ကျွဲ၊ နွားများအတွက် တိုင်းရင်းဆေးနည်းများ

တိရစ္ဆာန်ဆေးကုဆရာဝန်များနှင့် ဝေးသောဒေသများတွင် မွေးမြူထားသော ကျွဲ၊ နွားများအတွက် တိုင်းရင်းဆေးနည်းများဖြစ်ပါသည်။

ကန်စွန်းရွက် - နွားများ ပိုးသတ်ဆေးစားမိလျှင် အဆိပ်ပြေစေရန် အရည်ထောင်း၍ဖြစ်စေ တိုက်ကျွေးကုသနိုင်ပါသည်။

ဆားခါး - နွားများ အကြောများတောင့်တင်းနေလျှင်၊ ဝမ်းချုပ်လျှင် ဆားခါး လက်ဘက်ရည်တစ်ပန်းကန်ခန့် တိုက်ကျွေးလျှင် သက်သာစေသည်။

ဆင်တုံးမနွယ် - နွားများဝစေရန် ဆားနှင့်နယ်၍ ခွံ့ပေးနိုင်သည်။ ဆီးများစေရန် သုံးနိုင်ပါသည်။

ကွမ်းယာ - မိုးဦးကျတွင် ဖြစ်တတ်သော နွားများ ဗိုက်ကယ်ဖေါနေလျှင် ကွမ်းယာ (၃) ယာခန့်နှင့် ရေကျက်အေး (၁) ပုလင်းခန့်တိုင်ကျွေးလျှင် သက်သာစေသည်။

နနွင်း - နွားများ တိမ်စွဲလျှင် နနွင်းမှုန့် မျက်လုံးထဲခပ်ပေးလျှင် သက်သာစေပါသည်။

နွားမျက်စဉ်း - ချင်း၊ ပိတ်ချင်း၊ ငရုတ်ကောင်း ဆတူရောထောင်းပြီး တစ်ခါခပ်လျှင် အနည်းငယ်ခပ်နိုင်ပါသည်။

ထုံး - ကွမ်းစားထုံးကို နွားများရောင်သောနေရာတွင် ရေနံချေးနှင့် ရောလိမ်းပေးလျှင် သက်သာနိုင်သည်။ နွားခွာများပေါက်နေလျှင် ထုံးနှင့်သကြားရောပြီး ပျစ်သည်အထိမွှေ၍ ခွာ၏ ဆွေးနေသောအပိုင်းကိုဖယ်ပြီး သိပ်ပေးလျှင် သက်သာစေပါသည်။

ဆား - နွားများ ကျင်ငယ်ရေသောက်ခြင်း (ပြန်ရေသောက်ခြင်း)၊ အစားကျင်းတိုင်များ၊ ချည်ကြိုးများကို ဝါးစားနေလျှင် ဆားခွံ့ပေးခြင်းဖြင့် သက်သာနိုင်သည်။ အလုပ်ပင်ပန်း၍ မောလျှင် ဆားခွံ့နိုင်သည်။

ဆီ - နွားများ လေပွဝမ်းကယ်ခြင်းတွင် ဆီ (၂၀) ကျပ်သားခန့် တိုက်ကျွေးပါက သက်သာစေသည်။

ကျောက်ချဉ် - လျှာနာရောဂါတွင် ကျောက်ချဉ် (၂) ကျပ်သားအား ရေ (၁) လီတာခန့်ဖြင့်စိမ်ပြီး ဆေးကြောကုသနိုင်သည်။

ထိကရုံး - ကုန်းထိကရုံး - နွားများဆီးနည်းလျှင် ကျိုပြီးတိုက်နိုင်သည်။

မရိုးပင် - ကြပ်နာဖြစ်ပါက မရိုးပင်အစေးဖြင့် သုပ်ပေးခြင်းဖြင့် ကြပ်ဖုများပေါက်ပြီး သက်သာစေသည်။ ဒေါင့်သန်းရောဂါများအတွက် မရိုးရွက် (၃-၄) ရွက် ခန့် ခွံ့ပေးခြင်းဖြင့် သက်သာစေပါသည်။

မိုးနှံပင် - မိုးနှံပင်ရွက်နှင့် ရှောက်ရွက် တစ်ဆုပ်ခန့်ကို ချင်း (၁၀) သားခန့်နှင့်ကျို၍ တိုက်ပေးလျှင် အဆုပ်ပွ၊ ချောင်းဆိုး၊ သွားကြိတ်ခြင်း၊ ချမ်းတုန်ခြင်းကို သက်သာစေပါသည်။ နွားများ ပေါင်ပုပ်၊ လက်ပုပ်ဖြစ်လျှင် မိုးနှံခက်ဖြင့် သွေးပုပ်များထွက်အောင်ရိုက်၍ ကုသနိုင်ပါသည်။

တမာခေါက်/ တမာရွက် - အနာဆွေးများ၊ ခွာများကို တမာခေါက်၊ တမာရွက်ပြုတ်ဖြင့် ဆေးကြောကုသနိုင်ပါသည်။

ရှားစောင်းလက်ပတ် - နွားမများ သားလျောခြင်းဖြစ်လျှင် ရှားစောင်းလက်ပတ်(၂၅)ကျပ်သား၊ ထန်းလျက် (၂၅) ကျပ်သားကို ပျားရည် (၅၀) ကျပ်သား ရောကျိုပြီး တစ်ရက်လျှင် ထမင်းစားဇွန်း (၃) ဇွန်းခန့် ကျွေးလျှင် နွားမများ သားအိမ်အပုပ်နံ့ ကင်းစေသည်။ နို့စားနွားကိုကျွေးလျှင် နို့ပေါစေသည်။ နွားမပိန်များကိုကျွေးလျှင် ဝလာပြီး သားတောင်းလွယ်သည်။

ပရုတ်လုံး - အနာများ လောက်ကျလျှင် ဆေးရွက်ကြီးနှင့်ရော၍ သိပ်ပေးလျှင် လောက်များထွက်ကျ သက်သာစေပါသည်။

ပခုံးပေါက်ခြင်း - ဆေးကတ္တာလိမ်းခြင်း၊ အုန်းဆီသုတ်လိမ်းခြင်း၊ ဝက်သားအဆီသုတ်လိမ်းပေးခြင်းဖြင့် သက်သာစေပါသည်။

နွားများ ဝဲ၊ နှင်းခူ၊ ကျင့်ခွာ၊ အမွှေးမပေါက်လျှင် နှမ်းလုံးကြိုင်အသီး (၅၀) ကျပ်သား၊ ဂုံမင်းစေ့ (၂၅) ကျပ်သားကို မြေအိုးတွင်ထည့် ရွှံ့မံပြီး ဖွဲမီးဖြင့် ပြာကျအောင်ဖုတ်၍ ရလာသောပြာကို အုန်းဆီဖြင့် လိမ်းပေးလျှင် ဝဲ၊ နှင်းခူ၊ အမွှေးကျွတ်နာများကိုကင်းပြီး အမွှေးပြန်ပေါက်စေသည်။

ဦးဇော် (DOF)

ကျွဲ၊ နွားများအတွက် တိုင်းရင်းဆေးနည်းများကို ဖတ်ရှူလေ့လာထားသော စာပေများမှ ပြန်လည်ရေးသားမျှဝေပါသည်။

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...