ဝါးနှင့်ပတ်သက်သည့်ထုတ်ကုန်များ ပိုမိုတိုးတက်လာစေရန် သင်တန်းကျောင်းဖွင့်လှစ်မည်

ဧပြီလ 8, 2019

ပြည်တွင်းရှိ စိုက်ပျိုးရေး ထွက်ကုန်တစ်ခုဖြစ်သော ဝါးစိုက်ပျိုးရေးကဏ္ဍ ပိုမိုမြင့်တက်လာစေရန်နှင့် ဝါးမှတစ်ဆင့် လူသုံးကုန်ပစ္စည်းထုတ်လုပ်ရေးပိုင်းများ တိုးတက်လာစေရန် ရန်ကုန်တိုင်းဒေသကြီးတွင် သင်တန်းကျောင်း ဖွင့်လှစ်သွားရန်ရှိကြောင်း ရန်ကုန်တိုင်းဒေသကြီး၊ ဝါးစိုက်ပျိုးရေးအသင်းမှ သိရသည်။ ရန်ကုန်တိုင်းဒေသကြီး ဝါးစိုက်ပျိုး ရေးအသင်းအနေဖြင့် ဝါးနှင့်ပတ်သက်သောသင်တန်းများ ဖွင့်လှစ်ပေးရန် ယခုနှစ်၊ ဖေဖော်ဝါရီလပိုင်းက တွံတေးမြို့နယ်တွင် မြေနေရာလျှောက်ထားပြီးဖြစ်ကာ ဝါးသင်တန်းကျောင်း ဖွင့်လှစ်ပြီးပါက ဝါးနှင့်ပတ်သက်သည့် ထုတ်ကုန်များ တိုးချဲ့ထုတ်လုပ်နိုင်ရန် သင်ကြားပေးမည်ဖြစ်ကြောင်း အဆိုပါအသင်းမှ အတွင်းရေးမှူး ဦးရာဇာသန်းနိုင်မြင့်က ပြောသည်။ “ဝါးနဲ့ပတ်သက်တဲ့ လက်မှုပစ္စည်းတွေ တွင်တွင်ကျယ်ကျယ်သုံးလာဖို့ ရည်ရွယ်ပြီး လုပ် ငန်းတွေလုပ်ဖြစ်တယ်။ ဝါးနဲ့ထုတ်လုပ်တဲ့ ထုတ်ကုန်တွေက ကြာရှည်ခံပြီး လူကြိုက်များတဲ့ ထုတ်ကုန်တွေ ဖြစ်လာစေဖို့ သင်တန်းတွေပေးတယ်”ဟု မြန်မာနိုင်ငံ၊ ဝါးစိုက်ပျိုးရေးမှ ရန်ကုန်တိုင်းဒေသကြီး တာဝန်ခံလည်းဖြစ်သူ ၎င်းကပြောသည်။ အဆိုပါအသင်းကို ၂၀၁၅ ခုနှစ်တွင် တည်ထောင်ခဲ့ခြင်းဖြစ်ပြီး အသင်းသား ၁၀၀၀ ကျော်ရှိကာ လက်ရှိတွင် ဝါးလက်ကောက်၊ ပေတံ၊ ဝါးမီးသွေးဆပ်ပြာ၊ ဝါးအအေးသောက်ပိုက်၊ အိမ်အလှဆင် ဝါးမီးအိမ်နှင့် တစ်ရှူးဘူးများကို အသင်းသားများမှ ထုတ်လုပ်လျက်ရှိကာ လုပ်ငန်းများတိုးချဲ့ လုပ်ကိုင်နိုင်ရန်အတွက် ပြည်ပနိုင်ငံများနှင့် ချိတ်ဆက်ဆောင်ရွက်ရန် ကြိုးစားလျက်ရှိကြောင်း ဝါးလက်မှုလုပ်ငန်းရှင်တစ်ဦးက ပြောသည်။

“ပြည်ပနဲ့ ချိတ်ဆက်လုပ်မယ်ဆိုရင် ထုတ်ကုန်တစ်ခုကို အများကြီးလုပ်နိုင်မှ ဈေးကွက်ခိုင်မှာ။ ကိုယ့်ဘက်က ဒီလိုမလုပ်နိုင်သေးဘဲနဲ့ ပြည်ပကိုဖိတ်ခေါ်လည်း ဘာမှအကျိုးမရှိနိုင်ဘူး။ ကိုယ့်ဘက်က အရင်ပြင်ဆင်ရမယ်”ဟု ၎င်းက ပြောသည်။ ဝါးစိုက်ပျိုးရေးလုပ်ငန်းကို အစေ့စိုက်ပျိုးနည်းစနစ်ဖြင့်လည်းကောင်း၊ ပျိုးပင်စနစ်ဖြင့်လည်းကောင်း အစေ့ဖြင့် စိုက်ပျိုးရေးနည်းစနစ်သည် ဝါးအမျိုးအစားလိုက်၍ သက်တမ်းခြောက်နှစ်ကျော်မှ စတင်ကာ ဈေးကွက်တင်ရောင်းချရကြောင်း သိရသည်။

အသင်းအနေဖြင့် ထုတ်ကုန်လုပ်ငန်းများ ပိုမိုမြှင့်တင်နိုင်ရန် ရန်ကုန်တိုင်းဒေသကြီး၊ တိုက်ကြီးမြို့နယ်ရှိ မြိုင်ကြိုးဝိုင်းတွင် ဝါးစိုက်ပျိုး ရေး ဧက ၁၀၀၀ ကိုပါ တွဲဖက်လုပ်ကိုင်နေကြောင်း၊ ဝါးစိုက်ပျိုးရေး လုပ်ငန်းများ လုပ်ကိုင်ရန် သက်ဆိုင်ရာဝန်ကြီးဌာနသို့ လျှောက် ထားပြီး အစုအဖွဲ့စနစ်ဖြင့် စိုက်ပျိုးလျက်ရှိကြောင်း သိရသည်။ ဝါးစိုက်ပျိုးရေးလုပ်ငန်းကို ၂၀၁၈ ခုနှစ်၊ မိုးကာလတွင် စတင်လုပ်ကိုင်ခဲ့ကာ စိုက်ပျိုးရေးလုပ်ငန်း လုပ်ကိုင်ရန်အတွက် သစ်တောဦးစီးဌာနသို့ ပုဂ္ဂလိကလုပ်ငန်းရှင်တစ်ဦးလျှင် ဧက ၅၀ ခန့် လျှောက်ထားနိုင်ပြီး ဧက ၁၀၀ အထက် လျှောက်ထားလိုပါက နေပြည်တော်တွင် သွားရောက်လျှောက်ထားရကြောင်း သိရသည်။

ထို့ပြင် ယခုနှစ်ဧပြီလပိုင်းမှ စတင်ကာ ဝါးစိုက်ပျိုးရေးလုပ်ငန်း လုပ်ကိုင်သူများအနေဖြင့် လုပ်ငန်းများစတင်မည်ဆိုပါက သစ်တောဦးစီးဌာနသို့ တစ်ဧကလျှင် ငွေကျပ်သုံးသောင်း အာမခံငွေအဖြစ် ပေးသွင်းရမည်ဖြစ်ပြီး အပြည့်အ၀ စိုက်ပျိုးပြီးချိန်တွင် ၎င်းငွေများကို ပြန်လည်ထုတ်ပေးသွားမည်ဖြစ်ကြောင်း၊ ယခင်က သစ်မာစိုက်ပျိုးရေး လုပ် ငန်းများအတွက်သာ အာမခံငွေ ငွေကျပ်ငါးသောင်း ပေး ချေရပြီး ဝါးစိုက်ပျိုးရေးလုပ်ငန်းများအတွက်အာမခံငွေပေးချေရခြင်းကို ယခုနှစ်၊ မတ်လလယ်ပိုင်းမှ စတင်ထုတ်ပြန်ခဲ့ခြင်းဖြစ် ကြောင်း သိရသည်။

မွေးမြူရေးနှင့် ကုသရေးဦးစီးဌာန

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်