ဘာကြောင့်ကြက်တွေချေးဖြူပါကြသလဲ? (အပိုင်း-၁)

ကြက်တွေချေးဖြူဖြစ်နေတယ်။ ဘယ်လိုကုသရမလဲမေးသူတွေအတွက်ဖြစ်ပါတယ်။

ကြက်ချေးမှာ သာမန်အားဖြင့် အဖြူရောင်အလွှာလေးဖုံးလျက်ပါနေတာကို တွေ့ရပါလိမ့်မယ်။ အဲ့ဒီအပိုင်းက အစာခြေလမ်းကြောင်းစွန့်ထုတ်တဲ့ ပစ္စည်းမဟုတ်ဘဲ ကြက်ရဲ့သွေးထဲက မလိုတဲ့ (အဆိပ်အတောက်ဖြစ်မယ့်) ပစ္စည်းတွေကို ကျောက်ကပ်က စစ်ယူစွန့်ထုတ်လိုက်တဲ့ ဆီးသာဖြစ်ပါတယ်။

လူနဲ့ တခြားတိရစ္ဆာန်တွေက ခန္ဓာကိုယ်တွင်းမှာ ပရိုတင်းနဲ့ အမိုင်နိုအက်ဆစ်တွေကို ချေဖျက်သုံးစွဲလို့ ထွက်ပေါ်လာတဲ့ အမိုနီးယားကို အသဲက ယူရီးယားအဖြစ်ပြောင်းပေးပြီး ကျောက်ကပ်က ဆီးအဖြစ်စွန့်ထုတ်ပေးပါတယ်။ ကြက်တွေက ယူရီးယားအစား ယူရစ်အက်ဆစ်အနေနဲ့ စွန့်ထုတ်ပါတယ်။

ယူရီးယားက အဆိပ်အတောက် သတ္တိပြင်းတဲ့အတွက် အားပျော့သွားအောင် ရေအများကြီးနဲ့ ရောပြီးစွန့်ထုတ်ကြရတယ်။ ယူရစ်အက်ဆစ်က ယူရီးယားလောက်အဆိပ်မပြင်းတဲ့အပြင် ရေမှာလည်း မပျော်တဲ့အတွက် ပျစ်ချွဲချွဲ အရည်ပုံစံနဲ့ သူ့ကိုစွန့်ထုတ်လို့ ရပါတယ်။ ဒါ့ကြောင့် ကြက်တွေရဲ့ ယူရစ်အက်ဆစ်ပါတဲ့ ဆီးကို စွန့်ထုတ်တဲ့နေရာမှာ ရေနည်းနည်းပဲ သုံးဖို့ပဲလိုတယ်။

ကြက်တွေမှာ ဆီးအိမ်မရှိတဲ့အတွက် ကျောက်ကပ်ကထွက်လာတဲ့ ယူရစ်အက်ဆစ်ပါတဲ့ ဆီးရည်ဟာ ဆီးပြွန်ကတစ်ဆင့် ဆီး၊ ဝမ်း၊ လိင်အင်္ဂါ သုံးမျိုးလုံးရဲ့ ထွက်ပေါက်တွေ ပေါင်းဆုံတဲ့ သပ္ဗအိတ် (cloaca) ထဲကို ရောက်သွားပါတယ်။ Cloaca ထဲက ဆီးရည်က အူမကြီးထဲကို ဆန်တက်ပြီး အူမကြီးရဲ့ ပြောင်းပြန်ရွေ့လျားမှုကြောင့် တစ်စိတ်တစ်ပိုင်းက အူပိတ်ထဲအထိ ရောက်သွားပါတယ်။ အူမကြီးက ဆီးမှာပါတဲ့ ရေကိုစုပ်ယူလိုက်တဲ့အတွက် ပျစ်ချွဲတဲ့ အဖြူနှစ်ပုံစံနဲ့ cloaca ထဲကို ပြန်ဆင်းလာကြတယ်။ ပြီးမှ ချေးနဲ့အတူ အပြင်ကိုစွန့်ထုတ်လေ့ရှိပါတယ်။

ဒါ့ကြောင့် ကြက်ချေးမှာ ချေးဖြူလို့ပြောကြတဲ့ အပိုင်းလေးအမြဲတွဲပါနေတာပါ။

တစ်ခါတစ်ရံမှာ အဖြူပိုင်းက သိသိသာသာပိုများပြီး (အရည်ပိုကျဲ) ပြီးပါနေတဲ့အခါ ချေးဖြူပါတယ်လို့ပြောကြတယ်။ ချေးဖြူပါတာဟာ ကြက်ရောဂါတစ်မျိုးမဟုတ်ပါ။ ကြက်တွေရဲ့ ကျောက်ကပ်ပုံမှန် အလုပ်မလုပ်နိုင်တဲ့ အခြေအနေတစ်ခုကို ဖော်ပြတဲ့ လက္ခဏသာဖြစ်ပါတယ်။

ချေးဖြူပါတဲ့ ကိစ္စကို ကုစားချင်ရင် ချေးဖြူပါစေတဲ့အကြောင်းအရင်းတွေကို သိထားဖို့လိုပါလိမ့်မယ်။

ကျန်းမာတဲ့ ကြက်ရဲ့ ချေးပုံကိုကြည့်ရင် ပစ္စည်းသုံးမျိုးပါတာ တွေ့ပါလိမ့်မယ်။ အပေါ်ဆုံးမှာ အဖြူနှစ်၊ အဖြူဖတ်၊ မြေဖြူမှုန့် ပုံစံတွေ့ရတဲ့အပိုင်း၊ သူ့အောက်မှာ အခဲအဖတ်မဟုတ်တဲ့ အရည်အပိုင်း၊ အောက်ဆုံးမှာက အစာခြေလမ်းကြောင်းက စွန့်ထုတ်တဲ့ ချေးကိုမာပြီး အခွေလိုက် သို့မဟုတ် အခဲတုံးရှည် ပုံမျိုးနဲ့ တွေ့ရလိမ့်မယ်။

ကြက်ချေးမှာ အဖြူဖတ်နဲ့ အရည်တွေပုံမှန်ထက်ပိုပါပြီး ဝမ်းအရည်ကျဲလိုဖြစ်နေတာဟာ ကျောက်ကပ်ကို ဝန်ပိနေစေတဲ့ အကြောင်းတစ်ရပ်ကြောင့် ဒါမှမဟုတ် ကျောက်ကပ်ကောင်းကောင်း အလုပ်မလုပ်နိုင်လို့ ဖြစ်ရတာပါ။ ကျောက်ကပ်ကောင်းကောင်းအလုပ်မလုပ်နဲ့ ကြက်တွေဟာ ရေပိုသောက် (ခဏခဏသောက်) ကြပြီး သွေးထဲက အညစ်အကြေးတွေကို စွန့်ထုတ်ဖို့ ကြိုးစားကြတယ်။ ဒါ့ကြောင့် ဆီးပိုသွားပြီး (ချေးပုံမှာ အဖြူအရည်ကျဲ ပိုပါလာပြီး) ချေးဖြူပါတယ်လို့ ပြောကြတဲ့ ပုံစံဖြစ်လာတာပါ။

ကျောက်ကပ်ထိခိုက်ပျက်စီးမှုတွေဟာ ဖြည်းဖြည်းချင်းဖြစ်လာတာတွေရှိတယ်။ ထင်ရှားတဲ့ လက္ခဏာမပြတဲ့ အတွက် ခန့်မှန်းသိရှိဖို့ ခက်ခဲပါတယ်။ အချိန်တိုအတွင်းပြင်းပြင်းထန်ထန်ဖြစ်တဲ့ ကျောက်ကပ်ပျက်စီးမှုတွေလည်းရှိပါတယ်။ မှိုင်ကုပ်သေဆုံးစေနိုင်သလို ပြန်ကောင်းသွားတာလည်း ဖြစနိုင်ပါတယ်။ ကျောက်ကပ်ထိခိုက်မှုရှိနေတယ်ဆိုတာကို အပြင်ပန်းအားဖြင့် သိဖို့မလွယ်ပါ။ ကျောက်ကပ်မကောင်းပေမဲ့ ကြက်မတွေ ၇၀ % မှ ၈၀ % ထိ ကောင်းကောင်းဥပေးနေကြပါလိမ့်မယ်။ ဒါပေမဲ့ ကျောက်ကပ်နဲ့ ဆီးပြွန်တွေမှာ urate တွေစုခဲပြီး ပိတ်ဆို့သွားတဲ့အထိ ဖြစ်လာချိန်မှာ ကြက်တွေ ဘာရောဂါသဏ္ဌာန်မှမပြဘဲသေဆုံးစေပါတယ်။

သေဆုံးတဲ့ အချိန်မှာ ကျောက်ကပ်က မစွန့်ထုတ်နိုင်တဲ့ သွေးတွင်းမှာရှိတဲ့ urates တွေကို အသည်း၊ နှလုံးနဲ့ ဝမ်းခေါင်းမြှေး၊ လေအိတ်ပါးစတဲ့ ကိုယ်တွင်းအင်္ဂါတွေရဲ့ အပေါ်ယံမှာ အဖြူမှုန့်တွေအဖြစ် ဖုံးအုပ်လျက်သားတွေ့ရပါလိမ့်မယ်။ ဒါကို visceral gout လို့ခေါ်ကြတယ်။ Urates တွေဟာ အဆစ်အမြစ်တွေထဲကို ရောက်သွားနိုင်ပြီး အဆစ်ရောင်တဲ့ gout ရောဂါလည်းဖြစ်နိုင်ပါတယ်။

အပိုင်း(၂)တွင်ဆက်လက်ဖော်ပြပါဦးမည်။

ဒေါက်တာအောင်မြင့် ရေးသားသော ဆန်းသစ်လေ့လာသော ကြက်ရောဂါပြဿနာများမှ ကောက်နုတ် ဖော်ပြထားခြင်းဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...