ဘင်္ဂလားပင်လယ်မြောက်ပိုင်းတွင် ဖြစ်ပေါ်လာနိုင်မည့် လေဖိအားနည်းရပ်ဝန်း

ဩဂုတ် ၂၆ ရက် ညနေ ၅ နာရီခွဲအချိန်ရရှိသည့် ဒေတာများအရ

ဘင်္ဂလားပင်လယ်အော်မြောက်ပိုင်းပင်လယ်ပြင်မှာ ဩဂုတ်လ ၂၈ ရက် ညနေပိုင်းက စ ပြီး လေဖိအားနည်းရပ်ဝန်းတခုဖြစ်ပေါ်လာနိုင်ကြောင်း၊ ပိုမိုအားကောင်းလာပြီး အားကောင်းသောလေဖိအားနည်းရပ်ဝန်း(မုန်တိုင်းငယ်)အဆင့်သို့ ဩဂုတ် ၃၀ ရက်နေ့တွင်ရောက်ရှိလာနိုင်ကြောင်း၊ ဩဂုတ် ၃၁ ရက်နေ့တွင် အိန္ဒိယကမ်းခြေသို့ ဦးတည်ရွေ့လျားနိုင်မည်ဖြစ်ကြောင်း ကြိုတင်ခန့်မှန်းချက်များမှာ တွေ့ရပါတယ်။

ECMWF Cyclone Genesis chart ကြိုတင်ခန့်မှန်းချက်အရ အခုဖြစ်ပေါ်လာနိုင်တဲ့ လေဖိအားနည်းရပ်ဝန်းသည် ဆိုင်ကလုန်းမုန်တိုင်းအဆင့်သို့အားကောင်းရောက်ရှိနိုင်ချေ ၅၀% သာရှိပါတယ်။

ဒီအခြေအနေကြောင့် နောက် ၃ ရက်မှ ၅ ရက်အတွင်း လေဖိအားနည်းရပ်ဝန်း/မုန်တိုင်းညာဘက်ခြမ်းမှ မြန်မာနိုင်ငံအနှံ့အပြားမှာ မိုးပိုလာနိုင်ပါမယ်။

နောက်တကြိမ် update ကို ယနေ့ ဩဂုတ် ၂၇ ရက် ည ပိုင်းမှာ ဆက်လက်စောင့်ကြည့်တင်ပြပေးသွားပါမယ်။

ဩဂုတ်လ ၃၀ ရက်နေ့တွင် ဘင်္ဂလားပင်လယ်အော် မြောက်ပိုင်း၌ လေဖိအားနည်းရပ်ဝန်း သို့မဟုတ် မုန်တိုင်း ၁ ကြိမ် ဖြစ်လာနိုင်ကြောင်း ... သင်္ချာပုံစံပြုကြိုတင်ခန့်မှန်းရေးမော်ဒယ် ၇ ခု ECMWF(AI), ECMWF, GEPS, GFS, GEFS, ICON, NAVGEM တို့မှ  တပြေးညီပြလာတာတွေ့ရပါတယ်။

အခုလို Numerical Models တွေမှ တပြေးညီ ပြလာပြီဆိုရင်တော့ ဖြစ်နိုင်ချေက ရာနှုန်းပြည့်နီးပါးကို ရှိလာပါပြီ။

လေဖိအားနည်းရပ်ဝန်း စတင်ဖြစ်လာချိန်(ခန့်မှန်း ဩဂုတ် ၂၈ ရက် ညပိုင်း)မှ စ ပြီး သတိနဲ့ စောင့်ကြည့်ကြရပါမယ်။

လေဖိအားနည်းရပ်ဝန်းဖြစ်လာတဲ့အချိန်အတွင်း -

တစ်နိုင်ငံလုံး မိုးရွာနိုင်ပြီး ဒေသအလိုက် မိုးအနည်းအများကွာခြားသွားပါမယ်။

ဩဂုတ် ၂၈ ရက်မှ ဩဂုတ် ၃၀ ရက်အထိ ၃ ရက်အတွင်း ရခိုင်ပြည်နယ်၊ ဧရာဝတီတိုင်း၊ ပဲခူးတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း၊ နေပြည်တော်၊ မန္တလေးတိုင်း၊ ကချင်ပြည်နယ်၊ စစ်ကိုင်းတိုင်းအထက်ပိုင်း၊ ရှမ်းပြည်နယ်၊ ကယားပြည်နယ် တွေမှာ မိုးရေချိန် ၅၀ မီလီမီတာမှ ၁၁၀ မီလီမီတာ(၂ လက်မခန့်မှ အများဆုံး ၄.၅ လက်မခန့်)အထိ မိုးရွာသွန်းနိုင်ပြီး၊ ကျန်ပြည်နယ်တိုင်းဒေသတွေမှာ ၀.၆ လက်မခန့်မှ ၁.၅ လက်မခန့်အထိ ရွာနိုင်ပါတယ်။

ဩဂုတ်လ ၃၀ ရက်နောက်ပိုင်း စက်တင်ဘာလ ၂ ရက်နေ့အထိ ၃ ရက်တာ ကာလအပိုင်းအခြားအတွင်းမှာတော့ စစ်ကိုင်းတိုင်းအထက်ပိုင်း၊ ရှမ်းပြည်နယ်မြောက်ပိုင်းနဲ့ ကချင်ပြည်နယ်မှာ မိုးပိုလာနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်