စိုက်ဧကများလျှော့ချစိုက်ပျိုးခဲ့သဖြင့် အသီးထွက်ချိန် ခရမ်းချဉ်သီးဈေးနှုန်း အတက်ဘက်သို့ ဆက်တိုက်ဦးတည်နေ

ရာသီဥတုပူပြင်း၍ ခရမ်းချဉ်စိုက်ဧကများ လျှော့ချစိုက်ပျိုးခဲ့သည့်အတွက် အသီးထွက်ချိန်တွင် ဈေးနှုန်းများ အတက်ဘက်သို့ ဆက်တိုက်ဦးတည်နေခြင်းဖြစ်ကြောင်း ကိုယ်တိုင်စိုက်ပျိုးသူများထံမှ သိရသည်။

ယခုနှစ်ရာသီချိန်တွင် အပူချိန်ပြင်းထန်သည့်အတွက် မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး စသည့် အပူပိုင်းဒေသများရှိ ခရမ်းချဉ်စိုက်ပျိုးသူအများစု စိုက်ပျိုးဧက လျော့ချစိုက်ပျိုးခဲ့ကြသည်။

သို့ဖြစ်၍ မြန်မာတစ်နိုင်ငံလုံးအတိုင်းအတာဖြင့် ခရမ်းချဉ်သီးအထွက်နှုန်းများ ကျဆင်းပြီး ဝယ်လိုအားနှင့် ရောင်းလိုအား မမျှတကာ ခရမ်းချဉ်သီးဈေးကွက် ဆက်တိုက်အတက်ဘက်သို့ ဦးတည်နေသည်။

ရှမ်းသီးပဲဖြစ်ဖြစ်၊ ဘယ်ခရမ်းချဉ်သီး အမျိုးအစားဖြစ်ဖြစ် ဈေးတက်နေပါတယ်။ မနှစ်ကတုန်းက ခရမ်းချဉ်စိုက်ပျိုးသူတွေ အရမ်းရှုံးခဲ့ကြတယ်။ ဒါ့ကြောင့် ဒီနှစ်မှာတော့ ဈေးကောင်းရနိုင်မယ်လို့ ခန့်မှန်းမိပါသေးတယ်။ သို့သော် တောင်သူတွေအနေနဲ့ ခရမ်းချဉ်သီးစိုက်မယ်ဆိုရင် မတ်လမှာ စိုက်ပျိုးခဲ့မှ ဒီအချိန်မှာ ကောင်းကောင်းမွန်မွန် ခူးရောင်းရမှာကိုး။ ဒီနှစ် မတ်လက နေတအားပူပြင်းတယ်၊ ရာသီဥတု အရင်ထက်ပိုပူတော့ စိုက်တဲ့သူဆိုလည်း ထပ်ရှုံးဦးမှာပါပဲလေ။ ဒါ့ကြောင့် စိုက်ဧက လျော့စိုက်သူများတယ်။

ဟု မကွေးတိုင်းဒေသကြီး၊ ပွင့်ဖြူမြို့နယ်မှ စီးပွားဖြစ် သီးနှံစုံစိုက်ပျိုးသူ ဦးဟန်ဇော်သက်က ပြောသည်။

ခရမ်းချဉ်သီးပင်စိုက်ပျိုးရာတွင် အစေ့စတင်ပျိုးထောင်ချိန်မှစပြီး အသီးထွက်ရှိချိန်အထိ ရက်ပေါင်း(၈၀)မှ(၉၀)ရက်အတွင်း အချိန်ပေးစိုက်ပျိုးကြရသည်။

စီးပွားဖြစ်စိုက်ပျိုးသူများအနေဖြင့် မိမိဒေသ၏ ရာသီဥတုအခြေအနေနှင့် ရရှိလာမည့် အထွက်နှုန်း၊ တင်ပို့ရောင်းချမည့်ဈေးကွက်၏ ဝယ်လိုအား၊ တစ်နိုင်ငံလုံးရှိ ခရမ်းချဉ်သီးပင် စိုက်ပျိုးဧကစုစုပေါင်းတို့အပေါ် ချင့်ချိန်နှိုင်းဆ စိုက်ပျိုးသင့်ကြောင်း ကျွမ်းကျင်သူများက ဆိုသည်။

အညာဘက်မှာ ဒီနှစ် ခရမ်းချဉ်သီးတွေ များများစားစားမထွက်တဲ့အတွက် အခုလိုမျိုး ဈေးတွေ တက်ကုန်တာပါ။ သို့သော် ရာသီဥတုပူပြင်းတာကြောင့်အပြင် အကြောင်းအရင်း နောက်တစ်ခုရှိတာတော့ တောင်သူအများစုက ဈေးကောင်းရတဲ့အချိန်မှာမှ သီးနှံကိုလိုက်ပြီး စိုက်လေ့ရှိတာပါ။ မနှစ်ကဈေးကွက်မကောင်းတော့ ဒီနှစ်မှာ သိပ်မစိုက်ကြတော့ဘူး။ ဒီနှစ်မှာ ဈေးကွက်ကောင်းပြန်တော့ ခရမ်းချဉ်တွေကို အခုလည်း တအားစိုက်နေကြပြန်တယ်။ အင်တာနက်မှာလည်း တွေ့မှာပေါ့နော်။ ခရမ်းချဉ်ချည်းပဲကို ဆယ့်နှစ်ဧကလောက် စိုက်တဲ့သူတောင် ရှိပါတယ်။

ဟု ဦးဟန်ဇော်သက်က ဆက်လက်ပြောသည်။

လက်ရှိ ခရမ်းချဉ်သီးဈေးနှုန်းများမှာ အရည်အသွေးပေါ်မူတည်၍ လက်ကားဈေး တစ်ပိဿာလျှင် (၁၄၀၀) ကျပ်မှ (၂၄၀၀) ကျပ်အတွင်း ပေါက်ဈေးရှိနေကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

စိုက်ဧကများလျှော့ချစိုက်ပျိုးခဲ့သဖြင့် အသီးထွက်ချိန် ခရမ်းချဉ်သီးဈေးနှုန်း အတက်ဘက်သို့ ဆက်တိုက်ဦးတည်နေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

စိုက်ဧကများလျှော့ချစိုက်ပျိုးခဲ့သဖြင့် အသီးထွက်ချိန် ခရမ်းချဉ်သီးဈေးနှုန်း အတက်ဘက်သို့ ဆက်တိုက်ဦးတည်နေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}