ဖေဖော်ဝါရီ ၁၉ ရက် မှ ၂၅ ရက်နေ့အတွင်း တနင်္သာရီတိုင်း၊ မွန်ပြည်နယ်နှင့် ကရင်ပြည်နယ်တို့တွင် မိုးသည်းထန်နိုင်

"ဘင်္ဂလားပင်လယ်အော်တောင်ပိုင်းတွင် ဖြစ်ပေါ်လာသည့် လေဖိအားနည်းရပ်ဝန်းကြောင့် မြန်မာနိုင်ငံတောင်ပိုင်းဒေသများတွင် ထစ်ချုန်းမည့်အခြေအနေများ ရှိလာနိုင်ပြီး လေဖိအားနည်းရပ်ဝန်းသည် ဆိုင်ကလုန်းမုန်တိုင်းအဆင့်ထိရောက်လာနိုင်ချေမရှိပါ"

ဖေဖော်ဝါရီ ၁၈ ရက် ည ၆ နာရီ ၃၀ မိနစ်အချိန်ရရှိသည့် ဒေတာများအရ

📌 အီကွေတာအနီး ဘင်္ဂလားပင်လယ်အော်တောင်ပိုင်းတွင် ဖြစ်ပေါ်နေသော လေဖိအားနည်းရပ်ဝန်း LPA သည် အနောက်-အနောက်မြောက်ဘက် သီရိလင်္ကာနိုင်ငံဘက်သို့ ဆက်လက်ရွေ့လျားပြီး နောက်လာမည့် ၂၄ နာရီအတွင်း အားပိုကောင်းကာပိုမိုသိသာသည့် MORE MARKED လေဖိအားနည်းရပ်ဝန်း ဖြစ်လာနိုင်ကြောင်း အိန္ဒိယမိုးလေဝသဌာနမှ ဖေဖော်ဝါရီ ၁၈ ရက်နေ့တွင်ထုတ်ပြန်ထားပါတယ်။

📌 လေဖိအားနည်းရပ်ဝန်းဖြစ်ပေါ်ရာ ဘင်္ဂလားပင်လယ်အော်တောင်ပိုင်းမှာ တိမ်ထူထပ်နေပြီး ဗဟိုဖိအား ၁၀၀၈ ဟက်တိုပါစကယ် (1008 hPa)၊ လေတိုက်နှုန်းအမြင့်ဆုံး တနာရီ ၂၉ မိုင်၊ မိုင် ၃၀ ခန့်ရှိပြီး၊ ဘင်္ဂလားပင်လယ်အော်တောင်ပိုင်း လေဖိအားနည်းရပ်ဝန်းအပေါ်မှ တိမ်ထိပ်အပူချိန် cloud top temperature သည် အနှုတ် ၉၀°C ရှိနေကြောင်း သိရပါတယ်။

📌 အိန္ဒိယမိုးလေဝသဌာနရဲ့ GFS နှင့် BFS model ကြိုတင်ခန့်မှန်းချက်များအရ နောက်လာမည့် ၂ ရက်အတွင်း အားကောင်းလာနိုင်ကြောင်း ခန့်မှန်းထားပြီး၊ ECMWF, NCEP GFS တို့မှ ဖေဖေါ်ဝါရီ ၂၁ ရက် မှ ၂၃ ရက်အတွင်း လေဖိအားနည်းရပ်ဝန်းသစ်တခုဖြစ်လာနိုင်မည်ဟု ခန့်မှန်းထားကြောင်း၊ နောက်လာမည့် ၇ ရက်အတွင် ဆိုင်ကလုန်းမုန်တိုင်းဖြစ်လာနိုင်သည့် အခြေအနေမရှိကြောင်း ခန့်မှန်းထားပါတယ်။

📌 ECMWF အပူပိုင်းမုန်တိုင်းနှင့် ဆိုင်ကလုန်းမုန်တိုင်းဖြစ်နိုင်မည့်အခြေအနေပြ chart မှာ ဘင်္ဂလားပင်လယ်အော်တောင်ပိုင်းတွင် ဖေဖော်ဝါရီ ၂၀ ရက် မှ ၂၃ ရက်အတွင်း ဆိုင်ကလုန်းမုန်တိုင်းဖြစ်နိုင်ချေ ၉၀% ရှိကြောင်းဖော်ပြထားတာတွေ့ရပါတယ်။

📌 ဘင်္ဂလားပင်လယ်အော်တောင်ပိုင်းမှ လေထုမငြိမ်မသက်မှုများကြောင့် ဖေဖော်ဝါရီ ၁၉ ရက် မှ ၂၅ ရက်နေ့အထိ ၇ ရက်တာကာလအတွင်း တနင်္သာရီတိုင်း၊ မွန်ပြည်နယ်၊ ကရင်ပြည်နယ်တို့တွင် မိုးရေချိန်အများဆုံးရရှိနိုင်ပါတယ် (၇ ရက်မိုးရေချိန် ၁ လက်မအထက်ရရှိနိုင်ပါမယ်) ရှမ်းပြည်နယ်၊ ပဲခူးတိုင်း-အရှေ့ပိုင်းနှင့် ရန်ကုန်တိုင်း၊ ဧရာဝတီတိုင်း၊ ရခိုင်ပြည်နယ်တို့တွင်လည်း မိုးအနည်းငယ်/မိုးဖွဲကျနိုင်ပါတယ်။

📌 ကျန်ပြည်နယ်/တိုင်းများတွင် (ပဲခူးအနောက်၊ စစ်ကိုင်း၊ ကချင်၊ မန္တလေး၊ နေပြည်တော်၊ ကယား၊ မကွေး၊ ချင်း) မိုးရိပ်တက်ပြီး မိုးအုံ့နိုင်သည့်အခြေအနေများဖြစ်ပေါ်နိုင်သော်လည်း မိုးရွာနိုင်၊ မိုးရေချိန်ရရှိနိုင်မည့် အလားအလာအလွန်နည်းပါတယ်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ