အစိမ်းရောင်လမ်း - မိုးအကုန် ဆောင်းအကူးကာလဖြစ်သည့် နိုဝင်ဘာ ၁၁ - ၁၇ ရက်အတွင်းဖြစ်ပေါ်နိုင်သည့် မိုးလေဝသခန့်မှန်းချက်

နိုဝင်ဘာ ၁၀ ရက် - ညနေ ၄ နာရီ ၃၀ မိနစ်အချိန်ရရှိသည့် ဒေတာများအရ

ဖိလစ်ပိုင်နိုင်ငံကို CATEGORY-4 အဆင့် တိုင်ဖွန်းမုန်တိုင်းအဖြစ် ဝင်ရောက်တိုက်ခတ်ပြီး နိုဝင်ဘာ ၁၂ ရက်နေ့တွင် တောင်တရုတ်ပင်လယ်အတွင်းသို့ ဝင်ရောက်လာသည့် တိုင်ဖွန်းမုန်တိုင်း FUNG WONG သည် CATEGORY-1 တိုင်ဖွန်းမုန်တိုင်းအဖြစ်အဆင့် လျော့ကျသွားပြီး မြောက်ဘက်- အရှေ့မြောက်ဘက်သို့ ဆက်လက်ရွေ့လျားကာ ထိုင်ဝမ်ကျွန်းသို့ ဦးတည်နိုင်ကြောင်း တွေ့ရပါတယ်။

ဘင်္ဂလားပင်လယ်အော်တွင် ထူးခြားသည့်မိုးလေဝသအခြေအနေဖြစ်ပေါ်ရန်မရှိတော့ပါ။ တောင်တရုတ်ပင်လယ်အနောက်တောင်ပိုင်း ဗီယက်နမ်၊ ဘရူနိုင်းနှင့် မလေးရှားကျွန်းဆွယ်ကြားပင်လယ်ပြင်၌ နိုဝင်ဘာ ၁၇ ရက်တွင် လေပွေလှိုင်းမှလေဖိအားနည်းရပ်ဝန်းဖြစ်လာရန်ရှိပါမယ်။ မုန်တိုင်းအဆင့်အထိ ရောက်မလာနိုင်ဘဲ နိုဝင်ဘာ ၁၉-၂၀ ရက်နေ့မှာ ပျက်ပြယ်သွားနိုင်ပါတယ်။

ဤအခြေအနေများကြောင့် မြန်မာနိုင်ငံဘက်သို့သက်ရောက်မှု လုံးဝမရှိနိုင်သဖြင့် နိုဝင်ဘာလ ၁၆ ရက်နောက်ပိုင်းမှစတင်ပြီး မိုးရွာသွန်းမှုရပ်တန့်ကာ ကျန်ရှိသည့် မိုးလွန်ကာလအတွင်း ဖျက်မိုး/အခါလွန်မိုးရွာသွန်းနိုင်မည့်အခြေအနေများလည်း မရှိနိုင်တော့ပါ။

(မုတ်သုံဆုတ်ခွာရက် - အောက်တိုဘာ ၁၆ ရက်မှ နိုဝင်ဘာ ၃၀ ရက်အထိကို “မိုးလွန်ကာလ”ဟု သတ်မှတ်ထားပါသည်)

မိုးအကုန်-ဆောင်းအကူးကာလဖြစ်သည့် နိုဝင်ဘာ ၁၁ ရက် မှ ၁၇ ရက်အတွင်း

ဧရာဝတီတိုင်း၊ ရန်ကုန်တိုင်း၊ ပဲခူးတိုင်း(အရှေ့+အနောက်)၊ မွန်ပြည်နယ်နှင့် တနင်္သာရီတိုင်း၊ ကရင်ပြည်နယ်နှင့် နေပြည်တော်ကောင်စီနယ်မြေ၊ ကယားပြည်နယ်၊ ရှမ်းပြည်နယ်တောင်ပိုင်း၊ မန္တလေးတိုင်း၊ ရှမ်းပြည်နယ်အရှေ့ပိုင်း၊ မကွေးတိုင်းတို့တွင် ၇ ရက်မိုးရေချိန် ၁ လက်မအထက်မှ ၃ လက်မအထက်အထိ မိုးရေချိန်ရရှိနိုင်သေးကြောင်းကြိုတင်ခန့်မှန်းချက်များတွင် တွေ့ရပါတယ်။

နိုဝင်ဘာ ၁၁ ရက် နံနက် ၀၀: ၃၀ နာရီ Ventusky Icon Model update အရ မြန်မာတနိုင်ငံလုံးတွင် မိုးနည်းနေမည်ဖြစ်ပြီး -

ရန်ကုန်တိုင်း၊ ဧရာဝတီတိုင်း၊ ပဲခူးတိုင်းအရှေ့ခြမ်း၊ ပဲခူးတိုင်းအနောက်ခြမ်းတို့တွင် ၃ ရက်အတွင်းမိုးရေချိန် ၁ လက်မအောက် ရွာသွန်းရရှိနိုင်မည်။

ကျန်ပြည်နယ်/တိုင်းဒေသအားလုံးတွင် ၃ ရက် မိုးရေချိန်၀.၅ လက်မအောက်ရွာသွန်းနိုင်ပြီး မိုးအလွန်နည်းနေမည်ဖြစ်ပါသည်။ ၂၄ နာရီ ပျမ်းမျှမိုးရေချိန် ၀.၁၆ လက်မခန့်သာ ရွာသွန်းနိုင်ပါမည်။

မိုးလေဝသပညာရှင် ဆရာဦးဝင်းနိုင်၏ တရားဝင်ခွင့်ပြုချက်ဖြင့် ပြန်လည်ဖော်ပြသော သတင်းဖြစ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ