မှိုခြောက်မှုန့်များကို ပြည်ပနိုင်ငံများသို့တင်ပို့ရန် ဂျပန်ကုမ္ပဏီနှင့် MoU ရေးထိုးမည်

ပြည်တွင်းစိုက်ပျိုးထွက်ရှိသော မှိုခြောက်မှုန့်များ (ငွေနှင်းမှို၊ ကြွက်နားရွက်မှို၊ ကောက်ရိုးမှို)ကို ပြည်ပနိုင်ငံများသို့ တင်ပို့နိုင်ရန် ဂျပန်ကုမ္ပဏီတစ်ခုနှင့် MoU လက်မှတ်ရေးထိုးရန် စီစဉ်နေကြောင်း မြန်မာနိုင်ငံစားသုံးမှိုအစုအဖွဲ့မှ သိရသည်။ 

ယင်းကုမ္ပဏီအနေဖြင့် မှိုခြောက်မှုန့် နမူနာများယူ၍ မလေးရှားသို့ တင်ပို့ထားပြီး အိန္ဒိယ၊ စင်္ကာပူနှင့် ဗီယက်နမ် နိုင်ငံတို့ကိုလည်း နမူနာများ ပေးပို့သွားမည်ဖြစ်ကာ မှိုခြောက်မှုန့်အပြင် ဒန့်ဒလွန်နှင့် ကြယ်ပဲကိုလည်း တင်ပို့သွားမည်ဖြစ်ကြောင်း သိရသည်။ 

"သူတို့ကို တိုက်ရိုက်တင်ပေါ့။ ပြီးမှ ပိုက်ဆံပေးချင်တဲ့ သဘောပေါ့။ အန်ကယ်တို့က အဲ့ဒါကို လက်သင့်မခံဘူး။ ပစ္စည်းအရည်အေသွးကို သူတို့ကြိုက်တယ်။ ထုပ်ပိုးမှု(packing) ကို သူတို့က ပြောင်းခိုင်းတယ်။ ထုပ်ပိုးမှု(packing) ကတော့ သူတို့သေချာရင် ပြောင်းလို့ရတယ်။ ဒါပေမယ့် အန်ကယ်တို့က သူတို့နဲ့ သိပ်မသေချာသေးတော့ ယုံကြည်မှုအားနည်းတာပေါ့။ ဒီကထွက်သမျှ မှိုဆိုရင်လည်း မှို ခြောက်၊ မှိုမှုန့် အပြတ်ရောင်းမယ်။ သူ့ဟာသူ packing လုပ်ပြီး ပြန်ရောင်းပေါ့။ တကယ်လို့ ပြန်ရောင်းမယ်ဆိုရင် အန်ကယ်တို့ အသင်းအနေနဲ့ ဒီကနေ ထောက်ခံပေးမယ်။ မြန်မာမှိုဆိုပြီးတော့ပေါ့။" ဟု မြန်မာနိုင်ငံ စားသုံးမှိုအစုအဖွဲ့ ဥက္ကဋ္ဌ ဦးတင်အောင်က ပြောသည်။ 

ငွေနှင်းမှို၊ ကြွက်နားရွက်မှို၊ ကောက်ရိုးမှိုများကို အခြောက်လှန်းကာ ပေါင်ဒါမှုန့်ပြုလုပ်၍ ဟင်းခတ်မှုန့်အဖြစ် အသုံးပြုမှု တွင်ကျယ်လာသည့်အတွက် ယခုကဲ့သို့ ဈေးကွက်ချဲ့ထွင်ရန် စီစဉ်ခြင်းဖြစ်ကြောင်း သိရသည်။ 

လက်ရှိတွင် မြန်မာနိုင်ငံက ထွက်ရှိသော မှိုခြောက်မှုန့်များကို ပြည်ပနိုင်ငံများရှိ ကုန်တိုက်များတွင် တိုက်ရိုက်တင်ပို့၍ ၂၀ ရာခိုင်နှုန်းကို ၎င်းတို့ ယူမည်ပုံစံဖြင့်လည်းကောင်း၊ အကြွေးစနစ်ဖြင့်လည်းကောင်း ဆောင်ရွက်ခြင်းကို လက်ခံမည်မဟုတ်ကြောင်း သိရသည်။ 

"အဲ့ဒါကိုလည်း အန်ကယ်တို့က ဒီအတိုင်းမလုပ်ချင်ဘူး။ MoU ထိုးခိုင်းမယ်။ ဒီလဘယ်လောက်ထွက်မယ်။ ဘယ်လောက်ယူမယ်ပေါ့။ သူတို့လာမယ် ဒီနှစ်ပတ်အတွင်း ပြန်လာမယ်ပြောတယ်။ အဲ့ဒါကို အမယ်တစ်မျိုးစီ လုပ်ရမှာပေါ့။ ဒန့်ဒလွန်မှုန့်ဆိုရင် ဒန့်ဒလွန်အရွက်ခြောက်မှုန့်၊ မှိုဆိုရင် မှိုတစ်ခါလုပ်မယ်။ အဲ့ဒါကို ထုတ်လုပ်သူနဲ့ စိုက်ပျိုးတဲ့ တောင်သူတွေခေါ်ပြီးတော့ သူတို့ရှေ့မှာပဲ တိုက်ရိုက်ချိတ် ဆက်မယ်။ သူတို့ဆီကနေ ကိုတာတောင်းမှာပေါ့ ။ တစ်လ ဘယ်လောက်ထုတ်ရမယ်။ ဈေးနှုန်းကိုလည်း ခြောက်လတစ်ကြိမ် လုပ်ဆောင်သွားမယ်။" ဟု ဦးတင်အောင်က ပြောသည်။ 

လက်ရှိပြည်တွင်း ဈေးကွက်အတွင်း မှိုတစ်ပိဿာလျှင် ကျပ် ၅၀၀၀ ဝန်းကျင်ပေါက်ဈေးရှိပြီး ရန်ကုန်ဈေးကွက်အတွင်းသို့ နေ့စဉ် မှိုပိဿာချိန် ၆၀၀၀ မှ ၇၀၀၀ ဝန်းကျင် ဝင်ရောက်လျက်ရှိကြောင်း သိရသည်။ 

မှိုစိုက်ပျိုးရာတွင် လယ်ယာထွက်ပစ္စည်းများကို အသုံးပြု၍ စိုက်ပျိုးနိုင်ပြီး စိုက်ပျိုးစရိတ်နည်းပါးခြင်း၊ တစ်ပတ်အတွင်း ငွေပြန်ရခြင်းတို့ကြောင့် တစ်နိုင်တစ်ပိုင်လုပ်ကိုင်သူများ များပြားလာကြောင်း သိရသည်။ 

မှိုစိုက်ပျိုးရာတွင် မှိုမျိုးစေ့ထုပ်ကို ဝယ်ယူစိုက်ပျိုးမည်ဆိုပါက တစ်ပတ်အတွင်း မှိုထွက်ရှိ၍ တစ်လခွဲအထိ ထုတ်ယူနိုင်ပြီး မျိုးစေ့ထုတ်ပိုး၍ စိုက်ပျိုးမည်ဆိုပါက စတင်စိုက် ပျိုးချိန်မှ တစ်လအတွင်းမှ သုံးလအထိ မှိုထုတ်ယူနိုင်ကာ တစ်နှစ်လျှင် ၅ ကြိမ်ဝန်းကျင်အထိ မှိုစိုက်ပျိုးထုတ်လုပ်နိုင်ကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်