ဘင်္ဂလားပင်လယ်အော်တွင် လေဖိအားနည်းရပ်ဝန်း စတင်ဖြစ်ပေါ်ကြောင်းတွေ့ရ

ဩဂုတ် ၂၈ ရက် နံနက်ပိုင်းမှာ ရရှိတဲ့ အချက်အလက်များအရ -

ဘင်္ဂလားပင်လယ်အော် အလယ်ပိုင်းနှင့် ဆက်စပ်လျှက်ရှိသော ဘင်္ဂလားပင်လယ်အော်မြောက်ပိုင်း ပင်လယ်ပြင်မှာ ဒီနေ့ မနက်ပိုင်းက စ ပြီး လေဖိအားနည်းရပ်ဝန်းဖြစ်ပေါ်နေကြောင်း ECMWF, GFS, ICON နဲ့ METEOBLUE က NEMS model တွေမှာ တွေ့ရပါတယ်။

🔸 လက်ရှိအချိန်မှာတော့ လေဖိအားနည်းရပ်ဝန်းရဲ့ လက်ဝဲရစ် လေစီးကြောင်းက အမြင့်ပေ ၃၀၀၀ မှ ၅၀၀၀ နဲ့ အထက်မှာ ထင်ထင်ရှားရှားတွေ့ရပြီး ရေပြင်ညီ(Sea Level)အထိ ထင်ရှားတဲ့ လက်ဝဲရစ်လေစီးကြောင်းကိုတော့ ဒီနေ့ ညနေ ၆ နာရီ နောက်ပိုင်းမှ စတွေ့ရပါမယ်။

🔸 အခုဖြစ်လာတဲ့ လေဖိအားနည်းရပ်ဝန်းက တဖြည်းဖြည်းအားကောင်းလာပြီး ဩဂုတ်လ ၃၀ ရက်နေ့မှာ မုန်တိုင်းငယ်အဆင့်မှ ဆိုင်ကလုန်းမုန်တိုင်းအထိ ဖြစ်နိုင်ကြောင်း ကြိုတင်ခန့်မှန်းချက်တွေမှာ တွေ့ရပါတယ်။

🔸 ECMWF CHART မှာတော့ အာရေဗျပင်လယ်မြောက်ပိုင်းနဲ့ ဘင်္ဂလားပင်လယ်အော် အနောက်အလယ်ပိုင်း ပင်လယ်ပြင်မှာ ဆိုင်ကလုန်းမုန်တိုင်းဖြစ်နိုင်ချေ ၁၀၀% အထိ မြင့်တက်နေကြောင်း ပြနေပါတယ်။

တင်ပေးခဲ့ပြီးဖြစ်တဲ့ post များမှာ ကြိုတင်အသိပေးခဲ့ပြီးဖြစ်တဲ့အတိုင်း ဩဂုတ်လကုန်ပိုင်းမှာ ဖြစ်လာနိုင်တဲ့ မုန်တိုင်းက မြန်မာပြည်ဘက်ကို ဦးတည်ရွေ့လျားရန်မရှိသော်လည်း မုန်တိုင်းညာဘက်ခြမ်းက မြန်မာနိုင်ငံနေရာ အနှံ့မှာ မိုးများနိုင်တာကြောင့် ရေနဲ့ ပတ်သက်တဲ့ သဘာဝဘေးများ တကျော့ပြန် ပြန်ဖြစ်လာနိုင်တာကိုတော့ သတိထားပြင်ဆင်ကြဖို့လိုမှာ ဖြစ်ပါကြောင်း။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်