အိန္ဒိယ၏ အကောက်ခွန်ရှင်းလင်းမှု လုပ်ငန်းရပ်ဆိုင်းခြင်းကြောင့် မြန်မာ့ပဲတင်ပို့မှုရပ်

ရန်ကုန်၊ ဖေဖော်ဝါရီ ၁

အိန္ဒိယနိုင်ငံသည် ပဲတင်သွင်းနေရမှုများအပေါ် အကောက်ခွန်ရှင်းလင်းသည့် ဝန်ဆောင်မှုကို ၂၀၁၉ ခုနှစ် ဇန်နဝါရီ လ ၃၁ ရက်နေ့မှစတင်၍ ရပ်ဆိုင်းလိုက်ရာ အကျိုးဆက်အဖြစ် မြန်မာ့ပဲတင်ပို့မှုမှာ ရပ်ဆိုင်းသွားကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း အထွေထွေ အတွင်းရေးမှူး ဦးမင်းကိုဦးက ပြောကြားသည်။

အိန္ဒိယသည် ၂၀၁၇ ခုနှစ်မှစ၍ မြန်မာ့ပဲတင်သွင်းမှုအပေါ် ခွဲတမ်းစနစ် (Quota) ဖြင့် တင်သွင်းစေခဲ့ပြီး ယခုအခါ အဆိုပါ ခွဲတမ်းစနစ်သာမက ၎င်းတို့၏ လိုအပ်ချက်အရ တင်သွင်းမှုအပေါ်တွင်လည်း အကောက်ခွန်ရှင်းလင်းသည့် ဝန်ဆောင်မှုများ ရပ်ဆိုင်းလိုက်ခြင်း ဖြစ်သည်။

ယင်းသို့ အကောက်ခွန်ရှင်းလင်းမှုများရပ်ဆိုင်းကြောင်း အိန္ဒိယနိုင်ငံ ချန်နိုင်းပြည်နယ်တရားရုံးက ကြေညာသည်။

"အကျိုးဆက်က ဘာတွေဖြစ်လာလဲဆိုတော့ ဒီဘက်မှာတင်ဖို့ အနည်းငယ်ကျန်တဲ့ပဲ၊ နောက်တစ်ခါ ထပ်ပြီးဝယ်ယူဖို့ အားယူနေတဲ့အနေအထားအားလုံးက ရပ်ကုန်တယ်" ဟု ဦးမင်းကိုဦးက ဆိုသည်။

ထိုသို့ အကောက်ခွန်ရှင်းလင်းသည့် ဝန်ဆောင်မှုများ ရပ်ဆိုင်းခြင်းကြောင့် အိန္ဒိယသို့ တင်ပို့ပြီးသည့် မြန်မာပဲများအတွက် အခက်ဖြစ်စေပြီး လမ်းခရီးတွင် ရောက်ရှိနေသည့် တင်ပို့ဆဲမြန်မာ့ပဲအတွက်လည်း အကောက်ခွန်ရှင်းပေးခြင်း ပြု မပြုကို ရှင်းလင်းစွာမသိရဟု ၎င်းက ဆိုသည်။

အိန္ဒိယက ပဲဝယ်ယူမှု ရပ်လိုက်ခြင်းကြောင့် ပြည်တွင်းပဲဈေးနှုန်းများ ကျဆင်းလာပြီး ပြီးခဲ့သည့် သီတင်းပတ်အတွင်း မတ်ပဲတစ်တန်လျှင် ခုနစ်သိန်းဈေးရှိရာမှ လက်ရှိတွင် မတ်ပဲတစ်တန်လျှင် ၅၆၀,၀၀၀ သို့ကျဆင်းသွားပြီး တစ်တန်လျှင် ၁၄၀,၀၀၀ ကျဆင်းသွားခြင်း ဖြစ်သည်။

ပဲစင်းငုံသည် ယခင်က ကျပ် ခုနစ်သိန်းခွဲဈေးမှ လက်ရှိတွင် ၆၈၀,၀၀၀ သို့ ဈေးကျသွားကြောင်း ပဲဈေးကွက်အတွင်း မှ စုံစမ်းသိရှိရသည်။

အိန္ဒိယသည် ၂၀၁၇ ခုနှစ်မှ စတင်ပြီး ပဲသုံးမျိုးကို အကန့်အသတ်ဖြင့် ဝယ်ယူခဲ့ပြီး ၂၀၁၈-၁၉ ခုနှစ်တွင် မတ်ပဲတန်ချိန် တစ်သိန်းခွဲ၊ ပဲစဉ်းငုံတန်ချိန် နှစ်သိန်း၊ ပဲတီစိမ်းတန်ချိန် တစ်သိန်းခွဲ ဝယ်မည်ဖြစ်ကြောင်း ကြေညာခဲ့သော်လည်း ပြည်တွင်းပဲလိုအပ်ချက်ရှိခြင်းကြောင့် ပိုမိုဝယ်ယူခဲ့ကြောင်း ဦးမင်းကိုဦးက ဆိုသည်။

အိန္ဒိယနိုင်ငံသည် ၎င်းတို့၏ပြည်တွင်း ပဲလိုအပ်ချက်အရ ပဲတင်သွင်းခွင့်ဖွင့်ခြင်း၊ ပိတ်ခြင်းပြုလုပ်သော်လည်း မြန်မာနိုင်ငံမှ ပဲစိုက်ပျိုးသူများနှင့် ပဲတင်ပို့သူများထိခိုက် နစ်နာကြောင်း၊ လက်ရှိအချိန်သည် မြန်မာနိုင်ငံတွင် ပဲမျိုးစုံရိတ်သိမ်းရာသီဖြစ်သဖြင့် ထိခိုက်နစ်နာမှု ကြီးမားနိုင်ကြောင်း ပဲကုန်သည်များကဆိုသည်။

မတ်ပဲအရောင်အဝယ် facebook page မှ ကူးယူဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်