YAGI ဟာ ယနေ့မှာ အားအကောင်းဆုံး CAT-4 တိုင်ဖွန်းမုန်တိုင်းကြီး ဖြစ်လာမယ်လို့ TSR မှာ တွေ့ရ

စက်တင်ဘာလ ၄ ရက် ည ၇ နာရီ ၄၅ မိနစ်အချိန် ရရှိသည့်ဒေတာများအရ

 🔸 တောင်တရုတ်ပင်လယ်မှာ ဖြစ်ပေါ်နေတဲ့ တိုင်ဖွန်းမုန်တိုင်း YAGI သည် မနက်ဖန် စက်တင်ဘာလ ၅ ရက် မြန်မာအချိန် ည ၆ နာရီကျော်တဲ့အခါ အားအကောင်းဆုံး CAT-4 တိုင်ဖွန်းမုန်တိုင်းကြီး ဖြစ်လာမယ်လို့ TSR(Tropical Storm Risk)မှာ တွေ့ရပါတယ်။

🔸 မူလကြိုတင်ခန့်မှန်းလမ်းကြောင်းအတိုင်း ဟိုင်နန်ကျွန်းမြောက်ဘက်အစွန်(QIONGZHOU - ရေလက်ကြား)ကို CAT-4 တိုင်ဖွန်းမုန်တိုင်းအဖြစ် ဖြတ်သန်းပြီး ဗီယက်နမ်ကမ်းခြေဘက်ကို BEIBU ပင်လယ်ကွေ့(BEIBU GULF)အား ဖြတ်ကျော်ရွေ့လျားစဉ် CAT-1 တိုင်ဖွန်းမုန်တိုင်းအဖြစ်သို့ အားလျော့သွားနိုင်ကြောင်း တွေ့ရပါတယ်။

🔸 ဆက်လက်ပြီး စက်တင်ဘာ ၇ ရက် ညပိုင်းမှာ ဗီယက်နမ်နိုင်ငံမြောက်ပိုင်းကမ်းခြေကို HALONG နဲ့ CAMPHA မြို့များအနီးမှ ဖြတ်ကျော်ဝင်ရောက်မယ်လို့ တွေ့ရပါတယ်။ ကမ်းခြေကို ဖြတ်ကျော်ဝင်ရောက်စဉ် လေတိုက်နှုန်း တနာရီ ၈၅ မိုင် အထိ ရှိနိုင်ကြောင်းတွေ့ရပါတယ်။

🔸 ဗီယက်နမ်ကမ်းခြေကို ဖြတ်ကျော်ဝင်ရောက်ပြီးတဲ့နောက် စက်တင်ဘာလ ၈ ရက်နေ့မှာ ကုန်းတွင်းမုန်တိုင်းအဖြစ်သို့လည်းကောင်း၊ စက်တင်ဘာလ ၉ ရက်နေ့မှာ ကုန်းတွင်းလေဖိအားနည်းရပ်ဝန်းအဖြစ်သို့လည်းကောင်း အားလျော့သွားပြီး အနောက်ဘက်ကို ဆက်လက်ရွေ့လျားရင်း - 

🔸 လာအိုနိုင်ငံနဲ့ ရွှေတြိဂံဒေသ၊ မြန်မာနိုင်ငံအရှေ့ပိုင်းမှတဆင့် ရှမ်းပြည်နယ်၊ မန္တလေးတိုင်း၊ စစ်ကိုင်းတို့ကို ဖြတ်ကျော်ပြီး ဘင်္ဂလားဒေ့ရှ်နိုင်ငံမြောက်ပိုင်းကို စက်တင်ဘာလ ၁၁ ရက်နေ့ မှာရောက်ရှိပြီးနောက်မှ လုံးဝ အားပျော့ပျက်ပြယ်သွားမယ်လို့ ECMWF ကြိုတင်ခန့်မှန်း လမ်းကြောင်းမှာ တွေ့ရပါတယ်။

🔸 ကုန်းတွင်းလေဖိအားနည်းရပ်ဝန်းဖြင့်ဖြစ်စေ လေပွေလှိုင်းတခုအနေနှင့်ဖြစ်စေ မုန်တိုင်းအကြွင်းအကျန်တိမ်တိုက်များကတော့ မြန်မာနိုင်ငံကိုဖြတ်သန်းသွားပြီး အနောက်ဘက် ဘင်္ဂလားဒေ့ရှ်နိုင်ငံအထိရောက်နိုင်မယ်လို့ ခန့်မှန်းထားတာဖြစ်ပါတယ်။

တိုင်ဖွန်းမုန်တိုင်းအရှိန်နဲ့ ဘင်္ဂလားပင်လယ်အော်မှာဖြစ်ပေါ်လာမဲ့ လေဖိအားနည်းရပ်ဝန်းရဲ့ သက်ရောက်မှုများကြောင့် မြန်မာနိုင်ငံအတွင်းမှာ စက်တင်ဘာလ ၇ ရက်နေ့မှ စတင်ပြီး စက်တင်ဘာလ ၁၂ ရက်နေ့အထိ နိုင်ငံအနှံ့ မိုးရွာပြီး ဒေသအချို့(ရှမ်းပြည်နယ်၊ မန္တလေးတိုင်း၊ စစ်ကိုင်းတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း၊ ဧရာဝတီတိုင်း၊ ရန်ကုန်တိုင်းနဲ့ ပဲခူးတိုင်းဒေသအချို့)မှာနေရာကွက်၍ မိုးသည်းထန်နိုင်၊ မိုးများနိုင်ပါမယ်။

🔸 ရေနှင့်ပတ်သက်တဲ့ သဘာဝဘေးအန္တရာယ်များဖြစ်လေ့ရှိသောဒေသများမှာတော့ "စက်တင်ဘာလ ၇ ရက် မှ ၁၂ ရက်အတွင်း" အထူးသတိပြုကြပါရန် အသိပေးတင်ပြလိုက်ပါတယ်။

ယနေ့၁၀ နာရီခွဲအချိန်ရရှိသည့်ဒေတာအရလည်း  မုန်တိုင်းများ ဆန်းစစ်အတည်ပြုခြင်းအချက်အလက်များအရ လမ်းကြောင်းပြောင်းလဲမှု မရှိပါ။

ဟိုင်နန်ကျွန်းမြောက်ဘက်အစွန်(QIONGZHOU - ရေလက်ကြား)ကို CAT-4 တိုင်ဖွန်းမုန်တိုင်းအဖြစ် ဖြတ်သန်းပြီးနောက်

ဗီယက်နမ်ကမ်းခြေဘက်ကို BEIBU ပင်လယ်ကွေ့(BEIBU GULF)အား ဖြတ်ကျော်ရွေ့လျားစဉ် CAT-2 တိုင်ဖွန်းမုန်တိုင်းအဖြစ်သို့ အားလျော့သွားနိုင်ကြောင်း

(တိုင်ဖွန်းမုန်တိုင်း CATEGORIES CAT နံပါတ်များအလိုက် လေတိုက်နှုန်းကို TSR Update တွင် ကြည့်ပါ)

ကုန်းတွင်းဝင်ရောက်ပြီးနောက် လာအိုနိုင်ငံမြောက်ပိုင်းသို့ ကုန်းတွင်းလေဖိအားနည်းရပ်ဝန်းအဖြစ် ဖြတ်သန်းစဉ် ရှမ်းပြည်နယ် အရှေ့ပိုင်းနှင့်မြောက်ပိုင်းတို့၌ မိုးအလွန်များနိုင်ကြောင်း ECMWF ကြိုတင်ခန့်မှန်းချက်တွင် တွေ့ရပြီး 

မုန်တိုင်းအကြွင်းအကျန်တိမ်တိုက်များနဲ့ လေပွေလှိုင်းဖြတ်သန်းရာလမ်းကြောင်းတလျှောက် ရှမ်းပြည်နယ်၊ မန္တလေးတိုင်း၊ စစ်ကိုင်းတိုင်း၊ နေပြည်တော်၊ ကရင်ပြည်နယ်၊ မွန်ပြည်နယ်၊ ဧရာဝတီတိုင်း၊ ချင်းပြည်နယ်၊ ကချင်ပြည်နယ်တို့တွင် စက်တင်ဘာ ၇ ရက်မှ ၁၂ ရက်အတွင်း နေရာကွက်၍ မိုးသည်းထန်နိုင်ပါတယ်။

"မုန်တိုင်းများကြိုတင်ခန့်မှန်းခြင်းနှင့် ဆန်းစစ်အတည်ပြုခြင်း" လေ့လာရန် - https://www.mmweather.org/cyclone-prediction-verification

မုန်တိုင်း YAGI အကြွင်းအကျန်ဖြတ်သန်းရာလမ်းကြောင်းတလျှောက်ဖြစ်တဲ့ အညာဒေသ(မိုးနည်းရေရှားဒေသများ)မှာ မိုးအလွန်များနိုင်တဲ့ အခြေအနေဖြစ်လာနိုင်တာကြောင့် 

🔸 တောင်ကျချောင်းရေကျဆင်းနိုင်ချေရှိတဲ့ ဒေသတွေရော၊ ဆည်တမံများရော အထူးသတိထားကြရန်လိုပါမယ်။

🔸 မုန်တိုင်းအကြွင်းအကျန်များ ဖြတ်သန်းနိုင်မဲ့ လမ်းကြောင်း ကြိုတင်ခန့်မှန်းချက် update ကိုလည်း စောင့်ကြည့်အသိပေးနေပါ့မယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်