သာဂရနဲ့ တောင်ငူကြား စစ်တောင်းမြစ်ဘေးအနိမ့်က မြို့/ရွာများ မြစ်ရေသတိ

ဩဂုတ်လ ၁၈ ရက် နံနက် ၁၁ နာရီမှာ တွေ့ရတဲ့ ဘင်္ဂလားဒေ့ရှ်နိုင်ငံပေါ်မှာ ဖြစ်ပေါ်နေဆဲ အားကောင်းသောကုန်းတွင်းလေဖိအားနည်းရပ်ဝန်းက အနည်းဆုံး နောက် ၄၈ နာရီအထိ ဆက်လက်တည်ရှိနေနိုင်ပြီး အနောက်ဘက်(အိန္ဒိယနိုင်ငံဘက်)သို့ ဆက်လက်ရွေ့လျားမယ်လို့ ခန့်မှန်းထားပါတယ်။

🔸 လက်ရှိဖြစ်ပေါ်နေတဲ့ ကုန်းတွင်းလေဖိအားနည်းရပ်ဝန်းအရှိန်ကြောင့် နောက်လာမဲ့ ၇၂ နာရီ(ဩဂုတ် ၁၈ ရက် နံနက် ၁၁ နာရီမှ ဩဂုတ် ၂၁ ရက် နံနက် ၁၁ နာရီ)အတွင်း -

တစ်နိုင်ငံလုံး နေရာအနှံ့အပြား မိုးရွာနိုင်ပြီး ကချင်ပြည်နယ်၊ စစ်ကိုင်းတိုင်း၊ ချင်းပြည်နယ်၊ မန္တလေးတိုင်း၊ နေပြည်တော်၊ ရခိုင်ပြည်နယ်၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ရှမ်းပြည်နယ်၊ ကယားပြည်နယ်၊ မွန်ပြည်နယ်နဲ့ ကရင်ပြည်နယ်တွေမှာ ၃ ရက်အတွင်း မိုးရေချိန်စုစုပေါင်း ၅၀ မီလီမီတာအထက်မှ ၁၁၅ မီလီမီတာအထက်အထိ မိုးရွာသွန်းနိုင်ပါတယ်။

တနင်္သာရီတိုင်းမှာတော့ မိုးအားလျော့နေနိုင်(၃ ရက်ပေါင်း မိုးရေချိန် ၄၀ မီလီမီတာအောက် သာရွာသွန်းနိုင်)ပါတယ်။

GFH မှာတွေ့ရတဲ့ မြစ်ရေအခြေအနေတွေက -

🔸 ရခိုင်ပြည်နယ်မှာ ကလတန်မြစ်ရေ စိုးရိမ်ရေမှတ်အထက်ကို ကျော်လွန်နေတာက ဩဂုတ်လ ၂၂ ရက်နေ့မှာ သတိပေးရေအမှတ်(Warning Level)အောက်အထိ ပြန်လည်ကျဆင်းနိုင်ကြောင်း၊

🔸 စစ်တောင်းမြစ်ရေက ဩဂုတ်လ ၂၄ ရက်နေ့မှာ သာဂရနဲ့ တောင်ငူကြား စစ်တောင်းမြစ်ဘေးအနိမ့်ပိုင်းက မြို့/ရွာတွေမှာ သတိပေးရေအမှတ်(Warning Level)အထက်အထိ ပြန်လည်မြင့်တက်လာနိုင်ကြောင်း တွေ့ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်