ကချင်၊ စစ်ကိုင်းအထက်ပိုင်း၊ ရှမ်းမြောက်တို့ရဲ့ ညဦးပိုင်းနှင့် ညပိုင်းတို့တွင် မိုးသည်းထန်စွာ ရွာသွန်းနိုင်

မေလ ၂၀ ရက် - နံနက် ၁၁:၃၀ နာရီအချိန်ရရှိသည့်ဒေတာများအရ

အနောက်တောင်မုတ်သုံလေ အခြေအနေ

အာရေဗျပင်လယ် (Arabian Sea) - အီကွေတာကို ဖြတ်ကျော်လာသည့် Cross-Equatorial Flow သည် အာရေဗျပင်လယ် တောင်ပိုင်းတွင် အနောက်ဘက်/အနောက်တောင်ဘက် လေစီးကြောင်းအဖြစ် အားကောင်းစွာ စတင်အမြစ်တွယ်နေပြီး သီရိလင်္ကာနိုင်ငံဆီသို့ ဦးတည်ရွေ့လျားနေသည်။

ဘင်္ဂလားပင်လယ်အော်နှင့် ကပ္ပလီပင်လယ်ပြင် (Bay of Bengal & Andaman Sea) - 850hPa (အမြင့်ပေ ၅,၀၀၀ ခန့်) လေတိုက်နှုန်းမြေပုံအရ အီကွေတာအနီးမှ လာသော အနောက်တောင်လေစီးကြောင်းသည် ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတွင် လေတိုက်နှုန်း ၃၅ မှ ၄၂ မိုင်/နာရီ (mph) ဝန်းကျင်အထိ (မြေပုံပါ အဝါရောင်သန်းနေသော အရှိန်မြင့်ဇုန်) အလွန်အားကောင်းနေသည်။ လေပြင်းချက် မြေပုံတွင်လည်း ကပ္ပလီပင်လယ်ပြင်အတွင်း ရုတ်တရက် လေပြင်းတိုက်ခတ်မှုများ မိုင် ၄၀ ကျော် အထိ အရှိန်မြင့်နေသည်။

မုတ်သုံအဝင်အခြေအနေ (Monsoon Onset) - ဤအရှိန်ပြင်းသော အနောက်တောင်လေစီးကြောင်း (Monsoon Westerlies) သည် မြန်မာနိုင်ငံတောင်ပိုင်း (တနင်္သာရီတိုင်းနှင့် မွန်ပြည်နယ်) သို့ အစိုဓာတ်အမြောက်အမြားဖြင့် တိုက်ရိုက်ဝင်ရောက်နေပြီဖြစ်ရာ မြန်မာနိုင်ငံတောင်ပိုင်းသို့ အနောက်တောင်မုတ်သုံလေ တရားဝင် ဝင်ရောက်ပြီးဖြစ်ကြောင်း (Monsoon Established) ပြသနေသည့်အပြင် ဘင်္ဂလားပင်လယ်အော်အလယ်ပိုင်းအထိပါ မုတ်သုံလေ ဆက်လက်တိုးဝင်နေသည်။

လေထုစိုထိုင်းဆနှင့် အပူချိန်

စိုထိုင်းဆ - စိုထိုင်းဆမြေပုံအရ ကပ္ပလီပင်လယ်ပြင်၊ ဘင်္ဂလားပင်လယ်အော်တောင်ပိုင်းနှင့် မြန်မာနိုင်ငံတောင်ပိုင်း/မြစ်ဝကျွန်းပေါ်ဒေသ (ရန်ကုန်၊ ဧရာဝတီ၊ တနင်္သာရီ၊ မွန်၊ ကရင်) တစ်ခွင်လုံးတွင် လေထုအနိမ့်လွှာစိုထိုင်းဆသည် ၁၀၀% အပြည့် ရှိနေသည်။ ရှမ်းပြည်နယ်နှင့် မြန်မာနိုင်ငံအထက်ပိုင်းတွင်လည်း ၈၀% မှ ၁၀၀% ကြား ရှိနေသဖြင့် ကုန်းတွင်းပိုင်းအထိ မုတ်သုံအစိုဓာတ်များ ထူထပ်စွာ စိမ့်ဝင်နေပြီဖြစ်သည်။

အပူချိန် - မြန်မာနိုင်ငံတောင်ပိုင်းနှင့် မြစ်ဝကျွန်းပေါ်တစ်ခွင်တွင် (မေလ ၂၃ ရက်နေ့နှင့် မေ ၂၃ ရက် မတိုင်မီ)မိုးရွာသွန်းမှုနှင့် တိမ်ဖုံးလွှမ်းမှုတို့ကြောင့် အပူချိန်များ ၂၇°C မှ ၂၉°C ဝန်းကျင်အထိ ကျဆင်းကာ အေးမြနေသည်။ သို့သော် မိုးရွာသွန်းမှု အားနည်းသေးသည့် မြန်မာနိုင်ငံအလယ်ပိုင်း (Dry Zone) နှင့် စစ်ကိုင်းတိုင်းအောက်ပိုင်းတို့တွင် ညနေ ၁၈:၃၀ နာရီအချိန်အထိ အပူချိန် ၃၅°C မှ ၃၇°C ဝန်းကျင်ဖြင့် အပူအောင်းနေဆဲ ဖြစ်သည်။

လေထုမတည်ငြိမ်မှုနှင့် ပြင်းထန်မိုးလေဝသ

ဘင်္ဂလားပင်လယ်အော် အနောက်မြောက်ပိုင်း (မုန်တိုင်းဇုန်) - အိန္ဒိယနိုင်ငံ ဩရိဿ (Odisha) ကမ်းရိုးတန်းနှင့် ဘင်္ဂလားဒေ့ရှ်နိုင်ငံအနီး ဘင်္ဂလားပင်လယ်အော်အနောက်မြောက်ဘက်တွင် CAPE တန်ဖိုးများသည် ၃၀၀၀ J/kg မှ ၄၀၀၀+ J/kg အထိ (Deep Purple/Pink ဇုန်ကြီး) အလွန်အမင်း ပြင်းထန်စွာ မြင့်တက်နေသည်။ CAPE တန်ဖိုးမြင့်ခြင်းသည် ထိုဒေသတွင် အားကောင်းသော လေဖိအားနည်းရပ်ဝန်း သို့မဟုတ် မုတ်သုံမုန်တိုင်းငယ် (Monsoon Depression) ဖြစ်ထွန်းရန် လေထုစွမ်းအင် အလွန်အမင်းစုဆောင်းမိနေခြင်းကို ပြဆိုနေသည်။

မြန်မာနိုင်ငံကုန်းတွင်းပိုင်း - မြန်မာနိုင်ငံတောင်ပိုင်းတွင် မိုးရွာချလိုက်ပြီးဖြစ်၍ CAPE တန်ဖိုးများ ၃၀၀ J/kg အောက်သို့ ကျဆင်းကာ လေထုငြိမ်သက်သွားသော်လည်း၊ မုတ်သုံလေစီးကြောင်းနှင့် ကုန်းတွင်းပိုင်းအပူရှိန်တို့ ထိတွေ့ရာ မြန်မာနိုင်ငံမြောက်ပိုင်း (ကချင်၊ စစ်ကိုင်းအထက်ပိုင်း) နှင့် ရှမ်းပြည်နယ်မြောက်ပိုင်း တို့တွင် CAPE တန်ဖိုးများ ၁၂၀၀ J/kg မှ ၂၀၀၀ J/kg အထိ အဝါ/လိမ္မော်ရောင် ကွက်များဖြင့် မတည်မငြိမ် ဖြစ်နေဆဲဖြစ်သည်။

မေလ ၂၃ ရက် ညနေပိုင်းနှင့် ညပိုင်းအတွက် ရာသီဥတုခန့်မှန်းချက်

(က) မြန်မာနိုင်ငံတောင်ပိုင်းနှင့် မြစ်ဝကျွန်းပေါ် (တနင်္သာရီ၊ မွန်၊ ကရင်၊ ရန်ကုန်၊ ဧရာဝတီ၊ ပဲခူး)

မုတ်သုံလေအရှိန်အဟုန်ပြင်းစွာ ဝင်ရောက်နေပြီး စိုထိုင်းဆ ၁၀၀% ရှိနေသဖြင့် ညနေပိုင်းနှင့် ညပိုင်းတစ်လျှောက်လုံးတွင် မိုးဆက်လက်ထူထပ်စွာ ရက်ဆက်ရွာသွန်းမည် ဖြစ်သည်။ လေထုအနိမ့်လွှာ လေစီးကြောင်း 850hPa Wind ပြင်းထန်မှုကြောင့် ကမ်းရိုးတန်းနှင့် ပင်လယ်ပြင်တို့တွင် မိုးသက်လေပြင်းကျခြင်း (Squalls)၊ ရုတ်တရက် လေတိုက်နှုန်း မိုင် ၄၀ နှုန်းအထိ တိုက်လာနိုင်ခြင်းနှင့်အတူ ပင်လယ်လှိုင်းကြီးခြင်းများ ဖြစ်ပေါ်ပါမည်။

(ခ) မြန်မာနိုင်ငံမြောက်ပိုင်းနှင့် အရှေ့ဘက် (ကချင်၊ စစ်ကိုင်းအထက်ပိုင်း၊ ရှမ်းမြောက်)

အစိုဓာတ်ထူထပ်စွာ ရောက်ရှိနေပြီး CAPE တန်ဖိုးမြင့်မားနေဆဲ ဖြစ်သောကြောင့် ညဦးပိုင်းနှင့် ညပိုင်းတို့တွင် ဒေသအလိုက် မိုးသက်လေပြင်းတိုက်ခတ်ခြင်း၊ မိုးကြိုးပစ်ခြင်းနှင့် လျှပ်စီးလက်ခြင်း ဖြစ်စဉ်များနှင့်အတူ မိုးသည်းထန်စွာ ရွာသွန်းနိုင်ပါသည်။

(ဂ) မြန်မာနိုင်ငံအလယ်ပိုင်း (မန္တလေး၊ မကွေး၊ စစ်ကိုင်းအောက်ပိုင်း)

အပူချိန်မြင့်မားရာမှ မုတ်သုံအစိုဓာတ်နှင့် စတင်ထိတွေ့သဖြင့် နေရာကွက်ကျား မိုးထစ်ချုန်းရွာနိုင်သော်လည်း တောင်ပိုင်းဒေသများလောက် မိုးအရှိန်မပြင်းထန်သေးဘဲ လေပြင်းနှင့် မိုးကြိုးဘေးကိုသာ အဓိက သတိပြုရပါမည်။

နိဂုံးချုပ် သုံးသပ်ချက်

မေလ ၂၃ ရက် ညနေပိုင်း Patterns အရ အနောက်တောင်မုတ်သုံလေသည် မြန်မာနိုင်ငံတောင်ပိုင်းသို့ အားကောင်းသော အရှိန်အဟုန်ဖြင့် အခြေခိုင်ဝင်ရောက်နေပြီ ဖြစ်ပြီး၊ ဘင်္ဂလားပင်လယ်အော် မြောက်ဘက်ခြမ်းတွင် CAPE တန်ဖိုး အလွန်မြင့်မားနေခြင်းကြောင့် လာမည့်ရက်များတွင် မုတ်သုံလေအရှိန် ပိုမိုမြင့်တက်ကာ ကမ်းရိုးတန်းဒေသများ၌ မိုးကြီးခြင်းနှင့် လှိုင်းလေပြင်းထန်ခြင်းဘေးကို ဆက်လက်စောင့်ကြည့် သတိပြုရမည့် အနေအထား ဖြစ်ပါကြောင်း သုံးသပ်တင်ပြလိုက်ပါသည်။

မိုးလေဝသပညာရှင် ဆရာဦးဝင်းနိုင်၏ ခွင့်ပြုချက်ဖြင့် ပြန်လည်ဖော်ပြသော သတင်းဖြစ်သည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ