ခရမ်းချဉ်ဈေးနှုန်းအတက်အကျ COVID-19 ပြန့်ပွားမှုအခြေအနေအပေါ် မူတည်စောင့်ကြည့်နေရ

    ခရမ်းချဉ်သီးဈေးနှုန်းအတက်အကျမှာ COVID-19 ရောဂါပြန့်ပွားမှုအခြေအနေအပေါ် မူတည်စောင့်ကြည့်နေရဆဲဖြစ်ကြောင်း ခရမ်းချဉ်ပွဲရုံများမှ သိရသည်။

ဈေးအတက်အကျက COVID-19 ပြန့်ပွားမှုအပေါ် မူတည်တယ်။ ဒီလပိုင်းတွေမှာ COVID-19 ရောဂါပြန့်ပွားမှု မများလာဘဲ လူတွေ ပုံမှန်အတိုင်းသွားလာနိုင်မယ် စားသောက်ဆိုင်တွေလည်း အစုံအလင် ပြန်ဖွင့်လာမယ်ဆိုရင် ဈေးမကျနိုင်ဘူး။ COVID-19 ပြန့်ပွားမှုမြင့်လာပြီး လူတွေအပြင်မထွက် ဈေးမသွားတော့ဘဲ တကယ်လိုအပ်တဲ့ အစားအသောက်လောက်သာ ဝယ်ကြမယ်ဆိုရင် ခရမ်းချဉ်ဈေး ကျသွားနိုင်တာပေါ့။ ခရမ်းချဉ်က ကြာကြာအထားခံတာမျိုးလည်းမဟုတ်တော့ ဈေးကွက်မသေချာရင် အများကြီးလှောင်ထားဖို့ မသင့်ဘူးလေ။

ဟု အောင်သီရိခရမ်းချဉ်ပွဲရုံ- အောင်ပန်း မှ စီမံအုပ်ချုပ်သူ ဦးဇင်မောင်မောင်ဖြိုးက ပြောသည်။

    ဩဂုတ်လ၊ စက်တင်ဘာလများမှာ နှစ်စဉ် ခရမ်းချဉ်ထွက်နှုန်းများသည့် ကာလများဖြစ်ပြီး၊ ယခုနှစ်တွင် ရာသီဥတုအခြေအနေနှင့် COVID-19 ရောဂါ ပေါ်ပေါက်လာသည့် အခြေအနေအရပ်ရပ်တို့ကြောင့် ယခင်နှစ်များကထက် ထွက်နှုန်းအနည်းငယ်ကျဆင်းမှုရှိခဲ့သည်။

နောက်ရက်တွေမှာ မိုးကျလာရင် အသီးက ပိုသီးလာဦးမှာဆိုတော့ ရှေ့လျှောက် ခရမ်းချဉ်က ပိုထွက်လာဖို့ တော့ အလားအလာရှိပါတယ်။ ဥပမာပြောရရင် ကျွန်တော်တို့ဘက်မှာ အရင်ရက်က အသီးသိပ်မရှိသေးဘူး။ အခုတော့ မှည့်လာနေကြပြီ။ ဈေးက ပြောလို့မရသေးဘူး။ နည်းနည်းချင်း ထပ်ကျလောက်နိုင်တယ်။ အခုရက်မှာတော့ ခရမ်းချဉ်တစ်ပိဿာ (၁၆၀၀) ကျပ် ရှိနေပါတယ်။ လက်လီဈေးပါ။

ဟု မကွေးတိုင်း၊ မင်းဘူးခရိုင်၊ ပွင့်ဖြူမြို့၊ ဒေးဒရဲရွာမှ ခရမ်းချဉ်စိုက်တောင်သူ ကိုဟန်ဇော်သက်က ဆိုသည်။ 

    ဇူလိုင်လပထမပတ်က ခရမ်းချဉ်လက်ကားတစ်ပိဿာလျှင် (၁၅၀၀) ကျပ်၊ လက်လီ တစ်ပိဿာလျှင် (၂၀၀၀) ကျပ်ဖြင့် ရောင်းချခဲ့ကြပြီး၊ သြဂုတ်လ (၂၀) ရက်တွင် ခရမ်းချဉ် လက်ကားတစ်ပိဿာလျှင် (၁၂၀၀) ကျပ်၊ လက်လီတစ်ပိဿာလျှင် (၁၆၀၀) ကျပ် ပေါက်ဈေး ရှိနေသည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more