင်းပြပွဲမှာ လယ်ထွန်စက်ပစ္စည်းများကို အရစ်ကျစနစ်ဖြင့် ရောင်းချပေးသွားမည်

Photo - Photo _ Shutter stock

စတုတ္တအကြိမ်မြောက် မန္တလေးမြို့ နိုင်ငံတကာ မွေးမြူရေးနှင့်စိုက်ပျိုးရေးပြပွဲမှာ လယ်ထွန်စက်ပစ္စည်းများကို မန္တလေးကွန်ဗင်းရှင်းစင်တာမှာ အရစ်ကျစနစ်ဖြင့်ပါ ရောင်းချပေးသွားမှာဖြစ်ကြောင်း သိရပါတယ်။

မန္တလေးနဲ့ အထက်မြန်မာပြည်မှာရှိတဲ့ တောင်သူများအတွက် လယ်ထွန်စက်ပစ္စည်းများကို ကျယ်ကျယ် ပြန့်ပြန့်သိရှိစေနိုင်ဖို့အတွက် ရည်ရွယ်ပြုလုပ်တာဖြစ်တယ်လို့  ပွဲစီစဉ်သူ ဦးဇာနည် က ပြောပါတယ်။

“ မန္တလေးမှာရှိတဲ့ စိုက်ပျိုးရေးတောင်သူတွေ အထက်ဗမာပြည်မှာရှိတဲ့ တောင်သူတွေကို နည်းပညာအသစ်တွေနဲ့ ထွန်စက်ပစ္စည်းအသစ်တွေကို ကျယ်ကျယ်ပြန့်ပြန့် ပိုပြီးတော့ သိရှိစေနိုင်အောင်လို့ ကျင်းပပြုလုပ်တာပါ။ ဒီနှစ်ဆို  မန္တလေးမှာကျင်းပတာ လေးကြိမ်မြောက်ရှိသွားပါပြီ”

လယ်ထွန်စက်ကုမ္ပဏီပေါင်းစုံမှ တောင်သူများ အကြိုက်များတဲ့ ထွန်စက်အမျိုးမျိုး၊ ရိတ်သိမ်းခြွေလှေ့စက်များ ၊ ထွန်စက်များ၊ ထယ်စက်များကို လက်ငင်း (သို့မဟုတ်)အရစ်ကျစနစ်ဖြင့် ရောင်းချပေးသွားမှာဖြစ်ကြောင်း သိရပါတယ်။ 

အဆိုပါ မန္တလေး နိုင်ငံတကာမွေးမြူရေးနှင့် စိုက်ပျိုးရေးပြပွဲနဲ့အတူ ၂၀၁၉ စိုက်ပျိုးရာသီ လယ်ယာသုံးစက်ပစ္စည်း အထူးအရောင်းပွဲတော်ကြီးကို မန္တလေးကွန်ဗင်းရှင်းစင်တာမှာ နံနက် (၉)နာရီမှ ညနေ(၆) နာရီထိ ကျင်းပသွားမှဖြစ်ကြောင်း သိရပါတယ်။

တိုးတိုးခိုင်(ABM)



ယခုဆောင်းပါးက သင့်အတွက် အသုံးဝင်ပါသလား?

  ဆိုရိုးစကား  

" နိုင်ငံဖွံ့ဖြိုးတိုးတက်လာလေလေ အသားစားမှုနှုန်းမြင့်တက်လာလေ ဖြစ်သည် "