တစ်ပါတ်အတွင်း ကမ္ဘာ့ရော်ဘာဈေးကွက် သုံးသပ်ချက်

တနင်္လာနေ့မှာ အရှေ့တောင်အာရှရဲ့ တိုင်ယာအဆင့်ရော်ဘာဈေးကို အရိပ်ထိုးလေ့ရှိတဲ့ တိုကျိုက ကုန်စည်ဒိုင် TOCOM မှာ ဈေးပိတ်ချိန်၌ ၁.၇% ကျပြီးဈေးပိတ်သွားတယ်။ အကြောင်းရင်းတွေဖြစ်တဲ့ ယန်းဈေးဟာ ဒေါ်လာနဲ့ယှဉ်တဲ့အခါ တက်လာတာရယ်။ ရေနံဈေးကျတာရယ်။ ကမ္ဘာ့ စတော့ရှယ်ယာဈေးတွေကျတာရယ် ပေါင်းဆုံသွားတာပါ။ ယန်းဈေးတက်ရင် ရော်ဘာဈေးကျပြီး၊ ရေနံဈေးကျတော့ ရော်ဘာဈေးပါလိုက်ကျပါတယ်။ ယန်းဈေးနဲ့ ရော်ဘာဈေးဆက်စပ်ပုံက သိကြပြီးသားဖြစ်နေပြီ။ ရေနံဈေးနဲ့ ဆက်စက်ပုံက ရေနံဈေးကျတော့ ရေနံကထုတ်လုပ်တဲ့ ရော်ဘာတု synthetic rubber (ဗျူတာဒိုင်အင်း butadiene ) ဈေးကျပါတယ်။ ဗျူတာဒိုင်အင်းက တိုင်ယာလုပ်ရာမှာ သဘာဝရော်ဘာနဲ့ ထက်ဝက်ခန့်ရောစပ်ရတဲ့ ပစ္စည်းဖြစ်နေတယ်။ သူဈေးကျတော့ သူ့ကို အဝယ်များပြီး သဘာဝရော်ဘာအဝယ်နည်းပါမယ်။ ဒီတော့ ဈေးမလိုက်ဘူး၊ ကျတော့တာပါပဲ။

နောက်တခါ TOCOM က လှမ်းကြည့်နေရတဲ့ SHFE ကတက်ပေမယ့် မဆိုသလောက် တစ်တန်မှ ယွမ် ၄၀ သာတက်တော့ TOCOM ခမျာလိုက်မတက်နိုင်ရှာဘူး။

အင်္ဂါနေ့မှာတော့ ရှန်ဟိုင်းရဲ့ SHFE ကျတာမှ စိုက်နေတော့၊ TOCOM ကလိုက်ကျပြန်တယ်။ SHFE က ဘယ်လောက်တောင် ကျသွားလဲဆိုရင် ၄၂၅ ယွမ်တောင်ကျသွားတယ်။ ရေနံဈေးကလည်း ပျော့နေတော့ TOCOM လည်း တောင့်ခံမနိုင်တော့ဘူး။ ၃ ယန်းအကျနဲ့ ၁၉၃.၇ ယန်း/ကီလိုဂရမ် ဈေးဖြစ်ပြီး ပိတ်သွား တော့တယ်။ ရေနံဈေးက ကျလိုက်သမှ ပုံလျက်သားပဲ။ ပြီးခဲ့တဲ့နေ့ကအဆက် ဆက်ကျတာပါ။ ဝေါလမ်းမမှာ မှတ်ပုံတင်ခဲ့သမျှ နေ့တွင်းချင်း အကြီးဆုံး ကျဆင်းမှုတွေရဲ့ လှုပ်နှိုးမှုနဲ့ ကမ္ဘာ့ငွေကြေးဈေးကွက်တွေ ပြိုဆင်းခ လို့လည်း တကြောင်းပေါ့။

ဗုဒ္ဓဟူးနေ့မှာတော့ ၂ ရက်တာ ကျနေတဲ့ TOCOM ဟာ ဈေးအပိတ်မှာ ၁.၈ ယန်း ပြန်တက်သွားတယ်။ ယန်းဈေးပြန်ကျသွားလို့ရယ်၊ အရင်နေ့တွေက အကြီးအကျယ်ကျနေတဲ့ ရေနံဈေးကလည်း ပြန်တက်လာတယ်။ ဒီတော့ စတော့ရှယ်ယာတွေလည်း ပြန်တက်လာတာလည်းပါတယ်။ ဒါပေမယ့် SHFE တော့ ယွမ် ၁၂၀ အကျနဲ့ ဈေးပိတ်နေတုန်း။

ကြာသပတေးနေ့ဈေးပိတ်တော့လည်း ၃.၂ ယန်းကျပြီး ၁၉၂.၃ ယန်း/ကီလိုဂရမ် ဈေးနဲ့ပိတ်သွားတယ်။ သောကြာနေ့နံနက် ဈေးပြန်အဖွင့်မှာတော့ ယန်း ၁၉၀ အောက်ဈေးနဲ့ ဖွင့်တော့တယ်။ ၁၈၉.၅ ယန်း/ ကီလိုဂရမ် တဲ့။

အကျချည့်ဖြစ်နေတော့ ပြန်တက်ဘို့လည်း ကြိုးစားလုပ်ဆောင်နေတာ ကြားရတယ်။ ရော်ဘာကြီး ၃ ကြီးဖြစ်တဲ့ ထိုင်း၊ အင်ဒိုနီးရှားနဲ့ မလေးရှားတို့စုပေါင်းပြီး ရော်ဘာတင်ပို့မှုလျှော့ချကြဘို့ကြိုးစားနေတာ ကြားကြမှာပေါ့။ သူတို့က ၃ လအတွင်း မတ်လကုန်အထိ တန် ၃၅၀၀၀၀ လျှော့ချဘို့ ကတိပြုထားကြတယ်။ ဈေးကွက်မှာ ရော်ဘာနည်းသွားရင် ဈေးပြန်တက်မယ်ဆိုတဲ့ အယူအဆနဲ့ပေါ့။

အခုတစ်ခါ မနေ့က သတင်းမှာ ထိုင်းတစ်နိုင်ငံတည်း ရော်ဘာအထွက်ကိုလျှော့ချဘို့ စီမံနေတယ်လို့ ကြားရတယ်။ ဒီတစ်ခါတော့ ရော်ဘာပင်တွေကိုခုတ်ပစ်ပြီး လျှော့ချမလို့လုပ်တာ။ ရော်ဘာပင်ကို ခြစ်သက် ၂၅ နှစ်လို့ သူတို့ ထားတယ်။ ၂၅ နှစ်ဆို ပုံမှန်ခုတ်တယ်။ အခု ၂၅ နှစ်မပြည့်မီ စောပြီးခုတ်ဘို့ ဆော်ဩတယ်။ အဲလိုလုပ်ရင် (မခုတ်မနေရမဟုတ်) အစိုးရက ၁ ရိုင်(ထိုင်းမှာသုံးတဲ့ မြေတိုင်းယူနစ်၊ ၁ ရိုင်= ဝ.၃၉၅ ဧက ရှိတယ်။ ၁ ဧကမှာ ၂ ရိုင်ခွဲ နည်းနည်းကျော်တယ်။) ကို ဘတ် ၄၀၀၀ ထောက်ပံ့မယ်။ ဒီအတွက် အစိုးရက ဘတ်ငွေ ဘီလီယံ ၈၀ (ဒေါ်လာ ၂.၅ ဘီလီယံ) လျာထားတယ်။ ဒီလိုခုတ်ပြီး ဧပြီလအကုန်မှာ ၅% အထွက်လျော့အောင် လုပ်ကြမယ်။ ဒီပမာဏ လျော့ဘို့ဆိုရင် တစ်နှစ်ကို ရိုင် ၄၀၀၀၀၀ (ဧက ၁၅၀၀၀၀ ကျော်) ခုတ်ရမယ်။ အစိုးရက အစီအစဉ်မှာပါတဲ့ တောင်သူတွေကို အပေါ်မှာပြောခဲ့သလို ငွေထောက်ပံ့ခြင်းအပြင် ခုတ်လိုက်တဲ့ရော်ဘာပင်က ပင်စည်ကို ရော်ဘာသားသစ်လုပ်ပြီး၊ ကိုင်းဖျားကိုင်းနားကို သစ်သားစ (rubber wood pellet) တွေအဖြစ် ထုတ်လုပ်မယ်တဲ့။ တစ်နှစ်ကို သစ်သားစ တန်ချိန် ၈ သန်းခန့် ထွက်မယ်လို့ မှန်းထားတယ်။ သစ်သားစကို သုံးတာက Biomass လျှပ်စစ်ဓာတ်အားပေးစက်ရုံတွေမှာ လောင်စာအဖြစ်သုံးတာ။ ဒီလိုစက်ရုံက ဂျပန်မှာများ တော့ အစိုးရက ဂျပန်စက်ရုံတွေကို ဒီသစ်သားစတွေတင်ပို့ဘို့ ချိတ်ဆက်ထားပေးတယ်။ သစ်သားစတွေ များလွန်းတော့ ပြည်တွင်းမှ EGAT- Electric Generating Authority of Thailand ကိုလည်း Biomass power plant တွေ တည်ခိုင်းထားတယ်။ အခုဆို EGAT က အရှေ့မြောက်ခရိုင်တစ်ခုမှာ စက်ရုံတစ်ရုံ စတည်ဘို့ လုပ်နေပြီ။ သူတို့ဒီလောက်လုပ်ပေးနေတာတောင် ရော်ဘာဈေးတက်၏ မတက်၏ဆိုတာတော့ ကျနော်တို့က စောင့်ကြည့်ရုံမျှသာ။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...