ရောဂါကျရောက်မှု နည်းပါးစေရန် မျိုးကောင်းမျိုးသန့်များ ရွေးချယ်စိုက်ပျိုးသင့်

    ရော်ဘာပင်များ ရောဂါကျရောက်မှုနည်းပါးစေရန် မျိုးကောင်းမျိုးသန့်များကို စနစ်တကျ ရွေးချယ်စိုက်ပျိုးသင့်ကြောင်း စိုက်ပျိုးရေးဦးစီးဌာနမှ သိရသည်။

တချို့မှိုရောဂါတွေ ကျရောက်တဲ့အခါ စိုက်ခင်းတွေမှာ drone နဲ့ ဆေးဖြန်းမှ ရမှာမို့ ကုန်ကျစရိတ် မတတ်နိုင်ကြဘူး။ ဒါကြောင့် ရောဂါဒဏ်ကိုခံနိုင်တဲ့ BPM-24 မျိုးကို စိုက်ကြဖို့ စိုက်ပျိုးရေးဦးစီးဌာနအနေနဲ့ အကြံပေးတာပါ။ ရော်ဘာမျိုးအတော်များများမှာ ကျရောက်တတ်တဲ့ တချို့ရောဂါပိုးတွေကိုတောင် BPM-24 ကတော့ တစ်ခြားမျိုး‌တွေထက် ခံနိုင်ရည်ရှိပါတယ်။

ဟု စိုက်ပျိုးရေးဦးစီးဌာန၊ မြိတ်ခရိုင်ဦးစီးမှူး ဦးဝင်းဇော် က ပြောသည်။

    မိုးဦးကာလတွင် ကျရောက်လေ့ရှိသည့် သီးပုပ်ရွက်ကြွေရောဂါ (Phytophthora spp.) ကဲ့သို့ မှိုရောဂါမျိုး ကျရောက်ပါက မှိုမျှင်များမှ ရွက်ညှာကို အဓိကကျရောက်လေ့ရှိပြီး၊ မျိုးစေ့မအောင်သည်အထိ ဖြစ်ပွားတတ်ကြောင်း သိရသည်။

ဒီလိုရောဂါမျိုးဆိုရင် ရော်ဘာမျိုးစေ့ စုဆောင်းသူတွေကြောက်တဲ့၊ ဆိုးဝါးတဲ့ ‌အပင်ရောဂါပါ။ မှိုရောဂါဆိုတော့ တစ်ခါကျပြီးရင် မပျောက်တော့ဘူး။ အခြေအနေပေးတဲ့ ရာသီဥတုမျိုးရောက်ရင် ရောဂါပြန်ကျလာတာပါဘဲ။ တောထဲမှာ ဖက်စွပ်မှိုတို့၊ တောင်ပို့မှိုတို့ နှစ်စဉ် သူ့ရာသီရောက်ရင် အလိုလိုပေါက်တဲ့ သဘောမျိုးပါဘဲခင်မျ။ ဒါကြောင့် သီးနှံပင်တွေတိုင်းမှာ ပိုးမွှားရောဂါဒဏ်ကို ခံနိုင်ရည်ရှိတဲ့မျိုးတွေကို ပြောင်းလဲစိုက်ကြဖို့ ပညာပေးကြတာပါ။ မျိုးကောင်းမျိုးသန့်စိုက်ပျိုးတာက ရောဂါမဖြစ်ပွားအောင် ကြိုတင်ကာကွယ်တဲ့ နည်းတစ်ခုပါပဲ။

ဟု ဦးဝင်းဇော် က ဆက်လက်ပြောသည်။

    မြန်မာ့ရော်ဘာစိုက်ပျိုးထုတ်လုပ်မှုမှာ ၁၉၈၅ ခုနှစ်မှစတင်၍ တစ်စစ တိုးတက်လာခဲ့ပြီး၊ ရော်ဘာစိုက်ဧက ၁၄ သိန်းဝန်းကျင်မှ ရော်ဘာစေး တန်ချိန် မက်ထရစ်တန် (၈၀၀၀) ခန့် အထိ ထုတ်လုပ်တင်ပို့ရောင်းချနေကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်