မြေဆီ/မြေဩဇာဈေးနှုန်းများတက်နေသော်လည်း ဖရဲ၊ သခွားမွှေးစိုက်ပျိုးမှု ရပ်တန့်ခြင်းမရှိ

    မြေဆီ/မြေဩဇာဈေးနှုန်းများ မြင့်တက်နေသော်လည်း ဖရဲ၊ သခွားမွှေး စိုက်ပျိုးမှုများ ရပ်တန့်ခြင်းမရှိကြောင်း စစ်ကိုင်းတိုင်းဒေသကြီးရှိ ဖရဲ၊ သခွားမွှေးစိုက် တောင်သူများက ပြောသည်။

ဖရဲစိုက်ပျိုးတာက မြေဆီဖိုးတွေ အဲ့ဒီလောက်ထိမကုန်ဘူး။ သခွားမွှေးကတော့ မနှစ်တုန်းက စိုက်ပျိုးခဲ့တဲ့ ဆေးကြွင်းဆေးကျန်၊ မြေဆီကြွင်း မြေဆီကျန်လေးတွေ ရှိနေသေးတော့ ငါးဧက စိုက်မယ့်ဟာကို နှစ်ဧကလောက်တော့ စိုက်လို့ရသေးတာပေါ့။ တောင်သူတွေအနေနဲ့ ဈေးကွက်ကိုတော့ ချိန်လို့မရဘူးလေ။ ဒါပေမဲ့ ပြည်တွင်းဈေးကွက်လေးပဲ အားထားပြီး စိုက်နေကြတာပါပဲ။ နိုင်ငံရေးဘာညာ အဆင်ပြေတော့လည်း Export လမ်းတွေပြန်ပွင့်ပြီး ပြန်တင်ပို့လို့ရရင်လည်း ရပေါ့ဆိုပြီး စိုက်နေကြတာပါ။

ဟု စစ်ကိုင်းတိုင်းဒေသကြီး၊ ချောင်းဦးမြို့နယ်၊ သုံးပန်လှကျေးရွာမှ ဖရဲ၊ သခွားမွှေး စိုက်ပျိုးသူ ဦးသိန်းနိုင်က ပြောသည်။

    ဖရဲတစ်ဧကစိုက်ပျိုးပါက ကုန်ကျစရိတ်စုစုပေါင်း ကျပ် (၂၅) သိန်းဝန်းကျင် ကုန်ကျပြီး၊ သခွားမွှေးတစ်ဧက စိုက်ပျိုးပါက ကုန်ကျစရိတ်စုစုပေါင်း (၃၅) သိန်းမှ ကျပ်သိန်း (၄၀) ဝန်းကျင် ကုန်ကျနိုင်ကြောင်း သိရသည်။

စိုက်ပျိုးကုန်ကျစရိတ်နဲ့ ပြန်ရတဲ့ဝင်ငွေနဲ့ တွက်ခြေကိုက်မကိုက်က ဝယ်လက်ပေါ်မှာလည်း မူတည်တာပေါ့။ မိုးရာသီမှာစိုက်ပျိုးတယ်ဆိုရင် နှစ်လခွဲ သုံးလဆို သီးတယ်၊ ဆောင်းရာသီမှာ စိုက်ပျိုးတယ်ဆိုရင် ရက်ကိုးဆယ်အကြာမှာ သီးတယ်။ အခုလည်း ခူးရောင်းနေသူတွေ ရှိနေပါပြီ။ ဈေးကွက်ကောင်းကောင်းမကောင်းကောင်း မှန်းပြီးစိုက်နေကြတာပဲ။

ဟု ဦးသိန်းနိုင်က ဆက်လက်ပြောသည်။

    လက်ရှိတွင် ဖရဲ၊ သခွားမွှေးသီးနှံစိုက်ပျိုးသူများအနေဖြင့် 855 ဖရဲမျိုး၊ ဘာဟူးဘာလီ ဖရဲမျိုး၊ 211 ဖရဲမျိုးများနှင့် သခွားမွှေးမျိုးများအနက် ရာသီဥတုဒဏ်ခံနိုင်ရည်ရှိပြီး အလုံးလှပသည့် ဆင်ရွှေသခွားမွှေးမျိုးကို စိုက်ပျိုးမှုများပြားကြောင်း သိရသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more