သစ်ပင်မျိုး ၂ဝ ခန့် ပါဝင်သည့် သစ်စေ့များကို ရဟတ်ယာဉ်ဖြင့်ကြဲချမည်

   အင်းလေးရေဝေရေလဲဒေသရှိ သစ်တောသစ်ပင်များထိန်းသိမ်းစောင့်ရှောက်နိုင်ရေး၊ သစ်တောကာဗာဖြစ်စေရေးအတွက် အင်းလေးကန်၏ အရှေ့ဘက်ခြမ်းနှင့် အနောက်ဘက်ခြမ်းရှိ ဧက ၂၅၀၀ ဝန်းကျင်ပေါ်သို့ သစ်ပင်မျိုး ၂ ဝ ခန့်ပါဝင်သည့် သစ်စေ့(seed balls) များကို ဝေဟင်မှ ရဟတ်ယာဉ်ဖြင့် ကြဲချသွားမည်ဖြစ်ကြောင်း သိရသည်။

   ရှမ်းပြည်နယ်၊ ညောင်ရွှေမြို့နယ် အင်းလေးဒေသရှိ အင်းလေးအရှေ့ကြိုးဝိုင်းထဲက ၂ နေရာနှင့် အင်လေးအနောက်ကြိုးပြင်ကာကွယ်တော ၁ နေရာ စုစုပေါင်း (၃)နေရာကို ထူးကုမ္မဏီ၏ ရဟက်ယာဉ်အကူအညီဖြင့် သစ်စေ့ကြဲစိုက်ပျိုးသွားမည်ဖြစ်ကြောင်း သိရသည် ။ 

   "သစ်စေ့တွေကို ကြဲရာမှာ သစ်စေ့တွေကို မြေဆွေးတွေ၊မြေစီးတွေနဲ့လုံးကာ Seed Balls လုပ်ကာကြဲသွားမှာဖြစ်ပါတယ်။ seed ballလုပ်ကာ ကြဲတဲ့သစ်စေ့တွေဟာ ပိုမိုတိကျပြီး၊ သစ်စေ့တွေကို ဒီတိုင်းကြဲတဲ့အခါမှာ ရဟတ်ယာဉ်ပန်ကာရဲ့ အရှိန်နဲ့ သစ်စေ့တွေရဲ့ ပေါ့ပါးမှုကြောင့် သစ်စေ့တွေကလိုရာမရောက်ပဲ လေလွင့်ဆုံးမှုတွေ များပြားတယ်။ seed Ball တွေကြ အတွဲတွဲလိုက်အတွလိုက် ကြဲတဲ့အတွက် အနီးစပ်ဆုံး လိုတဲ့နေရာကိုရောက်ပါတယ်။ ကြဲမယ်နေရာကိုလည်း မြေပြင်မှာလည်း ဆောင်ရွက်ရမယ့်နေရာတွေကို ထင်ထင်ရှားရှားမြင်ရအောင် အလံတိုင်တွေ ထိုးပြထားမှာ ဖြစ်ပါတယ်။" ဟု ရန်ကုန်တိုင်း သစ်တောဦးစီးဌာန ညွှန်ကြားရေးမှူး ဦးသိန်းတိုးက ပြောသည်။ 

   လက်ရှိတွင် Seed ball အားလုံးစုစုပေါင်း (၁၄၅၇၉၀) ဆောင်ရွက်ထားပြီးဖြစ်ပြီး စက်တင်ဘာလ ၁၄ ရက်နေ့၌ စတင်ကြဲသွားမည်ဖြစ်၍ Seed ball တစ်ခုလျှင် တစ်လုံးတွင် သစ်ပင်မျိုး လေးမျိုးခန့်ပါဝင်မည်ဖြစ်၍ သစ်စေ့ပေါင်း ၅ သိန်းမှ ၇ သိန်းထိ ပါဝင်မည်ဖြစ်ကြောင်း သိရသည်။ 

   ယင်းကဲ့သို့ လုပ်ဆောင်ရာတွင် သွားလာရေး အခက်အခဲရှိသောနေရာများဖြစ်၍ နည်းပညာအကူအညီရယူကာ ရဟတ်ယာဉ်ဖြင့် Seedball ကြဲခြင်းကို စမ်းသပ်လုပ်ဆောင်ခြင်းဖြစ်ပြီး ကျန်သွားလာရေး အဆင်ပြေသောနေရာများအား ရှမ်းပြည်နယ်က သစ်တောဦးစီးဌာနမှ ဝန်ထမ်းများ၊ ရှမ်းပြည်နယ် ဒေသခံများ၊ NGO၊ INGO အဖွဲ့များ၊ ပြည်နယ်အစိုးရအဖွဲ့၊ ပြည်နယ်လွှတ်တော် ကိုယ်စားလှယ်များ၏ ဦးဆောင်မှုဖြင့် လုပ်ဆောင်သွားမည်ဖြစ်ကြောင်း သိရသည်။ 

    "ကျွန်တော်တို့က ကြဲချထားတဲ့ အတိုင်းထားခဲ့မှာ မဟုတ်ပါဘူး။ ရှမ်းပြည်နယ် သစ်တောဝန်ထမ်းတွေက တစ်လတစ်ကြိမ် အမြဲတမ်းစောင့်ကြေည့်နေမှာပါ။ စောင့်ကြည်ပြီးတော့ ဘယ်လိုနေရာတွေမှာ အပေါက်များတယ်။ ဘယ်လိုအပင်တွေက ရှင်သန်မှုများတယ်ဆိုတာ ဒါလေးတွေကို ကျွန်တော်တို့က နောက်ပြီးကျရင် တစ်ဆင့်လမ်း သဘောမျိုးရအောင်လို့ အားသာချက်အားနည်းချက်တွေကိုရယူမှာပါ။ seed ball တွေကတော့ ညနေပိုင်းလိုလိုမှာလည်းမိုးရွာနေတာဖြစ်လို့ ဒီအချိန်မှာ အကောင်းဆုံးအခြေအနေဖြစ်ပါတယ်။ ရဟတ်ယာဉ်ကလည်း မနက်ပိုင်း သာယာတဲ့အချိန်မှာ ပျံတတ်ပြီးတော့ ဆောင်ရွက်နိုင်မှာဖြစ်ပါတယ်။" ဟု ဦးသိန်းတိုးက ပြောသည်။ 

   အင်းလေးဒေသသည် အရေးကြီးသောနေရာဖြစ်အပြီး မြန်မာနိုင်ငံ၏ ရေဝေရေလဲဒေသတစ်ခုဖြစ်ကာ ပြည်တွင်းပြည်ပခရီးသွားများကို ဆွဲဆောင်သည့် နေရာဒေသတစ်ခုဖြစ်ကြောင်း သိရသည်။

   ယင်းကဲ့သို့ သစ်စေ့(seed ball)များအား ရဟတ်ယာဉ်ဖြင့် ကြဲချသည့် အစီအစဉ်ကို စစ်ကိုင်းတိုင်းဒေသကြီးတွင် ပထမအကြိမ် ပြုလုပ်ပြီးဖြစ်ကြောင်း သိရသည်။ 

အေးအေးမြင့်(ABM)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more