မေလ ၁၆ ရက်မှ ၁၉ ရက်အတွင်း အနောက်တောင်မုတ်သုံလေ ဝင်ရောက်နိုင်

ဘင်္ဂလားပင်လယ်အော်အတွင်း ဖြစ်ပေါ်လျှက်ရှိသော လေဖိအားနည်းရပ်ဝန်း “ဆက်လက်အားကောင်းနိုင်ခြေရှိ/မရှိ” အပေါ် သုံးသပ်ခန့်မှန်းချက်ဖြစ်ပါသည်။

မေလ ၁၃ ရက် နေ့လည် ၂ နာရီ ၃၀ မိနစ်တွင်ရရှိသည့် AIFS-ENS model 850mb Cyclonic Vorticity & Wind အရ သုံးသပ်ချက် -

Vortex formation (လေဝဲစုဖွဲ့မှု) - မေလ ၁၃ ရက်မှ ၁၈ ရက်အတွင်း သီရိလင်္ကာနိုင်ငံ အရှေ့မြောက်ဘက် ပင်လယ်ပြင်တွင် လေထုလည်ပတ်မှု (Cyclonic Vorticity - အဝါရောင်/လိမ္မော်ရောင်ဧရိယာများ) သည် ယခင် Update ထက် ပိုမိုကျယ်ပြန့်စွာ စုဖွဲ့လာသည်ကို တွေ့ရပါသည်။

Depression/Low Pressure Area - မေလ ၁၉ ရက်မှ ၂၂ ရက်အတွင်း ဤလေဝဲသည် ဘင်္ဂလားပင်လယ်အော် အလယ်ပိုင်းတွင် သိသာထင်ရှားသော လေဖိအားနည်းရပ်ဝန်း သို့မဟုတ် မုန်တိုင်းငယ်အဆင့် (Depression) အဖြစ် အရှိန်ရလာနိုင်ပါသည်။

ရွေ့လျားမှု လမ်းကြောင်း - ယခု Update တွင် ဤစနစ်သည် ဘင်္ဂလားပင်လယ်အော်မြောက်ပိုင်းနှင့် မြန်မာနိုင်ငံ ရခိုင်ကမ်းရိုးတန်း/ဘင်္ဂလားဒေ့ရှ်နိုင်ငံဘက်သို့ ဦးတည်လာနိုင်ပါသည်။ မေလ ၂၃ ရက်နောက်ပိုင်းတွင် Vorticity တန်ဖိုးများ မြင့်တက်လာခြင်းကြောင့် အားကောင်းသော ဆိုင်ကလုန်းမုန်တိုင်း (Cyclonic Storm) အဆင့်အထိ ကူးပြောင်းနိုင်ခြေကို ဆက်လက်စောင့်ကြည့်ရပါမည်။

ECMWF CHART UPDATE များ အရ -

မုန်တိုင်းဖြစ်ပေါ်နိုင်စွမ်း (Cyclogenesis) - မေလ ၁၅ ရက်နေ့တွင် လက်ရှိဖြစ်ပေါ်နေသည့် လေဖိအားနည်းရပ်ဝန်းသည် ပိုမိုအားကောင်းလာနိုင်ပြီး မုန်တိုင်းအဆင့်သို့ ကူးပြောင်းနိုင်ခြေမှာ ဗဟိုချက်အနီးတွင် ၅၀% မှ ၆၀% အထိ မြင့်မားနေသည်ကို တွေ့ရပါသည်။

ရွေ့လျားမှုလမ်းကြောင်း - မေလ ၁၇ ရက်နေ့တွင် လေဖိအားနည်းရပ်ဝန်းသည် မြောက်ဘက်/အရှေ့မြောက်ဘက်သို့ ဆက်လက်ရွေ့လျားလာမည်ဖြစ်ပြီး strike probability ဧရိယာသည် မြန်မာနိုင်ငံ ရခိုင်ကမ်းရိုးတန်းနှင့် ဘင်္ဂလားဒေ့ရှ်နိုင်ငံဘက်သို့ ပိုမိုကျယ်ပြန့်စွာ ဦးတည်လာနေပါသည်။

အတည်ပြုချက် - လေဖိအားနည်းရပ်ဝန်း ဆိုင်ကလုန်းမုန်တိုင်း (Tropical Cyclone) အဆင့်သို့ ရောက်ရှိနိုင်ခြေ မြင့်မားနေကြောင်း ECMWF chart များရှိ အရောင်အညွှန်းကိန်းများ (စိမ်းရောင်မှ အပြာရောင်အထိ) က ဖော်ပြနေပါသည်။

အိန္ဒိယမိုးလေဝသဌာနမှ မေ ၁၃ ရက်ထုတ်ပြန်ချက်အရ - လေဖိအားနည်းရပ်ဝန်းသည် "သိသာထင်ရှားသောလေဖိအားနည်ရပ်ဝန်း" (WELL MARKED LPA)အဖြစ်အားကောင်းလာပြီး ဆိုင်ကလုန်းမုန်တိုင်းအဖြစ် အားကောင်းလာနိုင်မည်မဟုတ်ကြောင်း သိရပါသည်။

အနောက်တောင်မုတ်သုံလေ ဝင်ရောက်နိုင်မည့် အခြေအနေ (Monsoon Onset)

ခန့်မှန်းရက် - ၂၀၂၆ ခုနှစ်၊ မေလ ၁၆ ရက်မှ ၁၉ ရက်အတွင်း ဝင်ရောက်နိုင်သည်။

သုံးသပ်ချက် - ဘင်္ဂလားပင်လယ်အော်အတွင်း ဖြစ်ပေါ်လာမည့် လေဝဲ၏ မြောက်ဘက်သို့ ရွေ့လျားမှုက အီကွေတာအနီးမှ အနောက်တောင်လေစီးကြောင်းကို ဘင်္ဂလားပင်လယ်အော်အတွင်းသို့ ဆွဲတင်ပေးပါမည်။ မေလ ၁၆-၁၇ ရက်ဝန်းကျင်တွင် အနောက်တောင်လေသည် ကပ္ပလီပင်လယ်ပြင်နှင့် မြန်မာနိုင်ငံတောင်ပိုင်း (တနင်္သာရီတိုင်း) သို့ စတင်ဝင်ရောက်လာမည်ဖြစ်ပါသည်။

မြန်မာနိုင်ငံအပေါ် သက်ရောက်နိုင်မည့် မိုးလေဝသအခြေအနေနှင့် မိုးရေချိန်ခန့်မှန်းချက်များ (Ventusky - ICON Model) -

📌မိုးအများဆုံးရွာသွန်းနိုင်သည့် ဧရိယာ - ဘင်္ဂလားပင်လယ်အော်အတွင်းရှိ လေဖိအားနည်ရပ်ဝန်း/မုန်တိုင်းလမ်းကြောင်းတစ်လျှောက်နှင့် မြန်မာနိုင်ငံတောင်ပိုင်း ကမ်းရိုးတန်းဒေသများတွင် မိုးအလွန်များနိုင်ပါသည်။

📌တနင်္သာရီတိုင်းနှင့် ကပ္ပလီပင်လယ်ပြင် - မိုးရေချိန်မှာ ၁၅၀ mm မှ ၂၀၀ mm အထက်အထိ (အနီရင့်ရောင်/ခရမ်းရောင်ဧရိယာ) ရှိနိုင်သဖြင့် မိုးသည်းထန်စွာ ရွာသွန်းနိုင်ပါသည်။

📌မြစ်ဝကျွန်းပေါ်နှင့် ရခိုင်ကမ်းရိုးတန်း - မိုးရေချိန် ၇၀ mm မှ ၁၂၀ mm ဝန်းကျင်အထိ ရှိနိုင်ပါသည်။

📌မြန်မာနိုင်ငံအလယ်ပိုင်း - မိုးရေချိန် ၃၀ mm မှ ၆၀ mm ဝန်းကျင်ခန့်သာရှိသဖြင့် မိုးအသင့်အတင့်သာ ရွာသွန်းနိုင်သည့် အနေအထားရှိပါသည်။ (မန္တလေး၊ မကွေး၊ စစ်ကိုင်း) ဒေသများတွင် မေလ ဒုတိယပတ်အတွင်း မိုးရွာသွန်းမှု နေရာကွက်ကျားသာ ရှိနိုင်ပြီး မိုးနည်းနိုင်သေးသော်လည်း၊ မေလ ၂၂ ရက်နောက်ပိုင်းတွင် မုတ်သုံလေ တစ်နိုင်ငံလုံးအတိုင်းအတာဖြင့် အခြေပြုလာချိန်တွင် မိုးပိုမိုစိပ်လာနိုင်ပါသည်။

📌မေလ ၁၆ ရက်မှ ၂၆ ရက်အတွင်း - တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ဧရာဝတီတိုင်း၊ ရန်ကုန်တိုင်းနှင့် ရခိုင်ပြည်နယ်တောင်ပိုင်း တို့တွင် မိုးသက်လေပြင်းများနှင့်အတူ မိုးသည်းထန်စွာ ရွာသွန်းနိုင်ခြေ အလွန်မြင့်မား ပါသည်။ ၂၄ နာရီ မိုးရေချိန် ၅၀ mm မှ ၁၀၀ mm အထက်အထိ ရွာသွန်းနိုင်ပါသည်။

📌ပဲခူးတိုင်းနှင့် ရခိုင်ပြည်နယ်မြောက်ပိုင်းတို့တွင် မိုးအသင့်အတင့်မှ နေရာကွက်ကျား မိုးသည်းထန်နိုင်ပါသည်။

📌လေပြင်းတိုက်ခတ်မှု အခြေအနေ (Wind)

💨 မုတ်သုံလေ စတင်ဝင်ရောက်ခါစတွင် ဖြစ်ပေါ်တတ်သော မိုးတိမ်တောင် (Thunderstorms) များကြောင့် ကုန်းတွင်းပိုင်းဒေသများ၌ လေပြင်းတိုက်ခတ်ခြင်းများ ဒေသအလိုက်ဖြစ်ပေါ်နိုင်ပါသည်။

💨 မေလ တတိယပတ်အတွင်း ဘင်္ဂလားပင်လယ်အော်အတွင်းရှိ လေဖိအားနည်းရပ်ဝန်း ပိုမိုအားကောင်းလာပါက ကမ်းရိုးတန်းတစ်လျှောက်တွင် လေတိုက်နှုန်း ၃၀ knots မှ ၄၅ knots အထိ ရှိလာနိုင်ပါသည်။

🔸 အနှစ်ချုပ် Analysis နှင့် သတိပြုရန်

မုတ်သုံဝင်ခြင်း - ဤလေဖိအားနည်းရပ်ဝန်း၏ အရှိန်ကြောင့် အနောက်တောင်မုတ်သုံလေသည် မေလ ၁၅ ရက်နောက်ပိုင်းတွင် မြန်မာနိုင်ငံတောင်ပိုင်းသို့ အရှိန်အဟုန်ဖြင့် စတင်ဝင်ရောက်လာမည် ဖြစ်ပါသည်။

မိုးသည်းထန်ခြင်း - မေလ ၁၇ ရက်နေ့အထိ တနင်္သာရီတိုင်းနှင့် မြစ်ဝကျွန်းပေါ်ဒေသများတွင် မိုးအဆက်မပြတ် ရွာသွန်းနိုင်သဖြင့် ရေကြီးရေလျှံခြင်းနှင့် မြေပြိုခြင်း အန္တရာယ်များကို သတိပြုသင့်ပါသည်။

ပင်လယ်ပြင် - ဘင်္ဂလားပင်လယ်အော်အတွင်း မုန်တိုင်းဖြစ်ပေါ်နိုင်ခြေ မြင့်မားနေသဖြင့် ပင်လယ်ပြင်တွင် လေပြင်းတိုက်ခတ်ခြင်းနှင့် လှိုင်းကြီးခြင်းများ ဖြစ်ပေါ်နိုင်ရာ ကမ်းနီးကမ်းဝေး ငါးဖမ်းလှေများ အထူးသတိပြုရန် လိုအပ်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ