လာမည့်၂၄ နာရီအတွင်း ရခိုင်ပြည်နယ်မြောက်ပိုင်းနှင့် အလယ်ပိုင်း (စစ်တွေ၊ မောင်တော၊ ကျောက်ဖြူ) တို့တွင် နေရာကွက်၍ မိုးကြီးနိုင်

“ဇူလိုင်လ ၁၄ ရက် (မြန်မာစံတော်ချိန် ညနေ ၃ နာရီ) ထွက်ရှိလာသော မိုးလေဝသအချက်အလက်များ၊ မော်ဒယ် ၃ ခု (ECMWF, GFS, ICON) ၏ 850hPa ကြိုတင်ခန့်မှန်းချက်၊ TMD ၏ မိုးလေဝသကားချပ်/ဂြိုဟ်တုပုံနှင့် အိန္ဒိယမိုးလေဝသဌာန IMD ၏ နောက်ဆုံးထုတ်ပြန်ချက်တို့ကို ပေါင်းစပ်ညှိနှိုင်း၍ ဆန်းစစ်သုံးသပ်ချက်ကို တင်ပြခြင်း”

၁။ ဘင်္ဂလားပင်လယ်အော်မြောက်ပိုင်း အထက်လေပွေလှိုင်း (UACC) ၏ လက်ရှိအခြေအနေနှင့် အလားအလာ

အရှိန်အဟုန် ပိုမိုအားကောင်းလာခြင်း

အိန္ဒိယမိုးလေဝသဌာန (IMD) ၏ ဇူလိုင် ၁၄ ရက် တရားဝင်ထုတ်ပြန်ချက်အရ ဘင်္ဂလားပင်လယ်အော်မြောက်ပိုင်းနှင့် ဘင်္ဂလားဒေ့ရှ်တောင်ပိုင်း ကပ်လျက်တွင်ရှိသော အထက်လေပွေလှိုင်း (UACC) သည် လွန်ခဲ့သော ၂၄ နာရီထက် ပိုမိုအားကောင်းလာပြီး အမြင့် ပင်လယ်ရေပြင်အထက် 7.6 km အထိ မြင့်တက်ကျယ်ပြန့်လာကာ အနောက်တောင်ဘက်သို့ တိမ်းစောင်းလျက် တည်ရှိနေပါသည်။

လေဖိအားနည်းရပ်ဝန်းအဆင့်သို့ ကူးပြောင်းနိုင်ခြင်း

IMD က ဤ UACC ၏ သက်ရောက်မှုကြောင့် လာမည့် ၂၄ နာရီအတွင်း ဘင်္ဂလားပင်လယ်အော်မြောက်ပိုင်းနှင့် အနောက်ဘင်္ဂလားကမ်းခြေအနီးတွင် လေဖိအားနည်းရပ်ဝန်း (Low Pressure Area) တစ်ခု စတင်ဖွဲ့စည်းလာနိုင်ကြောင်း အတည်ပြု၍ တရားဝင်ထုတ်ပြန်ထားပါသည်။

လာမည့် ၇ ရက် (၁၆၈ နာရီ) အတွင်း ၎င်းစနစ်မှ ပိုမိုအားကောင်းသော မုန်တိုင်းငယ် (Depression) အဆင့်သို့ ကူးပြောင်းနိုင်ခြေမှာ "NIL" (ဝ ရာခိုင်နှုန်း) သာ ဆက်လက်ရှိနေသဖြင့် ကုန်းတွင်းပိုင်းသို့ ဝင်ရောက်မည့် မုန်တိုင်းအန္တရာယ် မရှိနိုင်ပါ။

၂။ ပင်လယ်ပြင်များမှ အနောက်တောင်မုတ်သုံလေအခြေအနေ (Southwest Monsoon Surge)

မုတ်သုံလေ အားအလွန်ကောင်းနေခြင်း

ဇူလိုင် ၁၄ ရက် ညနေ ၃ နာရီထုတ် မော်ဒယ် ၃ ခုလုံး (ECMWF, GFS, ICON) ၏ 850hPa (အမြင့်ပေ ၅,၀၀၀) ပြေးလမ်းကြောင်းများတွင် ကပ္ပလီပင်လယ်ပြင်နှင့် ဘင်္ဂလားပင်လယ်အော်အလယ်ပိုင်းတို့၌ ခရမ်းရောင်/ပန်းရောင်သန်းနေသော လေပြင်းဇုန် (၃၅ - ၄၅ knots ဝန်းကျင်) သည် မြန်မာနိုင်ငံတောင်ပိုင်းနှင့် ရခိုင်ကမ်းရိုးတန်းဆီသို့ တိုက်ရိုက် ဦးတည်ဝင်ရောက်နေသည်။

မုတ်သုံမြောင်တန်း (Monsoon Trough) နှင့် ချိတ်ဆက်မှု

TMD ၏ Surface Weather Chart အရ ကုန်းတွင်းပိုင်း လေဖိအားနည်းရပ်ဝန်း (L) များနှင့် ပင်လယ်ပြင်မှ UACC တို့ကို ချိတ်ဆက်ထားသည့် မုတ်သုံမြောင်တန်းသည် မြန်မာနိုင်ငံအလယ်ပိုင်းကိုဖြတ်သန်းလျက် ဆက်လက်အားကောင်းနေပါသည်။ ဂြိုဟ်တုပုံအရ အနောက်တောင်မုတ်သုံလေ (မြှားဝါကြီးများပြထားသည့်အတိုင်း) သည် ရေငွေ့အမြောက်အမြားကို ကုန်းတွင်းပိုင်းသို့ အဆက်မပြတ် တွန်းပို့ပေးနေဆဲဖြစ်သည်။

၃။ မြန်မာနိုင်ငံအပေါ် သက်ရောက်နိုင်မည့် မိုးလေဝသအခြေအနေ (ဒေသအလိုက် သုံးသပ်ချက်)

IMD ၏ ဂြိုဟ်တုတိမ်ညွှန်းခွဲခြမ်းစိတ်ဖြာချက်အရ ဘင်္ဂလားပင်လယ်အော်၊ ကပ္ပလီပင်လယ်ပြင်၊ မုတ္တမကွေ့နှင့် တနင်္သာရီကမ်းရိုးတန်းတလျှောက်တွင် Intense to Very Intense Convection (အလွန်ပြင်းထန်သော မိုးတိမ်တောင်များ) ကောင်းစွာ ဖြန့်ကျက်ဖြစ်ထွန်းနေသည်။

ရခိုင်ကမ်းရိုးတန်းနှင့် မြန်မာနိုင်ငံအောက်ပိုင်း (ဧရာဝတီ၊ ရန်ကုန်)

လာမည့် ၂၄ နာရီအတွင်း ပင်လယ်ပြင်တွင် လေဖိအားနည်းရပ်ဝန်းအဖြစ် ပြောင်းလဲလာမည့် အရှိန်ကြောင့် ရခိုင်ပြည်နယ်မြောက်ပိုင်းနှင့် အလယ်ပိုင်း (စစ်တွေ၊ မောင်တော၊ ကျောက်ဖြူ) တို့တွင် မိုးသက်လေပြင်းကျခြင်းနှင့်အတူ နေရာကွက်၍ မိုးအလွန်ကြီးနိုင်သည့် အခြေအနေ ဆက်လက်ရှိနေသည်။

ECMWF နှင့် GFS မော်ဒယ်များအရ လေစီးကြောင်းသည် မြစ်ဝကျွန်းပေါ်နှင့် ရန်ကုန်တိုင်းအပေါ်သို့ပါ ပြင်းထန်စွာ ဖြတ်သန်းနေသဖြင့် လာမည့် ၂ ရက်အတွင်း မိုးအဆက်မပြတ်ရွာသွန်းပြီး ကမ်းရိုးတန်း/ပင်လယ်ပြင်၌ လှိုင်းကြီးနိုင်ပါသည်။

မြန်မာနိုင်ငံအလယ်ပိုင်းနှင့် မြောက်ပိုင်းဒေသများ (စစ်ကိုင်း၊ မန္တလေး၊ မကွေး၊ ချင်း)

GFS နှင့် ICON မော်ဒယ်များ၏ နောက်ဆုံး Run အရ လေပွေလှိုင်းသည် အနောက်မြောက်ဘက်သို့ တိမ်းစောင်းနေသဖြင့် မုတ်သုံလေကို ချင်းပြည်နယ်နှင့် စစ်ကိုင်းတိုင်းဘက်သို့ ပိုမိုပင့်တင်ပေးနေသည်။ ထို့ကြောင့် TMD ဂြိုဟ်တုပုံတွင် ကုန်းတွင်းပိုင်းတစ်ခွင် (အပြာရောင်အဝိုင်းပြထားသည့် convective cells များ) မိုးတိမ်တောင်များ ဖြစ်ပေါ်လာသည့်အခါ စစ်ကိုင်းတိုင်း၊ မန္တလေးတိုင်း၊ ချင်းပြည်နယ်နှင့် ကချင်ပြည်နယ် တို့တွင် ညပိုင်းနှင့် နံနက်ပိုင်းများ၌ မိုးကြီးခြင်း၊ မိုးကြိုးပစ်ခြင်းများနှင့် လေပြင်းတိုက်ခတ်ခြင်းများ ဒေသအလိုက် ဆက်လက်ဖြစ်ပွားနိုင်ပါသည်။

အနှစ်ချုပ် သတိပေးချက် - ဘင်္ဂလားပင်လယ်အော်မြောက်ပိုင်းတွင် ၂၄ နာရီအတွင်း လေဖိအားနည်းရပ်ဝန်း စတင်ဖွဲ့စည်းလာတော့မည် ဖြစ်သဖြင့် ရခိုင်ပြည်နယ်၊ ချင်းပြည်နယ်နှင့် စစ်ကိုင်းတိုင်းအထက်ပိုင်း တို့တွင် ရုတ်တရက် တောင်ကျရေလျှံခြင်း၊ မြစ်ရေကြီးခြင်းနှင့် မြေပြိုခြင်းဘေးအန္တရာယ်များကို အထူးဂရုပြု စောင့်ကြည့်သင့်ကြောင်း သုံးသပ်တင်ပြလိုက်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more