ကရင်ပြည်နယ်နှင့် ဧရာဝတီတိုင်းဒေသအချို့တွင် ခြောက်သွေ့စိုက်ဆင်းလေပြင်းကျနိုင်ပြီး မိုးသီး၊ လေပြင်းများ အန္တရာယ်ရှိနိုင်

ကရင်ပြည်နယ်နှင့် ဧရာဝတီတိုင်းဒေသအချို့တွင် ခြောက်သွေ့စိုက်ဆင်းလေပြင်း အန္တရာယ်ရှိပြီး မိုးသီးအန္တရာယ်၊ လေပြင်းအန္တရာယ်နှင့် မိုးကြိုးမုန်တိုင်းအန္တရာယ်များကို သတိထားရန် လိုသည်ဟု အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင် က သတိပေးထားသည်။

“ ဒီနေ့ မွန်းလွဲ ၂ နာရီလောက်က ရန်ကုန်တိုင်း၊ ပဲခူးတိုင်းတွေပေါ်မှာ ဖြစ်လာတဲ့ တိမ်တိုက်ကြီးက အရှေ့ဘက်(ကရင်ပြည်နယ်ဘက်) ကို ရွေ့နေပါတယ်။ ဧရာဝတီတိုင်းပေါ်မှာလည်း ပုသိမ်၊ ငပုတော၊ ဘိုကလေးနဲ့ ဖျာပုံ/ကွမ်းခြံကုန်းပေါ်မှာ တိမ်တိုက်တွေ စဖြစ်လာတာတွေ့ရပါတယ်။ မိုးတိမ်တောင်တွေကြောင့် ဖြစ်လာနိုင်မယ့် ခြောက်သွေ့စိုက်ဆင်းလေပြင်းအန္တရာယ်ကို သတိထားကြရပါမယ်” ဟု ဦးဝင်းနိုင်က သူ၏ ဖေ့စ်ဘုတ်အကောင့်မှတစ်ဆင့် သတိပေးထားခြင်းဖြစ်သည်။

မိုးတိမ်တောင်ကြီးတွေဖြစ်လာပါက ယင်းအပေါ်မှာရှိနေသည့် အပူချိန်က အနုတ် ၆၇၊ ၆၈ ကနေ အနုတ် ၉၀ ဒီဂရီစင်တီဂရိတ်လောက်ထိ အေးသွားနိုင်သည်ဟု သိရသည်။

ယင်းအနေအထားတွင် မိုးရွာနိုင်သည်၊ မရွာနိုင်ဘူးဆိုသည်မှာမူ အပူချိန်၊ မိုးရေပေါက်ဖြစ်နိုင်သည့်ပွိုင့်၊ Relative humidity ဟု ခေါ်သည့် လေထုစိုထိုင်းဆ စသည့် သုံးမျိုး သဟဇာတဖြစ်ဖို့လိုကြောင်း၊ ယင်းသုံးမျိုး သဟဇာတဖြစ်၍ မိုးစက်မိုးပေါက်အဖြစ် အောက်ကိုကျလာသည့်အချိန်တွင် လေများက ဦးတည်ချက်မရှိဘဲ ပြန့်ကျဲထွက် သွားသည့်ပုံစံမျိုးနှင့် တိုက်နိုင်တာဖြစ်သည်ဟု ဦးဝင်းနိုင်က ရှင်းပြသည်။

“ အဲ့ဒီဟာကို ကျွန်တော်တို့က စိုက်ဆင်းလေပြင်းကနေ ဖြစ်လာတဲ့ လေပြင်းလို့ ခေါ်တယ်။ တစ်နာရီ မိုင် ၁၅၀ ကနေ ၁၆၀ လောက်ထိ တိုက်နိုင်တယ်။ အဲ့တော့ ဆရာကြီး ဦးထွန်းလွင်ကတော့ မိုးတိမ်တောင်ကြီးတွေဖြစ်လာရင် စိုက်ဆင်း လေပြင်းကဖြစ်တတ်တယ်။ ဖြစ်လည်းဖြစ်ခဲ့ဖူးတာတွေ ရှိတယ်။ အဲ့တော့ အဲ့အချိန်ကျရင် လေပြင်းက မုန်တိုင်းတိုက်သလိုမျိုး နာရီနဲ့ချီပြီး မကြာဘူး။ မိနစ်ပိုင်းပဲ။ တစ်မိနစ် နှစ်မိနစ်လောက်အတွင်း ဝုန်းဝုန်း ဝုန်းနဲ့ ပစ်တိုက်ပြီး သစ်ပင်တွေလဲ၊ ဘာတွေလဲ၊ စိုက်ခင်းတွေဆိုလည်း ပျက်စီးပေါ့နော်။ ဖြစ်နိုင်တယ်” လို့ ဦးဝင်းနိုင်က ဆိုသည်။

မိုးဦးစ လေဦးစအချိန်နှင့် ယခုကာလလိုမျိုး မိုးဦးနဲ့ဝေးနေသေးသည့်အချိန် မုတ်သုန်လည်း မဝင်သေးတဲ့အချိန်မျိုးတွင် မိုးတိမ်တောင်ကြီးတွေ ဖြစ်လာရင် စိုက်ဆင်းလေပြင်းဆိုတာ ဖြစ်တတ်ကြောင်းနှင့် အဲ့ဒီအချိန်မျိုးမှာ မိုးကြိုးမုန်တိုင်းဆိုတာပါ ပါလာမည်ဆိုလျှင်တော့ လူတွေ၊ တိရစ္ဆာန်တွေ မိုးကြိုးပစ်ခံရနိုင်သည့် အန္တရာယ်ရှိသည်ဟုလည်း ဦးဝင်းနိုင်က ပြောသည်။

“ အဲ့ဒီကြားထဲမှာမှ ခုန ကျွန်တော် ပြောတဲ့ အမြင့်က အပူချိန်ကျနေတဲ့နေရာမှာ ခဲနေတဲ့ရေတွေက အောက်ကို တဖြည်းဖြည်းကျလာတဲ့အခါကျတော့ မိုးသီးတွေပါ ပါလာတာပေါ့။ မိုးသီးဆိုတော့ သိတဲ့အတိုင်း စိုက်ခင်းတွေပျက်တယ်၊ သီးနှံတွေပျက်တယ်။ ခုနပြောသလို ဘက်ပေါင်းစုံကို ပြန့်ထွက်သွားတဲ့လေပြင်းတိုက်လိုက်လို့ရှိရင် အဲ့ဒီဟာကလည်း သီးနှံတွေကို ပျက်စီးစေနိုင်တာပေါ့” ဟု ဦးဝင်းနိုင်က သတိပေးသည်။

" ဧပြီ ၁၉ ရက် ညပိုင်းမှာတော့ မိုးတိမ်တောင်တွေက နေပြည်တော်၊ အောင်သာ၊ ဆွာ၊ ပျဉ်းမနား၊ တပ်ကုန်း၊ ရမည်းသင်း၊ ကလောနဲ့ တောင်ကြီးမြို့တွေပေါ်ထိ ရောက်ပါတယ်။ မိုးတော့ မများနိုင်ပေမဲ့ လေပြင်းတိုက်ခတ်နိုင်ခြေ တစ်နာရီ မိုင် ၃၀ ကျော်ထိ ရှိနိုင်တာကြောင့် လေပြင်းအန္တရာယ် သတိထားကြရပါလိမ့်မယ်" လို့လည်း ဦးဝင်းနိုင်က ယနေ့ညပိုင်းမှာ သူ့ရဲ့ဖေ့စ်ဘုတ် စာမျက်နှာကနေ ထပ်မံသတိပေးမှု ပြုလုပ်ထားသည်။

ဓာတ်ပုံခရက်ဒစ် - Win Naing Facebook page

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...