ကောက်ရိုးရှားပါးလာသောကြောင့် ဗေဒါကုန်ကြမ်းဖြင့် ပြောင်းလဲစိုက်ပျိုးလာ

    ကောက်ရိုးကုန်ကြမ်း ရှားပါးလာသောကြောင့် ကောက်ရိုးမှိုကို ဗေဒါကုန်ကြမ်းဖြင့် ပြောင်းလဲစိုက်ပျိုးနေကြောင်း မှိုစိုက်တောင်သူများထံမှ သိရသည်။

လောလောဆယ်တော့ ဗေဒါနဲ့ နွားချေးနဲ့ စိုက်နေတယ်။ ဒီဘက်မှာက ကောက်ရိုးက ရှားနေတယ်၊ နွားချေးကလည်း သိပ်တော့ မပေါပါဘူး။ ဗေဒါကိုတော့ ရန်ကုန် (လှိုင်သာယာမြို့နယ်) ဘက်ကနေ ကားနဲ့ သွားသယ်ယူရတယ်။ လှိုင်သာယာကနေ ကော့မှူးအရောက် (၈) ဘီးကားလေးနဲ့ သယ်တယ်။ ကားတစ်စီးစာဆို ဘောင် (၂၀) စာလောက်ရတယ်။ ကောက်ရိုးနဲ့စိုက်ရင်တော့ နှပ်စာတို့ဘာတို့လုပ်ပြီး စိုက်ရတယ်။ ဗေဒါနဲ့တော့ နည်းစနစ် နည်းနည်းမတူဘူးပေါ့။ ဗေဒါနဲ့ စိုက်တဲ့အတွက် ရလာမယ့်မှိုထွက်နှုန်းကိုတော့ ပျမ်းမျှအားဖြင့် တစ်ဘောင်ကို (၄) ပိဿာနှုန်းလောက်ရမယ်လို့ မှန်းထားတယ်။

ဟု ရန်ကုန်တိုင်း၊ ကော့မှူးမြို့နယ်၊ မြောက်ချောင်ကျေးရွာမှ ကောက်ရိုးမှိုစိုက်တောင်သူ ကိုကျော်စွာ (ကိုကျော်ကြီး) က ပြောသည်။

    ကောက်ရိုးကုန်ကြမ်းကို အဓိကထားပြီး မှိုစိုက်ပျိုးသူများအနေဖြင့် မိုးကာလ လယ်များရေမြှုပ်ခြင်းနှင့် လယ်ရိတ်သိမ်းရာတွင် စက်အသုံးပြု၍ ရိတ်သိမ်းလာခြင်းတို့ကြောင့် ယခင်ကထက် ကောက်ရိုးရှားပါးလာသဖြင့် ဗေဒါကုန်ကြမ်းကို အစားထိုးသုံးလာခြင်းဖြစ်သည်။

ဟိုးတုန်းကတော့ ကော့မှူး၊ ကွမ်းခြံကုန်း ဒေသတွေဘက်ကနေ ကောက်ရိုးမှိုအဓိကစိုက်ပြီး ရန်ကုန်ကိုတင်ပို့ရောင်းချတယ်။ အခု အဲ့ဒိဘက်တွေလည်း ကောက်ရိုးရှားလာတော့ မှိုထုတ်လုပ်မှု ကျလာတယ်။ ဒါ့ကြောင့် သူတို့လည်း ဗေဒါကိုအစားထိုးပြီး မှိုစိုက်ဖို့ကို ဦးတည်နေကြပါပြီ။ ဗေဒါနဲ့က ဘာပိုကောင်းလဲဆိုရင်တော့ ကျွမ်းကျင်ရာ ကျွမ်းကျင်ရာပေါ့။ ကောက်ရိုးနဲ့ စိုက်တာကတော့ မိရိုးဖလာဖြစ်နေတာပေါ့။ အခုနောက်ပိုင်းကျမှသာ ကောက်ရိုးတွေရှားပါးတော့ ဗေဒါဘက်ကို လှည့်လာကြတာ။

ဟု ရန်ကုန်တိုင်း၊ မှော်ဘီမြို့နယ်မှ မှိုမျိုးစုံ စီးပွားဖြစ်စိုက်ပျိုးထုတ်လုပ်သူ ကိုဇော်မျိုးအောင်က ပြောသည်။

     ဗေဒါကုန်ကြမ်းကို အသုံးပြု၍ ကောက်ရိုးမှိုစိုက်ပျိုးပါက ဘောင်တစ်ဘောင်လျှင်  ဗေဒါဖိုး ၄၀၀၀ ဝန်းကျင်၊ တစ်ဘောင်လျှင် နွားချေး တစ်တင်းခွဲအိတ် (၂) အိတ်သုံးရသဖြင့် တစ်ဘောင်လျှင် နွားချေးဖိုးကုန်ကျငွေ (၃၀၀၀) ကျပ်၊ ဘောင်တစ်ဘောင်လျှင် ဂျပ်စက္ကူဖိုး (၃၅၀၀) ကျပ် စသည့် ကုန်ကျစရိတ်များနှင့် မျိုးဖိုးအပါအဝင် ဘောင်တစ်ဘောင်အတွက် စုစုပေါင်းကုန်ကျစရိတ် (၁၅၀၀၀) ကျပ် ဝန်းကျင် ကုန်ကျကြောင်း သိရသည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်