ဖရဲသခွားစိုက် တောင်သူများ၏ အခက်အခဲ အစိုးရသိစေလို၍ မုံရွာတွင် ဖရဲသီးများဝေပေး

07/01/2019 15:00 PM တွင် သိန်းစိုးမင်း သိန်းစိုးမင်း မှ ရေးသား ပြီး Greenovator Greenovator မှ ပေးပို့ထားပါသည်။

နယ်စပ်ဂိတ် ပိတ်ထားသဖြင့် တောင်သူများ၏ အခက်အခဲကို အစိုးရသိစေရန် ရည်ရွယ်ပြီး ဘုတလင်မြို့နယ်မှ ဖရဲသခွားစိုက် တောင်သူများ မုံရွာမြို့သို့ ယနေ့နံနက်ပိုင်းက အခမဲ့ လာရောက်ဝေခဲ့ကြောင်း သိရသည်။

တရုတ်ပြည်သို့ သီးနှံအဓိကပို့သည့် ကျင်ဆန်းကျော့ဂိတ် ပိတ်ထားသည်မှာ ၁၀ ရက်ကျော်ရှိပြီဖြစ်ပြီး သွားရောက်ပို့သည့် ဖရဲသီးများ ပျက်စီးကာ အခင်းတွင်းက အသီးများလည်း ဆက်မပို့ရသဖြင့် ဆုံးရှုံးနစ်နာနေကြသည်။ အစိုးရအနေဖြင့် အမြန်ဖြေရှင်းပေးစေချင်သည်ဟု လာရောက်ဝေသည့် တောင်သူများက ဆိုသည်။

"ကားတွေ ပိတ်နေတဲ့အတွက် ကားခတွေဈေးကြီးပြီး ခေါ်မရဘူး။ ပို့ရမယ့်အချိန်မှာ ပို့မရတော့ အခင်းထဲ အသီးတွေအပျက်မခံနိုင်ဘူး။ဒါကြောင့် လာဝေတာ။ ဒီရာသီကို ဒီအတိုင်းဆက်ဖြစ်မယ်ဆို တောင်သူတွေက ဘဝပျက်ပြီ။"ဟု ဘုတလင်မှ ဖရဲစိုက်တောင်သူ ကိုသစ္စာက ပြောသည်။

ဖရဲသီးများကို ကုန်တင်ကား ၅စီးဖြင့် တန်ချိန် တန်၅၀ခန့် တင်လာပြီး မုံရွာနာရီစင်အနီးတွင် ဝေခဲ့ခြင်းဖြစ်သည်။ ဖရဲတစ်ဧကစိုက်ပျိုးပါက တောင်သူများအနေဖြင့် ငွေကျပ် သိန်း ၆၀ အထိ ရင်းနှီးမြုပ်နှံရသည်။

ဖရဲသခွားများကို မူဆယ် ၁၀၅ မိုင်တွင်သာ အပြီးအပြတ်ရောင်းချနိုင်အောင် လုပ်ပေးခြင်း သို့မဟုတ် ကျင်ဆန်းကျော့ဂိတ်ကို နှစ်နိုင်ငံ နားလည်မှု စာချွန်လွှာထိုးပြီး တရားဝင် ဖွင့်ပေးရန် ဆန္ဒပြတောင်းဆိုခြင်းဖြစ်သည်ဟု ဆိုသည်။

Source - အိအိမွန် (မုံရွာဂေဇက်သတင်းစာ)


မာလာမြိုင် ကုမ္ပဏီ ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more Facebook Page သို့သွားရန်

ဆွေးနွေးချက်များ

ဆွေးနွေးရန်