နိုဝင်ဘာ (၈) နေ့ရက်အတွက် စုစုစံရဲ့မိုးလေဝသခန့်မှန်းချက်စုစည်းမှု

🕗 နံနက် ၉း၅၅ အချိန် ခန့်မှန်းချက်

နောက်၂၄ နာရီအတွင်း ကြံခင်း၊ မြန်အောင်၊ ပြည်ခရိုင်၊ သရက်၊ အောင်လံ၊ နေပြည်တော်၊ တပ်ကုန်း၊ ရမည်းသင်း၊ ကလော၊ ရှမ်းပြည်နယ်တောင်ပိုင်းနှင့် အရှေ့ပိုင်းတွေမှာ မိုးရွာနိုင်ပါတယ်။  ရိတ်သိမ်းအခြောက်လှမ်းနေကြသူများ ပျက်စီးမှုမရှိစေရန် ပြုလုပ်ကာကွယ်ကြပါ။

🕗 နံနက် ၉း၁၀ အချိန် ခန့်မှန်းချက်

ဘင်္ဂလားပင်လယ်အော်၊ ပင်လယ်အော်တောင်ပိုင်းတွင် လေဖိအားနည်းလေဝဲ 91B invest တစ်ခု ဖြစ်ပေါ်နေပါတယ်။ အနောက်မြောက်ဖက် အိန္ဒိယတောင်ပိုင်းကို ဦးတည်နေပေမယ့် လေစီးတွေက ယနေ့ 8/11/2021 နေတွင် ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ နေပြည်တော်၊  ရှမ်းပြည်နယ်တောင်ပိုင်း၊ ရှမ်းပြည်နယ်အရှေ့ပိုင်းကို စီးမျောလာတဲ့ 850hpa winds မှ အဆိုပါဒေသတွေမိုးရွာနိုင်ပါတယ်။ 

🕗 နံနက် ၇း၃၅ အချိန် ခန့်မှန်းချက်

မိုးဦးစောမည်မြန်မာပြည် ၂၀၂၂

၂၀၂၂ ဧပြီလနောက်ဆုံးရက်သတ္တပတ်နဲ့ မေလအတွင်း ဘင်္ဂလားပင်လယ်အော်နှင့် မြန်မာ့ကပ္ပလီပင်လယ်ပြင်တို့တွင် Depression မုန်တိုင်းငယ်လေးနှစ်ကြိမ်ဖြစ်နိုင်ပြီး မုတ်သုန်လေ စောစီးစွာဝင်ရောက်လာနိုင်ပါတယ်။

မေလမကုန်ခင် မြန်မာနိုင်ငံအလယ်ပိုင်းအထိ မုန်သုန်လေရောက်ရှိနိုင်ကာ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ နေပြည်တော်၊ ကယားပြည်နယ်၊ ရှမ်းပြည်နယ်တောင်ပိုင်းတွေမှာ ရွာသွန်းမြဲမိုးရေချိန်ထက် ပိုမိုရွာသွန်းနိုင်ပါတယ်။

မေလအတွင်း တနင်္သာရီတိုင်းကြီးတွင် ရွာသွန်းမြဲထက် ၃ ဆ ကရင်ပြည်နယ်၊ မွန်ပြည်နယ်တို့တွင် ရွာသွန်းမြဲထက် ၂ ဆ ပိုမိုရွာသွန်းနိုင်ပါကြောင်း ၆ လကြိုတင်ခန့်မှန်းပေးလိုက်ပါတယ်။

Su Su San 

𝐒𝐞𝐧𝐢𝐨𝐫 𝐌𝐞𝐭𝐞𝐨𝐫𝐨𝐠𝐢𝐬𝐭

𝐀𝐝𝐯𝐚𝐧𝐜𝐞𝐝 𝐖𝐞𝐚𝐭𝐡𝐞𝐫 𝐟𝐨𝐫𝐞𝐜𝐚𝐬𝐭𝐞𝐫 &

𝐌𝐞𝐭𝐞𝐨𝐫𝐨𝐥𝐨𝐠𝐢𝐜𝐚𝐥 𝐈𝐧𝐭𝐞𝐥𝐥𝐢𝐠𝐞𝐧𝐜𝐞 𝐎𝐟𝐟𝐢𝐜𝐞𝐫

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်