စက်တင်ဘာ ၈ ရက်မှ ၁၁ ရက်အတွင်း မိုးများနိုင်သောဒေသများ

စက်တင်ဘာလ ၆ ရက် ညနေ ၃ နာရီရရှိသည့် ဒေတာများအရ

🔸 တိုင်ဖွန်းမုန်တိုင်း YAGI သည် စက်တင်ဘာလ ၆ ရက် ယနေ့နေ့လယ်ပိုင်းမှာ ဟိုင်နန်ကျွန်းမြောက်ဘက်အစွန်ကို JinShan မြို့အနီးမှ CAT-4 တိုင်ဖွန်းမုန်တိုင်းအဆင့်(လေတိုက်နှုန်း ၁ နာရီ မိုင် ၁၄၀ နီးပါးဖြင့်)ဖြတ်ကျော်ဝင်ရောက်ပြီးတဲ့နောက် အနည်းငယ်အားလျော့သွားကာ ဗီယက်နန်အရှေ့ဘက်ကမ်းခြေဆီ ဆက်လက်ဦးတည်ရွေ့လျားမှာ ဖြစ်ပါတယ်။

🔸 ကြိုတင်ခန့်မှန်းချက်များအရ ဗီယက်နမ်ကမ်းခြေကို Cam-Pha မြို့အနီးမှ ဖြတ်ကျော်ဝင်ရောက်တဲ့အခါ CT-2 တိုင်ဖွန်းမုန်တိုင်း(လေတိုက်နှုန်း ၁ နာရီ ၁၀၇ မိုင်နှုန်းခန့်ဖြင့်)ဖြတ်ကျော်ဝင်ရောက်ပြီးနောက် ကုန်းတွင်းမုန်တိုင်းအဖြစ်အားလျော့သွားကာ လာအိုနိုင်ငံမြောက်ပိုင်းကို ဖြတ်သန်းပြီး ရွှေတြိဂံဒေသ၊ ရှမ်းပြည်နယ် အရှေ့မြောက်ပိုင်းနဲ့ မန္တလေးတိုင်း၊ စစ်ကိုင်းတိုင်း၊ ကချင်ပြည်နယ်တို့မှတဆင့် ဘင်္ဂလားဒေ့ရှ်နိုင်ငံ Rangpur အထိ မုန်တိုင်းအကြွင်းအကျန်နဲ့ လေပွေလှိုင်းတွေ ဖြတ်သန်းသွားမယ်လို့ ကြိုတင်ခန့်မှန်းတင်ပြခဲ့ပြီးဖြစ်ပါတယ်။

ဗီယက်နမ်ကမ်းခြေဖြတ်ကျော်ကာနီးမှာ CAT-2 တိုင်ဖွန်းမုန်တိုင်းအဖြစ် ပြန်လည်အားကောင်းလာတာကြောင့် ကြိုတင်ခန့်မှန်းချက်အတိုင်း မုန်တိုင်းအကြွင်းအကျန်၊ လေပွေလှိုင်းများဖြတ်သန်းနိုင်ချေက များလာကြောင်းတွေ့ရပါတယ်။

🔸 တချိန်ထဲမှာဘဲ ဘင်္ဂလားပင်လယ်အော် အနောက်အလယ်ပိုင်မှာ ဖြစ်ပေါ်နေတဲ့ လေဖိအားနည်းရပ်ဝန်းက နောက် ၂၄ နာရီအတွင်းမှာ အားကောင်းတဲ့ လေဖိအားနည်းရပ်ဝန်း(မုန်တိုင်းငယ်ဖြစ်လာမယ်လို့ ခန့်မှန်းထားပါတယ်။)

အခုလို ထူခြားမိုးလေဝသအခြေအနေများကြောင့် -

🔸 မြန်မာနိုင်ငံမှာ နေရာအနှံ့အပြားမိုးရွာသွန်းနိုင်ပြီး ရှမ်းပြည်နယ်၊ ကချင်ပြည်နယ်၊ မန္တလေးတိုင်း၊ စစ်ကိုင်းတိုင်း၊ ရခိုင်ပြည်နယ်၊ နေပြည်တော်၊ ပဲခူးတိုင်း၊ ကယားပြည်နယ်၊ ရန်ကုန်တိုင်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းတွေမှာတော့ စက်တင်ဘာ ၈ ရက်မှ ၁၁ ရက် အထိ ၃ ရက်အတွင်း မိုးရေချိန် ၁၀၀ မီလီမီတာမှ ၃၀၀ မီလီမီတာအထက်အထိ မိုးရွာသွန်းမှုများနိုင်ပါမယ်။

🔸 ချင်းပြည်နယ်နဲ့ မကွေးတိုင်းမှာတော့ မိုးရွာနိုင်ချေ ၁၀၀% ရှိသော်လည်း နေရာကွက်ပြီးတော့သာ မိုးများနိုင်ပါမယ်။

🔸 လေပြင်းတိုက်ခတ်နိုင်ချေအနေနဲ့ ကုန်းတွင်းမှာ တစ်နာရီ မိုင် ၂၀ ခန့်နဲ့ ပင်လယ်ပြင်မှာ တစ်နာရီ မိုင် ၃၀ မှ ၄၀ မိုင်ခန့်အထိ တိုက်ခတ်နိုင်ပြီး ပင်လယ်ပြင်မှာ လှိုင်းအမြင့် ၈ ပေမှ ၁၀ ပေခန့်အထိရှိနိုင်ကြောင်း ကြိုတင်ခန့်မှန်း တင်ပြလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...