မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ

အားကောင်းသည့် လေဖိအားနည်းရပ်ဝန်း (Well-Marked Low Pressure Area) လက်ရှိအခြေအနေ - ဘင်္ဂလားပင်လယ်အော်အနောက်တောင်ပိုင်းနှင့် အလယ်ပိုင်းတို့တွင် ဖြစ်ပေါ်နေသော အားကောင်းသည့် လေဖိအားနည်းရပ်ဝန်းသည် မြောက်-မြောက်အရှေ့ဘက်သို့ ရွေ့လျားလျက်ရှိပါသည်။

ရွေ့လျားမှုခန့်မှန်းချက် - မေလ ၁၇ ရက် ညနေပိုင်းတွင် အိန္ဒိယနိုင်ငံ တမီလ်နာဒူပြည်နယ်နှင့် အန်ဒရာပရာဒက်ရှ်ပြည်နယ် နယ်စပ်အနီးမှ ကုန်းတွင်းသို့ ဖြတ်ကျော်ဝင်ရောက်သွားနိုင်ပါသည်။

ပြင်းအား - လက်ရှိတွင် အားကောင်းသည့် လေဖိအားနည်းရပ်ဝန်းအဆင့်သာရှိပြီး ဆိုင်ကလုန်းမုန်တိုင်းအဆင့်သို့ သိသိသာသာ အားကောင်းလာရန် အခွင့်အလမ်းနည်းပါးနေဆဲဖြစ်ပါသည်။ အမြင့်ဆုံး မုန်တိုင်းငယ် (Depression) အဆင့်အထိသို့သာ ရောက်ရှိနိုင်ပါသည်။

အနောက်တောင်မုတ်သုံလေ (Southwest Monsoon) ဝင်ရောက်မှုအခြေအနေ

မုတ်သုံစတင်မှု - 850hPa လေမြေပုံများတွင် အီကွေတာဖြတ်ကျော်လေစီးကြောင်း (Cross-equatorial flow) အားကောင်းလာပြီး ဘင်္ဂလားပင်လယ်အော်တောင်ပိုင်းတွင် အနောက်တောင်ဘက်မှ တိုက်ခတ်သည့်လေများ တည်ငြိမ်စွာ စတင်ဝင်ရောက်နေသည်ကို တွေ့ရပါသည်။

ခန့်မှန်းချက် - အနောက်တောင်မုတ်သုံလေသည် မေလ (၁၅) ရက် (ယနေ့) ဝန်းကျင်တွင် ကပ္ပလီပင်လယ်ပြင် (Andaman Sea) နှင့် ဘင်္ဂလားပင်လယ်အော်တောင်ပိုင်းတို့သို့ စတင်ဝင်ရောက်နိုင်ပါသည်။ လာမည့် (၂) ရက်အတွင်း မြန်မာနိုင်ငံတောင်ပိုင်းဒေသများ (တနင်္သာရီတိုင်းနှင့် မွန်ပြည်နယ်) သို့ ဆက်လက်ဝင်ရောက်လာမည် ဖြစ်ပါသည်။

မိုးလေဝသအခြေအနေ ခန့်မှန်းချက် (Nowcast)

မိုးရွာသွန်းမှု - မေလ (၁၅) ရက်မှ (၁၈) ရက်အတွင်း မြန်မာနိုင်ငံတစ်ဝန်းတွင် မိုးတိမ်တောင် (Cumulonimbus) များ ဖြစ်ထွန်းမှု အားကောင်းနေပါမည်။ အထူးသဖြင့် ရခိုင်ကမ်းရိုးတန်း၊ ဧရာဝတီတိုင်း၊ ရန်ကုန်တိုင်းနှင့် မွန်ပြည်နယ် တို့တွင် နေရာအနှံ့အပြား မိုးရွာသွန်းပြီး ဒေသအလိုက် မိုးကြီးခြင်းများ ဖြစ်ပေါ်နိုင်ပါသည်။

လေပြင်းနှင့် မိုးကြိုးဘေး - မုတ်သုံလေဝင်ရောက်ခါစ ကာလဖြစ်သဖြင့် မိုးသက်လေပြင်းတိုက်ခတ်ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းများ ဖြစ်ပေါ်နိုင်သောကြောင့် အထူးသတိပြုရန် လိုအပ်ပါသည်။

ပင်လယ်ပြင်အခြေအနေ - လေဖိအားနည်းရပ်ဝန်း၏ အရှိန်ကြောင့် မြန်မာ့ကမ်းရိုးတန်းတစ်လျှောက်နှင့် ပင်လယ်ပြင်တို့တွင် လှိုင်းအသင့်အတင့်မှ လှိုင်းကြီးနိုင်ပြီး မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် (၄၀) မှ (၅၀) အထိ တိုက်ခတ်နိုင်ပါသည်။

အကြံပြုချက်

🔸မြန်မာနိုင်ငံ၏ Climate Resilience နှင့် ဘေးအန္တရာယ်လျှော့ချရေး လုပ်ငန်းစဉ်များအရ အဆိုပါလေဖိအားနည်းရပ်ဝန်း၏ ရွေ့လျားမှုလမ်းကြောင်းတွင် ရှိနေသည့် ရခိုင်ကမ်းရိုးတန်းနှင့် မြစ်ဝကျွန်းပေါ်ဒေသများတွင် Flash Floods (လျှပ်တပြတ်ရေကြီးခြင်း)၊ မြေပြိုခြင်း(တောင်ပြိုနိုင်ခြင်း၊ မြစ်ကမ်းပါးပြိုခြင်း) နှင့် လေပြင်းဘေးအန္တရာယ်များကို ကြိုတင်သတိပေး နှိုးဆော်ထားသင့်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more