ဘင်္ဂလားပင်လယ်အော်အတွင်း လေဖိအားနည်းရပ်ဝန်း/မုန်တိုင်းဖြစ်ပေါ်နိုင်မည့်အခြေအနေ

မေလ ၂၂ ရက် နံနက် ၁၁ နာရီ ၅၀ မိနစ်အချိန် ရရှိသည့်ဒေတာများအရ

🔸ECMWF CYCLONE ACTIVITY CHART တွင်

မေလ ၂၄ ရက်အထိ ဘင်္ဂလားပင်လယ်အော်မှာ ဆိုင်ကလုန်းမုန်တိုင်ဖြစ်နိုင်ချေ ၄၀% ရှိပြီး အာရေဗျပင်လယ်ဘက်မှာ ၁၀၀% ရှိနေကြောင်းတွေ့ရပါတယ်။ အိန္ဒိယနိုင်ငံအနောက်ဘက်က အာရေဗျပင်လယ် မှာ ဆိုင်ကလုန်းမုန်တိုင်းဖြစ်နိုင်ချေ ပိုအားကောင်းနေတာတွေ့ရပါမယ်။

မေလ ၂၉ ရက်မှာ ဘင်္ဂလားပင်လယ်အော်မြောက်ပိုင်းတွင် ဆိုင်ကလုန်းမုန်တိုင်းဖြစ်နိုင်ချေ ၈၀% ရှိလာပြီး အာရေဗျ ပင်လယ်ဘက်မှာ ဖြစ်နိုင်ချေ ၇၀% သို့ လျော့ကျလာတာတွေ့ရပါတယ်။

🔸 MODEL FORECASTS

Windy App ပေါ်မှ ECMWF, GFS နဲ့ ICON Model ၃ ခုစလုံးက ကပ္ပလီပင်လယ်နဲ့ ဘင်္ဂလားပင်လယ်အော်မြောက်ပိုင်းပင်လယ်ပြင်၊ အမြင့် ၂ ကီလို မီတာ(ပေ ၆၀၀၀)မှာ အထက်လေပွေလှိုင်းစတင်ဖြစ်ပေါ်နိုင်ပြီး လေဖိအားနည်းရပ်ဝန်းတစ်ခု ဖြစ်ပေါ်ရန် အစပျိုးလာနိုင်ကြောင်း ခန့်မှန်းထားတာတွေ့ရပါတယ်။

🔸 လေပွေလှိုင်း/လေဖိအားနည်းရပ်ဝန်းအရှိန်သက်ရောက်မှု

မြန်မာကမ်းရိုးတန်းဒေသအားလုံးတွင် မေလ ၂၅ ရက်နေ့မှ စတင်ပြီး ဇွန်လ လဆန်းပိုင်းရက်များအထိ မိုးသက်လေပြင်းကျနိုင်၊ လှိုင်းကြီးနိုင်ပါတယ်၊ မိုးသက်လေပြင်းကျစဉ် လေတိုက်နှန်ုး တနာရီ ၃၅ မိုင်နှင့်အထက် ရှိနေနိုင်ပါမယ်။

မြန်မာနိုင်ငံဒေသအားလုံးတွင် မေလ ၂၅ ရက်နေ့မှ စတင်ပြီး တစ်နိုင်ငံလုံး နေရာ စိပ်စိပ်မှ နေရာအနှံ့အပြား မိုးထစ်ချုန်းရွာနိုင်ပါတယ်။ ပင်လယ်ပြင်မှ လေဖိအားနည်းရပ်ဝန်း စတင်ဖြစ်ပေါ်လာချိန်တွင် မိုးအားပိုလာနိုင်၊ မိုးပိုများလာနိုင်ပြီး လေပြင်းတိုက်ခတ်နိုင်တာလဲ ရှိလာနိုင်ပါမယ်။

🔸 မေလ ၂၅ ရက်(၂၄ နာရီအတွင်း) - ကချင်ပြည်နယ်၊ စစ်ကိုင်းတိုင်း၊ ရှမ်းပြည်နယ်မြောက်ပိုင်း၊ မကွေးတိုင်း၊ မန္တလေးတိုင်း၊ နေပြည်တော်၊ ပဲခူးတိုင်း(အရှေ့)၊ မွန်ပြည်နယ်၊ ကရင်ပြည်နယ်၊ တနင်္သာရီတိုင်းတွေမှာ မိုးများနိုင်ပါတယ်။

🔸 မေလ ၂၆ ရက်(၂၄ နာရီအတွင်း) - ကချင်ပြည်နယ်၊ ကရင်ပြည်နယ်၊ ကယားပြည်နယ်၊ နေပြည်တော်၊ မကွေးတိုင်း၊ စစ်ကိုင်းတိုင်း၊ မွန်ပြည်နယ်၊ ရန်ကုန်တိုင်း၊ ဧရာဝတီတိုင်း၊ ပဲခူးတိုင်းတောင်ပိုင်း ဒေသတွေမှာ မိုးများနိုင်ပါတယ်။

🔸 မေလ ၂၇ ရက်(၂၄ နာရီအတွင်း) - ချင်းပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်၊ ရခိုင်ပြည်နယ်၊ ကယားပြည်နယ်၊ ပဲခူးတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း တွေမှာ မိုးများနိုင်ပါတယ်။

🔸 မိုးများနိုင်တဲ့ဒေသတွေ ၂၄ နာရီအတွင်း မိုးရေချိန် ၃၀ မီလီမီတာနှင့်အထက်ရွာသွန်းနိုင်တဲ့ဒေသတွေကို ခန့်မှန်းပေးထားတာဖြစ်ပြီး ဒီခန့်မှန်းချက်မှာမပါတဲ့ ပြည်နယ်တိုင်းဒေသတွေမှာ မိုးအသင့်အတင့်ရွာနိုင်ပါမယ်။

🔸 ၄ ရက်အတွင်း ဖြစ်ပေါ်နိုင်မည့်မိုးလေဝသအခြေအနေများကို ကြည့်ရှုရန် - https://www.mmweather.org/divisional-cities-weather

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ