ဦးဝင်းနိုင်ဘင်္ဂလားပင်လယ်အော်အနောက်တောင်ပိုင်း၊ သီရိလင်္ကာမြောက်ဘက် အထက်အမြင့် 1.5km to 3.1 km(အမြင့်ပေ ၅၀၀၀ မှ ၁၀၀၀၀)တွင်ဖြစ်ပေါ်နေသော လေပွေလှိုင်း Upper Air Cyclonic Circulation – UACC သည်ဆက်လက်တည်ရှိနေပြီး ဖိလစ်ပိုင်အရှေ့ဘက်မှ လေဖိအားနည်ရပ်ဝန်း NURI (TD-03W) သည်လည်းဆက်လက်တည်ရှိနေပါတယ်။
📌 ဖိလစ်ပိုင်နိုင်ငံအရှေ့ဘက် မိုင် ၉၀၀ ခန့် ပစိဖိတ်အနောက်မြောက်သမုဒ္ဒရာတွင် လေဖိအားနည်းရပ်ဝန်း TD-03W သည် TD “NURI” အဖြစ်အမည်ရသွားပြီဖြစ်ပြီး အားပိုကောင်းလာနိုင်ခြင်းမရှိပါ။ တောင်တရုတ်ပင်လယ်အတွင်း အရှေ့မြောက်မုတ်သုံလေအား ဆက်လက်ကောင်းနေပါတယ်။
📌 တောင်တရုတ်ပင်လယ်၊ ထိုင်းပင်လယ်ကွေ့၊ ဗီယက်နမ်-လာအိုနိုင်ငံ မှ ထိုင်းနိုင်ငံမြောက်ပိုင်းကိုဖြတ်သန်းဝင်ရောက်လာသော အရှေ့မြောက်မုတ်သုံလေစီးကြောင်းနှင့်အတူပါလာသည့် မိုးတိမ်များနှင့် မြန်မာနိုင်ငံတောင်ဘက်မှဝင်ရောက်လာသည့် ပူနွေးသောလေစီးကြောင်းတို့ထိတွေ့ဖြစ်ပေါ်လာမည့် မိုးတိမ်များကြောင့် မြန်မာနိုင်ငံအတွင်း မိုးအုံ့ပြီး မိုးအနည်းငယ်ကျနိုင်ပါမယ်။
📌 စစ်ကိုင်းတိုင်းအထက်ပိုင်း၊ ကချင်ပြည်နယ်နှင့် ရှမ်းပြည်နယ်(တောင်/မြောက်/အရှေ့) ဒေသတွေမှာ မတ်လ ၁၃-၁၄-၁၅ ရက်များတွင် မိုးအသင့်အတင့်ထစ်ချုန်းရွာနိုင်ပါမယ်၊ ကျန်ပြည်နယ်တိုင်းဒေသများမှာ မိုးအုံ့ခြင်း၊ မိုးဖွဲကျခြင်းနှင့် နေရာကွက်၍ မိုးအနည်းငယ်ကျနိုင်ခြင်းများ ရှိပြီး မိုးမများနိုင်၍ စိုးရိမ်စရာမလိုပါ။
📌 ကချင်ပြည်နယ်နှင့် စစ်ကိုင်းတိုင်းအထက်ပိုင်းဒေသများမှာ မိုးသည်းထန်နိုင်ပြီး တောင်ကျချောင်းရေကျဆင်းနိုင်ခြင်းကြောင့် ရုတ်ခြည်းရေကြီးနိုင်ခြင်း(Flash-Flood) ကို သတိထား၍စောင့်ကြည့်ကြရပါမယ်။
📌 ENSO evolution update အရ - ၂၀၂၆ ခုနှစ်သည် အားပျော့သောလာနီညာနှစ်အဖြစ်သတ်မှတ်ထားပြီး၊ ဖေဖေါ်ဝါရီလ မှ ဧပြီလအတွင်း ပုံမှန်ရာသီဥတုအခြေအနေ Neutral သို့ကူးပြောင်းနိုင်ခြေ ၆၀% ရှိကြောင်းတွေ့ရပါတယ်။ ၂၀၂၆ ခုနှစ်-နှစ်ကုန်ပိုင်းမှာ အယ်လ်နီညို အစွန်းရောက်ရာသီဥတုဖြစ်နိုင်ခြေသည်လည်း ၆၀% အထိတိုးမြင့်လာတာတွေ့ရပါတယ်။
မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}