တစ်ပတ်တာအတွင်း စိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေတွေကို စုစည်းပြီးဖော်ပြပေးနေတဲ့ စနေနေ့လေးပါ။

မေးခွန်းနဲ့ အဖြေတွေကတွေကတော့ အစိမ်းရောင်လမ်းဆော့ဝဲရဲ့ အမေးအဖြေကဏ္ဍမှာ တောင်သူတွေ မေးလာခဲ့တဲ့ မေးခွန်းတွေကို တခြားတောင်သူတွေပါသတိထားနိုင်ဖို့အတွက် ဗဟုသုတရဖွယ် ကောင်းနိုး ရာရာတွေကို ရွေးထုတ်ပြီးဖော်ပြပေးနေခြင်းပဲဖြစ်ပါတယ်။

Green Way ဆိုတာ စိုက်ပျိုး၊ မွေးမြူရေး၊ ရေလုပ်ငန်းနဲ့ ဆိုင်တဲ့ သတင်းတွေဆောင်းပါးတွေကို တောင်သူတွေကို အခမဲ့ဖြန့်ဖြူးပေးနေတဲ့ ဆော့ဝဲတစ်ခုပါ။ ဒီဆော့ဝဲထဲမှာဆို စိုက်ခင်းထဲက ပြဿနာတွေ ဇဝေဇဝါဖြစ်နေတဲ့ အကြောင်းအရာတွေကို တိုင်ပင်ဆွေးနွေးလို့ရနိုင်တဲ့ အခန်းကဏ္ဍလေး ရှိပါတယ်။ အဲ့ဒါကတော့ အမေးအဖြေကဏ္ဍပါ။ မေးခွန်းတွေကိုမေးမြန်းချင်ရင်တော့ အမေးအဖြေ ကဏ္ဍသို့ဝင်ကာ ပို့စ်တင်ပြီးမေးလို့ရနေပါတယ်။ ပညာရှင်တွေနဲ့ အတွေ့အကြုံရှိတောင်သူတွေ မှန်မှန်နဲ့ မြန်မြန်ဖြေပေးနိုင်အောင် အတတ်နိုင်ဆုံးကြိုးစားပြီး ဝင်ဆွေးနွေးပေးကြပါတယ်ရှင့် ။

ဒီတစ်ပတ်ရဲ့ စိတ်ဝင်စားစရာ မေးခွန်းတွေကတော့.....

၁။ မေး (Ko Aung) - မင်္ဂလာပါ။ မြေဆီလွှာ၏လက်ရှိ pH အဆင့်သည် သီးနှံတစ်ရာသီစိုက်ပျိုးပြီးလျှင် ပြောင်းလဲမှုရှိပါသလား ဆရာများခင်ဗျာ။

ဖြေ (ဆုမြတ်နိုး) - အသုံးပြုတဲ့ မြေဩဇာတွေ၊ မြေဆီထည့်သွင်းနှုန်းနဲ့ အစိုဓာတ်တွေကြောင့် Soil pH က ဂဏန်းအငြိမ်မရှိနိုင်ပါရှင့်။

(ဦးခင်မောင်လတ်) - သီးနှံရာသီဆက်တိုက် Urea တွေကျွေးနေမယ်ဆို မြေတွေချဉ်လာတတ်ပါတယ်။

၂။ မေး (မင်းမင်း) - ပဲတီစိမ်း‌ခြွေလှေ့ပြီး‌ချက်ချင်းစိုက်လို့ရလား။ တစ်ချို့လူတွေကပြောတယ် ချက်ချင်းစိုက်ရင် အပင်ပေါက်မကောင်းတာတို့ အထွက်နှုန်းကျတာတို့ ဖြစ်တက်တယ်တဲ့။

ဖြေ (မြင့်မောင်မောင်) - မျိုးစေ့အနားယူချိန်ရှိပါတယ်။

(ကျော်မျိုးဌေး) - ချက်ချင်းစိုက်လို့ရပါတယ်။ အပင်ပေါက်မကောင်းတာတော့ မဖြစ်နိုင်ပါဘူး။ ဘာလို့လဲဆိုတော့ ကျွန်တော်တို့လည်း ခြွေပြီးပြီးချင်း အပင်ပေါက်ရာခိုင်နှုန်း စမ်းကြည့်တာ ၉၀% အထက်မှာရှိပါတယ်။

၃။ မေး (ကိုမိုးဒီ) - ဟင်းချိုမှုန့်နဲ့ ငံပြာရည်ရော ဖြန်းတာအပင်အတွက်အာနိသင်ရှိပါ့မလားဗျ။ ကျွန်တော်တို့ ဒေသမှာအဲ့လိုတွေဖြန်းနေကြလို့ပါ။

ဖြေ (ဒို့ဦးလေး) - တကယ်တော့ လူအာဟာရ တွေကို အပင်အတွက်မသုံးတာကောင်းပါတယ်။ အပင်အတွက် အပင်အာဟာရ လူအတွက် လူအာဟာရ သီးသန့်ရှိပြီးသားပါ။ အာနိသင် ရှိပါ့မလား..?ဆိုတော့ .ရှိပါတယ်။ အချို့မှုန့်က ပိုတက်စီယံနိုက်ထြိတ်လို အာဟာရနဲ့ ငံပြာရည်က အမိုင်နိုအက်ဆစ်ကဲ့သို့ ပရိုတိန်းလုပ်ဆောင်ရာမှာ အားပေးပါတယ်၊ သို့သော် ပမာဏ၊ အချိန်ကာလ၊ နည်းစနစ် စတဲ့ နည်းဗျူဟာကျကျ သုံးစွဲမှ အကျိုးရှိပါမယ်ဗျ။

(ဦးကြည်ဝင်း) - မလုပ်သင့်ပါ ရေးဖျန်းပေး အားဆေး၊ မှိုဆေး၊ ပိုးကာကွယ်ဆေး ဆောင်ရွက်ခြင်းဖြင့် အဆင်ပြေပါတယ်ခင်ဗျာ။

၄။ မေး (မြင့်မောင်မောင်) - အပင်ဟုန်ပီးအညွန်တွေပဲ တတ်နေလို့ဘယ်လိုပြုလုပ်သင့်ပါလဲခင်ဗျာ အစိမ်းရောင်လမ်းက ပညာရှင်များ အကြံပြုပေးစေချင်ပါတယ်ခင်ဗျာ။

ဖြေ (ဒို့ဦးလေး) - အသီးအားဆေး ဖျန်းပေးပါ။ 0:52:34 သို့မဟုတ် 0:40:40 ဖျန်းပါ။ အပင်ယိုင်လဲလောက်အောင် ဟုန်တယ်ဆိုရင်တော့.. မက်ပီကွပ်ကလိုရိုဒ် ဖျန်းပါ။

(ဦးသက်လွင်) - မတ်ပဲ အညွန့်တက်တယ်ဆိုတာ အပင်ပိုင်းဆိုင်ရာ ကြီးထွားမှုများလာလျှင် လျော့ချမှု လုပ်သဖြင့် နွယ်ထွက်လာခြင်းဖြစ်ပါတယ်။ မိမိအပင်တွင် ပန်းပွင့်လျှင် အသီးရအောင်ဖမ်းနိုင်ပါက အပင်အားကျသွားပြီး ဆက်လက်သီးပွင့်ပါမည်။ ယခုအချိန်အထိ မပွင့်သေးလျှင်တော့ အပင်ကြီးထွားမှူ ရပ်ရန် Mepiquat Chloride ကို အနည်းလိုအဟာရများဖြင့် တွဲဖတ်ပက်ဖြန်းပေးပါ လို့အကြံပြုပါတယ်။ Mepiquat Chloride (မြင်းကျား ရွှေမျှား၊ ဝိစာရ၊ နီယွန်)

၅။ မေး (အောင်အောင်) - မြေငလျင်နှင့်ကောက်ပဲသီးနှံများ အထွက်နူန်း သက်ဆိုင်မူရှိပါသလား။

ဖြေ (ဒို့ဦးလေး) - ရှေးလူကြီးများကတော့... မြေငလျင်လှုပ်ရင် သီးနှံအထွက်လျော့တယ်လို့ သင်္ကေတထားကြပါတယ်။ ပထဝီ သဘောတရားအရ မြေငလျင်လှုပ်တာဟာ မြေအောက် အပူရှိန်မြင့်ပြီး ချော်ရည်ပူတွေ လှုပ်ရှားတဲ့သဘောပါ။ မြေလွှာပြတ်ရွေ့တွေဖြစ်ပြီး ဆောင်းသီးနှံတွေ အောက်အစိုဓာတ် စုပ်လွယ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...