၂၀၂၆ ခုနှစ် ဧပြီလအတွင်းဖြစ်ပေါ်နိုင်သည့် အပူချိန်နှင့် မုတ်သုံအကြိုမိုး (Pre-Monsoon Rain) ရွာသွန်းနိုင်သည့်အခြေအနေများ

မတ်လ ၂၉ ရက် နေ့လည် ၂ နာရီ - Meteoblue Seasonal Forecasts မှ ရရှိသော ဒေတာများအရ

💦 ၂၀၂၆ ခုနှစ် ဧပြီလအတွင်း မုတ်သုံအကြိုမိုး အနည်းငယ်ရွာနိုင်ပြီး ရှမ်းပြည်နယ်မှာ မိုးရွာသည့်ရက် အများဆုံး ၁၀ ရက် မှ ၁၅ ရက်ခန့် ရွာနိုင်တာတွေ့ရပါတယ်။

💦 မြန်မာနိုင်ငံတောင်ပိုင်း ကရင်ပြည်နယ်မှာ မုတ်သုံအကြိုမိုးရွာနိုင်သည့်ရက် ၁၁ ရက်ခန့်၊ မွန်ပြည်နယ်မှာ ၁၄ ရက်ခန့်၊ တနင်္သာရီတိုင်းမှာ ၁၈ ရက်ခန့်ရှိကြောင်းတွေ့ရပါတယ်။

💦 မုတ်သုံအကြိုမိုးဖြစ်တဲ့အတွက် နေရာကွက်၍ ခေတ္တမျှမိုးသည်းထန်ခြင်းများရှိနိုင်သော်လည်း၊ မိုးရေချိန်များများရွာနိုင်မည့်အခြေအနေတော့ မရှိပါ။

၂၀၂၆ ခုနှစ်၊ ဧပြီလအတွက် ပြည်နယ်တိုင်းများအလိုက်နှစ်စဉ်ဖြစ်မြဲအပူချိန်များ

🌡 ကချင်ပြည်နယ်၊ ရှမ်းပြည်နယ်တောင်ပိုင်း/အရှေ့ပိုင်း၊ နေပြည်တော်၊ မန္တလေးတိုင်းတောင်ပိုင်း၊ မကွေးတိုင်းတောင်ပိုင်း၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်၊ ကယားပြည်နယ်၊ မွန်ပြည်နယ်တို့တွင် နှစ်စဉ်ဖြစ်မြဲအထက် ၀.၅°C မှ ၁°C အထိလည်းကောင်း၊

🌡 ရခိုင်ပြည်နယ်၊ ချင်းပြည်နယ်၊ မကွေးတိုင်းမြောက်ပိုင်း၊ စစ်ကိုင်းတိုင်း၊ မန္တလေးတိုင်း၊ ရှမ်းပြည်နယ်မြောက်ပိုင်း၊ တနင်္သာရီတိုင်းတို့တွင် နှစ်စဉ်ဖြစ်မြဲအထက် ၀.၂°C မှ ၀.၅°C အထိလည်းကောင်း ပို၍ပူနိုင်ပါတယ်။

၂၀၂၆ ခုနှစ်၊ ဧပြီလအတွက် ပြည်နယ်တိုင်းများအလိုက် နှစ်စဉ်ဖြစ်မြဲမိုးရေချိန်များ

💦 စစ်ကိုင်းတိုင်း၊ မန္တလေးတိုင်းမြောက်ပိုင်း၊ ချင်းပြည်နယ်၊ မန္တလေးတိုင်းမြောက်ပိုင်းနှင့် ထိစပ်လျက်ရှိသည့် ရှမ်းပြည်နယ်မြောက်ပိုင်းဒေသများတွင် နှစ်စဉ်ဖြစ်မြဲမိုးရေချိန်အထက် 10 to 20 mm = ၀.၄ လက်မ မှ ၀.၈ လက်မခန့် ပိုမိုရရှိနိုင်ပါတယ်။

💦 တနင်္သာရီတိုင်းတောင်ပိုင်းနှင့် ကချင်ပြည်ယ်ဒေသအချို့တွင် နှစ်စဉ်ဖြစ်မြဲမိုးရေချိန်အောက် 5 to 10 mm = ၀.၂ လက်မ မှ ၀.၄ လက်မခန့် လျော့နည်းရရှိနိုင်ပါတယ်။

💦 ကျန်ပြည်နယ်တိုင်းဒေသများတွင် နှစ်စဉ်ဖြစ်မြဲမိုးရေချိန်ခန့် ရွာသွန်းရရှိနိုင်ပါတယ်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။