သဘာဝအစာဖြင့် တီလားပီးယားငါး မွေးမြူနည်း

မွေးမြူရေးငါးများတွင် တီလားပီးယားကို မွေးမြူသူ များကြသော်လည်း ယနေ့ခေတ်ကာလ ကုန်စျေးနှုန်းများကြီးမြင့်မှုကြောင့် ငါးမွေးတောင်သူများအနေဖြင့် ငါးစာကုန်ကျစရိတ်အတွက် အခက်ကြုံနေကြရပါသည်။ ထို့ကြောင့် ငါးစာစရိတ်အကုန်အကျ သက်သာစေရန် တီလားပီးယားငါးကို သဘာဝအစာဖြင့် မွေးမြူနည်းကို ဖော်ပြပေးသွားပါမည်။ သဘာဝအစာဖြင့် မွေးမြူနည်းကို မဖော်ပြမီ တီလားပီးယားငါး၏ ခန္ဓာဗေဒအချက်အလက်များကို ငါးမွေးမြူသူမှ သိရှိထားရန်လိုသဖြင့် ဦးစွာပထမ ဖော်ပြပေးပါမည်။

တီလားပီးယားငါး၏ မူရင်းဒေသနှင့် ပုံသဏ္ဌာန်

တီလားပီးယားငါးသည် ရေချိုရေငန်ဒေသရှိ ရေတိမ်ရေနက်နှစ်မျိုးစလုံးတွင် နေထိုင်ကျက်စားကြသည်။ ထိုသဘာဝကြောင့်ပင် ရေတိမ်ရေနက် နှစ်မျိုးစလုံးတွင် မွေးမြူနိုင်သည်။ မူရင်းဒေသမှာ တောင်အာဖရိကတိုက်ဟု သိရသည်။ ထိုမှတစ်ဆင့် အခြားနိုင်ငံများ သို့ ပျံ့နှံ့သွားသည်။ ပုံပသဏ္ဌာန်သည် ခပ်ပြားပြားဖြစ်ပြီး နှာရောင်ဝိုင်းသည်။ ကျောဆူးတောင်သည် ဦးခေါင်းနားမှ အမြီးနားအထိ ရှည်ပြီးမာသည်။ ဝမ်းဆူးတောင်နှင့် ရင်ဆူးတောင်ရှိသည်။ အမြီးဆူးတောင်သည် အနည်းငယ်ဝိုင်းသယောင်ရှိသည်။ ကိုယ်အထက်ပိုင်းတွင် ကန့်လန့်ဖြတ်အစင်းတချို့ရှိသည်။ ကိုယ်ရောင်သည် ပတ်ဝန်းကျင်ကိုလိုက်၍ ပြောင်းလဲမှုရှိသည်။ တချို့ဒေသတွင် မီးခိုးရောင်ကဲ့သို့ အရောင်နှင့် အနက်ရောင်ကဲ့သို့ အရောင်မျိုးကို တွေ့နိုင်ပါသည်။ သို့သော် တီလားပီးယားငါးသည် စပ်မျိုးများတွင်မူ အနီရောင်နှင့် အပြာရောင်မျိုးရှိသည်ဟုလည်း သိရသည်။

သဘာဝအစာဖြင့် မွေးမြူနိုင်သော တီလားပီးယားငါး

တီလားပီးယားငါးသည် အခြားငါးများနှင့် မတူသည့်အချက်ရှိသည်။ ထိုအချက်မှာ အခြားငါးတချို့ မမွေးမြူနိုင်သော မြေညံ့များ၊ ချိုင့်များပါမကျန် မွေးမြူနိုင်ခြင်းဖြစ်သည်။ တီလားပီးယားသည် ကန်အတွင်း အလွယ်တကူသားပေါက်လေ့ရှိကြသည်။ ထို့ကြောင့် ယခုအခါ စီးပွားဖြစ်မွေးမြူကြသလို တစ်ပိုင်တစ်နိုင်လည်းမွေးမြူလေ့ရှိကြသည်။ တီလားပီးယားအသားတိုးတစ်နိုင်မွေးမြူမည်ဆိုပါက ကန်ကို ၁၅ × ၅၀ ပေနှင့် ကန်အနက် ၅ပေဆို အဆင်ပြေသည်။ စီးပွားဖြစ်မွေးမြူမည်ဆိုပါက ငါးကန်ကို အလျား/အနံ ပေ ၁၀၀ ပတ်လည်ရှိသော ကန်မျိုးဖြင့် မွေးမြူနိုင်သည်။ ကန်အနက်သည် ၄ပေ- ၅ပေခန့် ဖြစ်သည်။

ငါးကန်သည် ရေလွှမ်းတတ်သောနေရာမဖြစ်ဖို့ လိုသည်။ ထို့ပြင် ငါးကန်အတွင်း အခြားအသားစားငါးများ မဝင်အောင် ဂရုစိုက်ရသည်။ ဤသို့ဂရုစိုက်ပါမှ တီလားပီးယားသားပေါက်များအား အခြားအသားစားငါးများ စားသောက်ခြင်းမှ ကာကွယ်နိုင်မည် ဖြစ်သည်။ ငါးကန်နေရာသည် သဲမြေမဖြစ်ဖို့ လိုသလို အရိပ်မရှိသောနေရာဖြစ်ဖို့လည်း လိုပါသည်။ ထို့နောက်တီလားပီးယားငါးမျိုး များကို ငါးမျိုးကန်မှ အသားတိုးကန်သို့ ရွှေ့ပြောင်းမွေးမြူရပါမည်။ ငါးကန်တွင် ရေထုတ်ပေါက်နှင့် ရေသွင်းပေါက် ပြွန်တစ်ခုစီ ရှိရမည်။ ထိုပြွန်မှ အခြားငါးများ မဝင်အောင်လည်း သံဇကာစိပ်စိပ်ဖြင့် လုံအောင်ပိတ်ကာထားဖို့ လိုပါသည်။

တစ်ဧကကျယ်ဝန်းသော ငါးကန်အတွင်း ဝင်ဆံ့မွေးမြူသင့်သော ငါးအရေအတွက်မှာ ငါးအထီးနှင့် အမကောင်ရေ ၁၀၀ မှ ၁၅၀ ခန့်အထိ ထည့်သွင်းမွေးမြူနိုင်ပါသည်။ ငါးသားပေါက်ကို ထည့်သွင်းမွေးမြူမည်ဆိုပါက တစ်လက်မမှ နှစ်လက်မအရွယ်ခန့် ငါးသားပေါက် ၂၀၀၀ အထိ ထည့်သွင်းမွေးမြူနိုင်သည်။

သဘာဝအစာကျွေးနည်း

တီလားပီးယားငါးသည် မွေးမြူသင့်သောငါးမျိုးဟု ဆိုရပေမည်။ အကြောင်းမှာ ကြီးထွားနှုန်း မြန်သလို အစာမကျွေးဘဲမွေးမြူ၍ ရနိုင်သောကြောင့် ဖြစ်သည်။ အစာကျွေးမွေးပါကလည်း ကြီးထားနှုန်း အလွန်မြန်သည်။ ထို့ပြင် သဘာဝအစာဖြစ်သော သစ်ရွက်များကိုလည်း တီလားပီးယားငါးများသည် စားသုံးလေ့ရှိကြသည်။ ဥပမာ-ရေမှော်ပင် နှင့် ရေညှိပင်များ ဖြစ်သည်။

ငါးကန်အတွင်းသို့ သဘာဝအစာများဖြစ်သော သစ်ရွက်စိမ်း၊ မြက်ပင်စိမ်း၊ အမှိုက်ဆွေးနှင့် သစ်ပင်သစ်ရွက်ဆွေးများကို တစ်လတစ်ကြိမ်ခန့် ထည့်ပေးနိုင်ပါသည်။ သစ်ရွက်စိမ်းနှင့် မြက်ပင်စိမ်းများကို နုတ်နုတ်စင်း၍ ထည့်ပေးရပါမည်။ ဖွဲနု၊ အုန်းဆီဖတ်၊ ပဲဖတ်နှင့် နှမ်းဖတ်တို့ကိုလည်း ကျွေးပေးနိုင်သည်။ နွားချေး၊ ကြက်ချေးနှင့် ဘဲချေးထည့်ရာတွင် ကန်နေရာအနှံ့ ထည့်ပေးဖို့လိုပါသည်။

သစ်ရွက်၊ ရေညှိ၊ ရေမှော်ကဲ့သို့ သဘာဝအစာကျွေးပါက ထိုငါးများသည် နောက်ပိုင်း အသားမစားတော့ပေ။ ထို့ကြောင့် အသားသီးသန့်မကျွေးရသည့်အပြင် သဘာဝအစာကျွေးနိုင်သဖြင့် ကုန်ကျစရိတ်လည်း သက်သာသောကြောင့် တီလားပီးယားငါးကို တစ်ပိုင်တစ်နိုင်အနေဖြင့်သော်လည်းကောင်း၊ စီးပွားဖြစ်သော်လည်းကောင်း မွေးမြူသင့်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...