ဝက်များတွင် အဖြစ်များသော စိန်ကွက်နာရောဂါကို ကာကွယ်ကုသနည်း

ဝက်မွေးမြူသူများအနေဖြင့် ကြီးထွားဆဲဝက်များတွင် ဘက်တီးရီးယားကြောင့်ဖြစ်သော စိန်ကွက်နာရောဂါ အကြောင်းကို သိရှိထားရန်လိုသဖြင့် ကာကွယ်ကုသနည်းကို ဖော်ပြပေးလိုက်ပါသည်။

ရောဂါဖြစ်ပွားသည့် အကြောင်းအရင်းမှာ

• Erysipelothrix rhusiopathiae ဟုခေါ်သော ဘက်တီးရီးယား တစ်မျိုးကြောင့် ဖြစ်ပွားရပါသည်။

အဆိုပါရောဂါကို ကြီးထွားဆဲဝက်များတွင် အဓိကတွေ့ရ တတ်ပြီး သေဆုံးနိုင်သောရောဂါ ဖြစ်ပါသည်။ 

ရောဂါကူးစက်ပုံမှာ

1. ရောဂါဖြစ်ပွားသော ဝက်များ၏ တံတွေး၊ နှာရည် ၊ မစင်နှင့် ကျင်ငယ်ရေများနှင့် ထိတွေ့ခြင်းဖြင့် ဝက်အချင်းချင်း ရောဂါကူးစက်နိုင်ပါသည်။
2. ဘက်တီးရီးယားပိုးသည် ဝက်ခန္ဓာကိုယ်ပြင်ပတွင် ၂ပတ် ခန့် အသက်ရှင်နေနိုင်ကြပါသည်။

ရောဂါလက္ခဏာများမှာ 

1. ဝက်အရေပြားသည် နီညိုရောင်ဖြစ်လာပြီး အရေပြားတွင် စိန်ပုံသဏ္ဍာန်အနာများ ဖြစ်ပေါ်လာပါမည်။
2. ဦးခေါင်းနှင့် နားရွက်ဝန်းကျင်ရှိ အရေပြားတွင် ခရမ်းရောင် ပေါ်လာခြင်း၊
3. ခန္ဓာကိုယ်အပူချိန်မြင့်တက်ပြီး အစာမစားခြင်း၊
4. အရေပြားကိုထိပါက နာကျင်၍အော်ခြင်း စသည်တို့ကို တွေ့ရပါမည်။

အဆိုပါရောဂါသည် ရုတ်တရက် ရောဂါဖြစ်ပွားမှုကြောင့် သေဆုံးနိုင်ပါသည်။ 

နာတာရှည်ရောဂါ ဖြစ်ပွားလာပါက

1. အရိုးအဆစ်များ ရောင်ရမ်းခြင်း၊
2. ထော့ကျိုးလမ်းလျှောက်ခြင်းများ ဖြစ်ပေါ်နိုင်ပါသည်။
3. စိန်ကွက်နာရောဂါသည် သားပေါက်ဝက်မများတွင် အသေမွေးနှုန်းနှင့် ဝက်အခြောက်မွေးနှုန်း များပြားပါသည်။
4. ဝက်သိုးများတွင် အပူချိန်ကြာရှည်စွာ မြင့်တက်နေခြင်း ကြောင့် မျိုးအောင်နှုန်းကျခြင်းများ ဖြစ်ပွားတတ်ပါသည်။

ကုသခြင်း နှင့် ကာကွယ်ခြင်း

- ဝက်စိန်ကွက်နာရောဂါကို ပဋိဇီဝဆေးထိုးခြင်း၊ တိုက် ကျွေးခြင်းဖြင့် ကုသနိုင်ပါသည်။

- ရောဂါဖြစ်ပွားမှု များပြားလာပါက ကာကွယ်ဆေးထိုးပေး ခြင်းဖြင့် ရောဂါထိန်းချုပ်နိုင်ပါသည်။

- ရောဂါဖြစ်ပွားသော ခြံနေရာနှင့် ပတ်လည်တွင် သန့်ရှင်း ရေး ပြုလုပ်ခြင်း၊ မွေးမြူရေးခြံသုံး ပိုးသတ်ဆေး ဖျန်းခြင်း များ ပြုလုပ်ပေးရပါမည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်