ဖေဖော်ဝါရီ ၂၃ ရက် မှ မတ်လ ၁ ရက်အထိ ၇ ရက်စာ မိုးလေဝသခန့်မှန်းချက်

ဘင်္ဂလားပင်လယ်အော်တောင်ပိုင်းမှ လေဖိအားနည်းရပ်ဝန်းသည် ပိုမိုအားကောင်းလာနိုင်ပြီး မြောက်အနောက်မြောက်သို့ရွေ့လျားရာမှ ၄၈ နာရီအတွင်း အရှေ့မြောက်ဘက်သို့ချိုးကွေ့ရွေ့လျားလာနိုင်သည်။

ဖေဖော်ဝါရီလ ၂၂ ရက် ည ၆ နာရီ ၃၀ မိနစ်အချိန်ရရှိသည့် ဒေတာများအရ

🔸 ဘင်္ဂလားပင်လယ်အော်အနောက်တောင်ပိုင်းတွင် စတင်ဖြစ်ပေါ်ခဲ့သော လေပွေလှိုင်း INVEST-91B သည် လေဖိအားနည်းရပ်ဝန်းဖြစ်လာပြီး သိသာထင်ရှားသောလေဖိအားနည်းရပ်ဝန်း Well-Marked LPA ဖြစ်လာပါတယ်။ WM-LPA သည် မြောက်အနောက်မြောက်ဘက်သို့ရွေ့လျားနေပြီး နောက် ၄၈ နာရီအတွင်း အရှေ့မြောက်ဘက်သို့ ချိုးကွေ့ရွေ့လျားနိုင်ပါတယ်။

🔸 အားကောင်းသောလေဖိအားနည်းရပ်ဝန်း Well-marked LPA သည် ဆိုင်ကလုန်းမုန်တိုင်းဖြစ်နိုင်ချေမရှိတော့ဘဲ အရှေ့မြောက်ဘက်သို့ဆက်လက်၍ ရွေ့လျားလာသော်လည်း အိန္ဒိယနိုင်ငံမြောက်ပိုင်းမှအနောက်မြောက်လေစီးကြောင်းအားကောင်းနေခြင်း၊ ထိုင်းပင်လယ်ကွေ့ကိုဖြတ်သန်းတိုက်ခတ်လာသော အေးမြခြောက်သွေ့သည့် အရှေ့မြောက်-ဆောင်းမုတ်သုံလေအားကောင်းနေခြင်းတို့ကြောင့် မြန်မာနိုင်ငံတွင်မိုးရွာသွန်းမှုများနိုင်မည်မဟုတ်ပါ။

🔸 ECMWF အပူပိုင်းမုန်တိုင်းနှင့် ဆိုင်ကလုန်းမုန်တိုင်းဖြစ်နိုင်မည့်အခြေအနေပြ chart including genesis မှာ အရှေ့မြောက်အရပ်သို့ ဆက်လက်ရွေ့လျားနိုင်ပြီး ဖေဖော်ဝါရီ ၂၅ ရက်မှ ၂၆ ရက်နေ့အတွင်း ဆိုင်ကလုန်းမုန်တိုင်းဖြစ်နိုင်ချေ ၆၀% မှ ၅၀% နှင့် ဖေဖော်ဝါရီ ၂၇ ရက်နေ့မှာ ၃၀% သို့ အဆင့်ဆင့်လျော့ကျသွားမည်ဖြစ်ကြောင်း တွေ့ရပါတယ်။

🔸 ဖေဖော်ဝါရီ ၂၃ ရက် မှ မတ်လ ၁ ရက်အထိ ၇ ရက်အတွင်း

"လေဖိအားနည်းရပ်ဝန်းရှိရာ ဘင်္ဂလားပင်လယ်အော်တောင်ပိုင်း"တွင် မိုးရေချိန် ၁၂၀ မီလီမီတာ = ၅ လက်မ နီးပါးခန့် (မိုးများနိုင်/မိုးအလွန်များ)နိုင်ပြီး

မြန်မာနိုင်ငံ တနင်္သာရီတိုင်း၊ ကရင်ပြည်နယ်၊ ရှမ်းပြည်နယ်တောင်ပိုင်းနှင့် အရှေ့ပိုင်း၊ ကချင်ပြည်နယ်တို့တွင် ၇ ရက်တာ မိုးရေချိန် ၄၀ မီလီမီတာ = ၂ လက်မ ခန့်၊ ၁ ရက်တာ ၂၄ နာရီ မိုးရေချိန်မှာ ၁၀ မီလီမီတာ = ၀.၄ လက်မခန့် စသဖြင့် မိုးအနည်းငယ်သာ ရွာနိုင်ပါမယ်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။