COVID-19 ကာလအတွင်း ဈေးကွက်သစ်များဖော်ဆောင်နိုင်ရန် တောင်သူများစုပေါင်းကြိုးပမ်း

    COVID-19 ကာလအတွင်း အိမ်နီးချင်းနိုင်ငံတချို့သို့ တင်ပို့ရောင်းချနေသည့် ဈေးကွက်များ အားနည်းလာသည့်အတွက် ပြည်တွင်းပြည်ပဈေးကွက်သစ်များ ဖော်ဆောင်နိုင်ရန် တောင်သူများ စုပေါင်းကြိုးပမ်းနေကြောင်း သိရသည်။

သရက်ရာသီတုန်းက မူဆယ်ဈေးကွက်ကို သိပ်မပို့နိုင်တဲ့အတွက် သရက်စိုက်ပျိုးသူတွေ အကျိုးကျေးဇူးလေးရလာတာမျိုး ရှိပါတယ်။ မြန်မာ့သရက်သီးတွေ စင်္ကာပူနိုင်ငံကို ကွန်တိန်နာလိုက် သင်္ဘောနဲ့တင်ပို့နိုင်ခဲ့ပါတယ်။ အရင်တုန်းက စင်္ကာပူနိုင်ငံကို သင်္ဘောနဲ့ တစ်ခါမှ ဒီလိုမျိုး မတင်ပို့ဖူးဘူး။ ပထမဆုံးအတွေ့အကြုံကို ရသွားကြတာပေါ့နော်။ ကွန်တိန်နာ ရှစ်လုံး၊ ကိုးလုံးလောက်ကို ဆက်တိုက်ပို့နိုင်သွားတဲ့အခါကျတော့ အတွေ့အကြုံတွေက အများကြီးရလိုက်တာပေါ့နော်။ အရင်တုန်းက သရက်သီးကို တစ်တန်လောက်၊ ပမာဏနည်းနည်းလောက်ပဲ လေယာဉ်နဲ့ တင်ပို့နိုင်ခဲ့ကြတယ်လေ။ အခုကတော့ ကွန်တိန်နာလိုက် တင်ပို့နိုင်တယ်။ ဒီကာလအတွင်းမှာ အဲ့ဒါလေးတစ်ခု အကျိုးရှိသွားတာပေါ့။

ဟု မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ်သူများအသင်းမှ ဥက္ကဌ ဦးစိုးသန်းမင်းဒင် က ပြောသည်။

    စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အားပေးပံ့ပိုးမှု၊ မြို့တော်စည်ပင်သာယာရေးကော်မတီ၏ ခွင့်ပြုချက်များဖြင့် မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်သူများအသင်းမှ ဦးစီးကာ ရာသီပေါ်သီးနှံများ လှည့်လည်ရောင်းချသည့် တောင်သူဈေးကားများ စတင်ပေါ်ပေါက်လာခဲ့ပြီး အနယ်နယ်အရပ်ရပ်မှ တောင်သူများ စိုက်ပျိုးထားသည့် ဟင်းသီးဟင်းရွက်နှင့် သစ်သီးဝလံများကို ဈေးကွက်ဖော်ဆောင် ရောင်းချပေးနိုင်ခဲ့သည်။

COVID-19 ကြောင့် တိုးတက်ပြောင်းလဲလာတဲ့ ဖြစ်စဉ်တစ်ခုကတော့ တောင်သူဈေးကားတွေ အများအပြားပေါ်ထွက်လာတာပါပဲ။ အခုဆိုရင် နယ်တွေမှာလည်း ဈေးကားတွေ ထွက်လာကြတယ်။ Farm to direct market (စိုက်ခင်းမှသည် တိုက်ရိုက်ဈေးကွက်ဆီသို့) စနစ်လေး ဖော်ဆောင်နိုင်လာတဲ့အတွက် စားသုံးသူတွေအတွက်လည်း လွယ်ကူအဆင်ပြေသလို၊ တောင်သူတွေအတွက်လည်း ဈေးကွက်သစ် ရရှိလာပါတယ်။

ဟု ဦးစိုးသန်းမင်းဒင်က ဆိုသည်။

    ပြည်တွင်းမှ ထွက်ရှိသည့် ပြောင်းများကို ယခင်နှစ်များက တရုတ်နိုင်ငံဈေးကွက်သို့ အားထားတင်ပို့ခဲ့သော်လည်း ယခုအခါ ထိုင်းနိုင်ငံ၊ အိန္ဒိယနိုင်ငံ၊ လာအိုနိုင်ငံ၊ ဗီယက်နမ်နိုင်ငံများထံသို့လည်း ဈေးကွက်တိုးချဲ့ တင်ပို့ရောင်းချနိုင်လာကြောင်း မြန်မာနိုင်ငံပြောင်းလုပ်ငန်းအသင်းမှ သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်