ယူနီကုဒ် ဆိုတာ ဘာလဲ?

   အတော်ကြာ ရပ်နားခဲ့ရတဲ့ အစိမ်းရောင်လမ်းရဲ့ “ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး တောင်သူတွေ ရှေ့မှောက်ကို ပြန်လည်ရောက်ရှိလာပါပြီ ခင်ဗျ။ ယခုတစ်ပတ်မှာတော့ ယူနီကုဒ် ရဲ့ အကြောင်းကို ဖော်ပြပေးသွားမှာ ဖြစ်ပါတယ် ခင်ဗျ။

   ယူနီကုဒ်ဆိုတာ ကမ္ဘာပေါ်မှာရှိသမျှ ဘာသာစကားတွေရဲ့ အက္ခရာ စာလုံး တစ်လုံးစီတိုင်းကို ဖော်ပြနိုင်အောင် သီးသန့်နံပါတ်တစ်ခု စံသတ်မှတ်ပေးထားတဲ့ စနစ်ဖြစ်ပါတယ်။ ပိုပြီးရှင်းအောင် ပြောရရင် ကွန်ပျူတာနည်းပညာတွေ၊ အင်တာနက်တွေ ခေတ်စားလာပြီးတဲ့အချိန်မှာ တစ်ကမ္ဘာလုံးက ဘာသာစကားတွေအတွက် အရှုပ်အထွေးမဖြစ်အောင် တီထွင်လိုက်တဲ့စနစ်ပါ။ 

   မြန်မာနိုင်ငံမှာရှိတဲ့ ဝက်ဘ်ဆိုက် အများစုဟာလည်း ယူနီကုဒ် သုံးစွဲနေပြီဖြစ်တာကြာင့် တစ်ဦးနဲ့တစ်ဦး အဆင်ပြေပြေ ဆက်သွယ်နိုင်ဖို့ ယူနီကုဒ်က မဖြစ်မနေ သုံးစွဲရမယ့်စနစ် ဖြစ်လာပါတယ်။ ဒီနေ့ခေတ်မှာ ပြည်တွင်းနေထိုင်သူ အချင်းချင်းလောက်ပဲ မြင်နိုင်၊ ဖတ်နိုင်၊ ရေးနိုင်နေတဲ့ စာရိုက်စနစ် တစ်ခုကနေ  တခြား တိုင်းရင်းသား ဘာသာစကားတွေကိုပါ တစ်ကမ္ဘာလုံး မြင်နိုင်၊ ဖတ်နိုင်၊ ရေးနိုင်မယ့် ယူနီကုဒ် စံစနစ်ကို အသုံးပြုဖို့ ပြုပြင်ပြောင်းလဲခဲ့တာပဲ ဖြစ်ပါတယ်။ 

   ယူနီကုဒ် အသုံးပြုမယ်ဆိုရင်တော့ တောင်သူဦးလေး၊ ဒေါ်လေး အနေနဲ့ စိုက်ပျိုးရေးနဲ့ ပတ်သတ်တဲ့ အကြောင်းအရာတွေကို အင်တာနက်ကနေ ဘာသာစကား အဟန့်အတားမရှိ အလွယ်တကူ လေ့လာနိုင်မှာ ဖြစ်သလို အင်တာနက်အသုံးပြုရတာ၊ အချက်အလက်တွေ သိမ်းဆည်းတာ၊ ရှာဖွေတာတွေကိုလည်း အလွယ်တကူ လုပ်ဆောင်နိုင်မှာပဲ ဖြစ်ပါတယ် ခင်ဗျ။ ဖုန်းအသုံးပြုရတာ အဆင်ပြေကြပါစေ ခင်ဗျ။ ယူနီကုဒ်နဲ့ ပတ်သတ်တဲ့ အတွေ့အကြုံလေးတွေရှိရင်လည်း ကွန်မန့်မှာ ဆွေးနွေးခဲ့နိုင်ပါတယ် ခင်ဗျ။  

   နောက်ဆုံးမျှဝေပေးခဲ့တဲ့  "Zoom Meeting တစ်ခု ဘယ်လို ချိတ်ဆက်ရမလဲ" ဆိုတဲ့အကြောင်း ဖော်ပြထားတဲ့  ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

Zoom Meeting တစ်ခု ဘယ်လို ချိတ်ဆက်ရမလဲ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်