ဇူလိုင်လဆန်းတွင် အလယ်ပိုင်းဒေသများအပါအဝင် တစ်နိုင်ငံလုံး မိုးများနိုင်

27/06/2022 15:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ဇူလိုင်လဆန်းပိုင်းမှာ အလယ်ပိုင်းဒေသတွေအပါအဝင် တစ်နိုင်ငံလုံး မိုးများနိုင်တဲ့ အခြေ အနေတွေဖြစ်ပေါ်နေတယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က ပြောပါတယ်။

တောင်တရုတ်ပင်လယ်မှာဖြစ်ဖို့များနေတဲ့ တိုင်ဖွန်းမုန်တိုင်းအရှိန်၊ ဘင်္ဂလားဒေ့ရှ်နယ်စပ်မှာ ဖြစ်နေတဲ့ လေဖိအားနည်းရပ်ဝန်း၊ မြန်မာပြည်မြောက်ပိုင်းမှာဖြစ်နိုင်မယ့် အထက်လေဝဲစီး ကြောင်းတွေက မိုးတွေကို ဆွဲသွင်းလာနိုင်တာလို့ ဦးဝင်းနိုင်က Green Way ကို ပြောပါတယ်။

“ ထူးခြားဖြစ်စဉ်အနေနဲ့ တောင်တရုတ်ပင်လယ်က တိုင်ဖွန်းမုန်တိုင်းရယ်၊ အိန္ဒိယ ဘင်္ဂလားဒေ့ရှ်နယ်စပ် ကိုလ်ကတ္တားရဲ့အနောက်မြောက်ဘက်က လေဖိအားနည်းရပ်ဝန်းရယ်၊ နောက်တစ်ခုက ဗမာပြည်မြောက်ပိုင်း ကချင်ပြည်နယ်က မြစ်ကြီးနားနဲ့ ထီးချိုင့်ကြား ထဲမှာဖြစ်မယ့် အထက်လေဝဲစီးကြောင်း အဲ့ဒီသုံးခုပေါင်းပြီးတော့ မိုးများမယ့်ဖြစ်စဉ်က ဖြစ်တာ” 

တောင်တရုတ်ပင်လယ်မှာ ဒီနှစ်မုန်တိုင်းရာသီအတွက် အားကောင်းတဲ့ တိုင်ဖွန်းမုန်တိုင်းတစ်လုံးဖြစ်လာနိုင်မဲ့ INVEST-97W က လက်ရှိမှာ ဖိလစ်ပိုင်နိုင်ငံ အရှေ့ဘက်ကမ်းခြေအနီးက ပင်လယ်ပြင်မှာ စဖြစ်နေပြီဖြစ်တယ်လို့ သိရပါတယ်။

အပြည်ပြည်ဆိုင်ရာ မိုးလေဝသဌာနကြီးတွေကတော့ မုန်တိုင်းအဆင့်ထိ ဖြစ်လာနိုင်ချေကို အတည်မပြုသေးပေမယ့် ဖြစ်ဖို့များနေတာဖြစ်ပြီး ဒီတိုင်ဖွန်းမုန်တိုင်းအရှိန်ကြောင့် ဘင်္ဂလားပင်လယ်အော်နဲ့ ကပ္ပလီပင်လယ်မှာ အနောက်တောင်မုတ်သုံလေအားကောင်းလာကာ မြန်မာပြည်ရဲ့ မိုးငတ်နေတဲ့ဒေသတွေမှာ မိုးရွာနိုင်မှာဖြစ်တယ်လို့ သိရပါတယ်။ 

“ မုန်တိုင်း ဟောင်ကောင်ကို ဝင်တဲ့အချိန်ပေါ့။ ဝင်တဲ့အချိန်မှာ ဟိုတလောက ပြောထားတဲ့အတိုင်းပဲ။ အိန္ဒိယနဲ့ ဘင်္ဂလားဒေ့ရှ်နယ်စပ် ကိုလ်ကတ္တားရဲ့အပေါ်ပိုင်းမှာ ကုန်းတွင်းလေဝဲက ဟိုဘက်က ဟောင်ကောင်ကမ်းခြေနားကို ကပ်လာတဲ့အချိန်မှာ အဲ့ဒီနေရာမှာ ထပ်ပြီးတော့ လေဝဲထပ်ဖြစ်တယ်။ အဲ့ဒီတောင်တရုတ် ပင်လယ်က တွန်းချလိုက်တဲ့ အရှေ့အပေါ်လေစီးကြောင်းနဲ့ပါလာတဲ့ မိုးတိမ်တိုက်ကြီးတွေကော၊ ဒီဘက်က ကုန်းတွင်းလေဖိအားနည်းရပ်ဝန်း အဲ့ဒီလေဖိအားနည်းရပ်ဝန်းနှစ်ခု ဗမာပြည်မြောက်ပိုင်း ထီးချိုင့်နဲ့မြစ်ကြီးနားကြားမှာ လေဖိအားနည်းရပ်ဝန်းတစ်ခု အဲ့ဒါ တွေ အကုန်လုံးက မိုးတွေဆွဲသွင်းမှာ။ လာမယ့် ၅ ရက်ဆိုတော့ ဇူလိုင် ၂ ရက်နဲ့ ၃ ရက် ပတ်ဝန်းကျင််မှာတော့ တစ်ပြည်လုံး မိုးများမယ့်အခြေအနေရှိတယ်” လို့ ဦးဝင်းနိုင်က ခန့်မှန်းပါတယ်။

မိုးရွာမယ့်ထဲမှာ မြန်မာနိုင်ငံအလယ်ပိုင်းဒေသတွေလည်း ပါဝင်ပြီး မိုးအနည်းဆုံးဖြစ်နေ တဲ့ ညောင်ဦးနဲ့ ရေစကြိုဒေသတွေမှာတောင် မိုးများများရွာနိုင်တယ်လို့ ဦးဝင်းနိုင်က ဆိုပါတယ်။

“ ညောင်ဦးအတွက်ပြောမယ်ဆိုရင် ၃၀ ရက်နေ့ည ၁ ရက်နေ့မနက် တိမ်တွေဖြစ်မယ်။ မိုးပါးပါးစရွာလိမ့်မယ်။ မိုးများများရွာမှာကတော့ ၂ ရက်နေ့ကနေစပြီးတော့ နောက်ပိုင်းပေါ့နော်။ အဲ့နောက်ပိုင်းတော့ မိုးရေချိန်များနိုင်တယ်။ ရေစကြိုကတော့ မိုးခေါင်မယ့်ထဲတောင် မပါဘူး။ မိုးပိုကိုများမှာ။ ၂၉ ရက်နေ့ညကတည်းကိုက မိုးကစရွာမှာ။ ဒီနေ့ညနေ ၆ နာရီကနေ ၉ နာရီကြားတောင် မိုးရွာမယ့်အခြေအနေရှိတယ်။ မိုးများမယ့်အခြေအနေကတော့ ၁ ရက်နေ့ကနေ တောက်လျှောက်ပဲ” 

အိန္ဒိယနိုင်ငံရဲ့ အရှေ့ဘက် ဘင်္ဂလားဒေ့ရှ်နယ်စပ်၊ ကိုလ်ကတ္တားရဲ့အနောက်မြောက်ဘက်လောက်မှာ ဇွန် ၂၃ ရက်ကတည်းက စဖြစ်နေတဲ့ အထက်လေဝဲစီးကြောင်းဟာလည်း ဆက်လက်တည်ရှိနေပြီး အဲ့ဒီအရှိန်ကြောင့် ဇွန် ၂၉ ရက်ညပိုင်းကတည်းကစပြီး ဘင်္ဂလားပင်လယ်အော်မှာ မုတ်သုံလေအားကောင်းလာတော့မှာဖြစ်တယ်လို့လည်း သိရပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်