ဇူလိုင် ၂၅ မှ ၂၇ ရက်အတွင်း မြန်မာနိုင်ငံအောက်ပိုင်းကမ်းရိုးတန်းနှင့် မြစ်ဝကျွန်းပေါ်ဒေသများတွင် မိုးဆက်တိုက် သည်းထန်နိုင်

ဇူလိုင် ၂၀ ရက် - ညနေ ၃ နာရီ ၃၅ မိနစ်အချိန်ရရှိသည့် ECMWF MODEL UPDATE ဒေတာများအရ

၁။ ဘင်္ဂလားပင်လယ်အော်နှင့် တောင်တရုတ်ပင်လယ်မှ ထူးခြားသော မိုးလေဝသအခြေအနေ တောင်တရုတ်ပင်လယ်ပြင်မှ အားကောင်းသောအပူပိုင်းမုန်တိုင်းဖြစ်ပေါ်ချေ (Typhoon/Severe Tropical Storm) 

အဓိက အထူးခြားဆုံး ဖြစ်စဉ်အနေဖြင့် တောင်တရုတ်ပင်လယ်၊ ဖိလစ်ပိုင်နိုင်ငံ မြောက်ဘက်နှင့် ထိုင်ဝမ်ကျွန်းတောင်ဘက် ရေပြင်တွင် အလွန်အားကောင်းသော မုန်တိုင်း (L) တစ်ခု ဖြစ်ပေါ်လာနိုင်သည်ကို ဇူလိုင် ၂၅ ရက် မြေပုံတွင် ရှင်းလင်းစွာ တွေ့ရပါသည်။ အဆိုပါမုန်တိုင်းသည် ဇူလိုင် ၂၆ နှင့် ၂၇ ရက်နေ့များတွင် တရုတ်နိုင်ငံတောင်ပိုင်း ကွမ်တုံပြည်နယ်နှင့် ဟောင်ကောင်မြို့ အရှေ့ဘက် ကမ်းခြေသို့ ဦးတည်ရွေ့လျားကာ လေတိုက်နှုန်းအရှိန်ပြင်းပြင်းဖြင့် ကုန်းတွင်းသို့ ဝင်ရောက်မည့် အခြေအနေ ရှိပါသည်။ မုန်တိုင်းနှင့် နီးစပ်သော ပင်လယ်ရေပြင်တစ်လျှောက်တွင် လေတိုက်နှုန်းသည် ခရမ်းရောင်အဆင့် တနာရီ မိုင် ၆၀ မှ ၇၀ ကျော်အထိ အားကောင်းနိုင်ကြောင်း တွေ့ရပါသည်။

ဘင်္ဂလားပင်လယ်အော်အခြေအနေ 

ဘင်္ဂလားပင်လယ်အော် မြောက်ပိုင်းတွင် ကျယ်ပြန့်သော လေဖိအားနည်းဇုန် (အထက်လေပွေလှိုင်း) တခု ဖြစ်ပေါ်နေပြီး အနောက်တောင်ဘက်မှ လာသော လေစီးကြောင်းအားလုံးကို တောင်တရုတ်ပင်လယ်မှ အားကောင်းသောမုန်တိုင်းနှင့် လေဖိအားနည်းရပ်ဝန်းတို့ဆီသို့ အရှိန်အဟုန်ဖြင့် ဆွဲသွင်းနေပါသည်။

၂။ မြန်မာနိုင်ငံအပေါ် အနောက်တောင်မုတ်သုံလေ တိုက်ခတ်မှုအရှိန်

မုတ်သုံလေ အားအလွန်ကောင်းနေနိုင်ခြင်း (Strong Monsoon Surge) -

တောင်တရုတ်ပင်လယ်ပြင်တွင် ဖြစ်ပေါ်လာနိုင်မည့် မုန်တိုင်း၏ အဆွဲအားကြောင့် အိန္ဒိယသမုဒ္ဒရာနှင့် ကပ္ပလီပင်လယ်ပြင်မှ တက်လာသော အနောက်တောင်မုတ်သုံလေသည် မြန်မာနိုင်ငံတောင်ပိုင်းနှင့် ဘင်္ဂလားအော်အလယ်ပိုင်းကို ဖြတ်သန်းကာ အရှိန်အဟုန် အလွန်ပြင်းစွာဖြင့် စီးဆင်းနေပါသည်။

850 hPa လေစီးကြောင်းပြမြေပုံများအရ မြန်မာနိုင်ငံ ကမ်းရိုးတန်းနှင့် ကုန်းတွင်းပိုင်းဒေသများအပေါ် ဖြတ်သန်းနေသည့် လေတိုက်နှုန်းမှာ လိမ္မော်ရောင်မှ ပန်းရောင်/ခရမ်းရောင်အဆင့် တနာရီ ၃၅ မိုင်မှ မိုင် ၅၀ ဝန်းကျင် အထိ ရှိနေသဖြင့် ဤကာလအတွင်း မုတ်သုံလေ အားကောင်းရာမှ အလွန်အားကောင်းမည့် အခြေအနေတွင် ရှိနေပါသည်။

၃။ မြန်မာနိုင်ငံအပေါ် မိုးရွာသွန်းနိုင်မှု အလားအလာ ခန့်မှန်းချက် - ဇူလိုင် ၂၅ ရက် နံနက်မှ ဇူလိုင် ၂၇ ရက်အတွင်း စုစုပေါင်းရရှိနိုင်မည့် မိုးရေချိန်စုစုပေါင်းပြမြေပုံ (Accumulated Precipitation Map) အရ ဒေသအလိုက် သက်ရောက်မှုများမှာ အောက်ပါအတိုင်း ဖြစ်ပါသည်။

 မိုးအဆမတန် ဆက်လက်သည်းထန်နိုင်သည့်ဇုန် (ခရိုင်/ပြည်နယ်များ) - ရခိုင်ပြည်နယ် ကမ်းရိုးတန်း၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတောင်ပိုင်း၊ မွန်ပြည်နယ်နှင့် ကရင်ပြည်နယ်တို့တွင် မုတ်သုံလေတိုက်ရိုက်ဝင်ရောက်မှု အားအကောင်းဆုံးဇုန် (မြေပုံပေါ်ရှိ နီညိုရောင်/လိမ္မော်ရောင်သန်းသည့် မိုးရေချိန်မြင့်မားသော ရပ်ဝန်းကြီး) တွင် ကျရောက်နေပါသည်။ ပင်လယ်ပြင်မှ ရေငွေ့သိပ်သည်းသော တိမ်တိုက်များ အဆက်မပြတ် တိုးဝင်နေမည်ဖြစ်ရာ နေရာအနှံ့အပြား မိုးသည်းထန်စွာ ရွာသွန်းပြီး ကမ်းရိုးတန်းနှင့် မြစ်ဝကျွန်းပေါ်ဒေသများတွင် မိုးသက်လေပြင်းကျရောက်ခြင်း၊ ပင်လယ်ပြင်တွင် လှိုင်းကြီးခြင်းများ ဖြစ်ပေါ်နိုင်ပါသည်။

 မိုးသင့်တင့်မှ မိုးများနိုင်သည့်ဇုန် - ကချင်ပြည်နယ်၊ ချင်းပြည်နယ်နှင့် စစ်ကိုင်းတိုင်းဒေသကြီး အထက်ပိုင်း - လေဖိအားနည်းရပ်ဝန်း တန်းနေခြင်းနှင့် မုတ်သုံလေဆက်တိုက်ဝင်ရောက်နေမှုတို့ကြောင့် မိုးဆက်လက် ကောင်းမွန်နေပါမည်။

မိုးကျဲနိုင်သည့်ဇုန် (မိုးကွယ်ဒေသများ) - မြန်မာနိုင်ငံအလယ်ပိုင်း (မန္တလေး၊ မကွေး၊ စစ်ကိုင်းအောက်ပိုင်း) နှင့် ရှမ်းပြည်နယ်တို့တွင် - မုတ်သုံလေ အရှိန်ပြင်းသော်လည်း ရခိုင်ရိုးမတောင်တန်းက ရေငွေ့များကို ပိတ်ဆို့ထားခြင်းကြောင့် တိုင်းဒေသကြီးများ၏ အရှေ့ဘက်ခြမ်းနှင့် လွင်ပြင်များတွင် မိုးတိမ်ထုသိပ်သည်းမှု နည်းပါးကာ မိုးကျဲကျဲ သို့မဟုတ် နေရာကွက်ကျားသာ ရွာသွန်းနိုင်ပါသည်။

သတိပြုရန် အကျဉ်းချုပ် 

တောင်တရုတ်ပင်လယ်ပြင်တွင် ဖြစ်ပေါ်လာနိုင်မည့် အားကောင်းသောအပူပိုင်းမုန်တိုင်း၏ သွယ်ဝိုက်သောအရှိန်ကြောင့် မြန်မာနိုင်ငံ အောက်ပိုင်းကမ်းရိုးတန်းနှင့် မြစ်ဝကျွန်းပေါ်ဒေသများတွင် ဇူလိုင် ၂၅ မှ ၂၇ ရက်အတွင်း မုတ်သုံမိုး ဆက်တိုက်သည်းထန်စွာ ရွာသွန်းနိုင်ပြီး မြို့ပြရေကြီးမှုနှင့် လျှပ်တစ်ပြက်ရေကြီးနိုင်မှု ဘေးအန္တရာယ်များကို အထူးသတိပြုရပါမည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more