ယခုနှစ် ဆောင်းအာလူးပေါ်ချိန် အထွက်နှုန်းတိုးလာသော်လည်း ဈေးနှုန်းကျဆင်းနေ

ယခုနှစ်တွင် စစ်ကိုင်းတိုင်းနှင့် မန္တလေးတိုင်းဒေသကြီးတို့၌ ဆောင်းအာလူး ထွက်ပေါ်ချိန်တွင် အထွက်နှုန်း တိုး လာသော်လည်း ဈေးနှုန်းကျဆင်းမှုများ ဖြစ်ပေါ်နေကြောင်း အာလူးစိုက်တောင်သူများက ပြောကြားသည်။

“ အာလူး အမျိုးအစားအလိုက် တစ်ဧက ကုန်ကျစရိတ် ကွာခြားတယ်။ ထွက်ရှိလာတဲ့ အာလူးတွေကို ပွဲရုံသွင်း ဈေးက တစ်ပိဿာကို ကျပ် ၃,၀၀ ကနေ အများဆုံး ကျပ် ၆,၀၀ အထိရတယ်။ အရည်အသွေးကောင်း မျိုးစိုက်ခဲ့လို့ အထွက်နှုန်းက အရင်နှစ်ကထက် တစ်ဧကကို ပိဿာချိန် ၄၅လောက် ပိုထွက်လာတယ် ” ဟု မန္တ လေးတိုင်းဒေသကြီး၊ မြင်းခြံမြို့နယ်မှ အာလူးစိုက်တောင်သူ ဦးအောင်ဆွေဦးက ပြောသည်။

ဆောင်းအာလူးကို အောက်တိုဘာလနှင့် နိုဝင်ဘာလတွင် စိုက်ပျိုးကာ ဇန်နဝါရီလနှင့် ဖေဖော်ဝါရီလများတွင် တူးဖော်ကြပြီး အာလူး အမျိုးအစားအလိုက် ပွင့်ဖြူမျိုး၊ ဘောလုံးမျိုး၊ အခြားဒေသမျိုး တစ်ဧကလျှင် အလုံးကြီး ပိဿာချိန် ၁,၀၀၀ ခန့်၊ အလုံးလတ် ပိဿာချိန် ၃,၂၀၀ ခန့်၊ အလုံးသေး ပိဿာချိန် ၈၀၀ ခန့် ထွက်ရှိသည်။

တရုတ်အာလူးမျိုး စိုက်ပျိုးပါက တစ်ဧကလျှင် အလုံးကြီးပိဿာချိန် ၆,၀၀၀ ခန့်၊ အလုံးလတ် ပိဿာချိန် ၁,၄၀၀ ခန့်၊ အလုံးသေး ပိဿာချိန် ၆၀၀ ခန့် စုစုပေါင်း ပိဿာချိန် ၈,၀၀၀ ခန့် ထွက်ရှိပြီး နယ်သာလန်အာလူးမျိုး စိုက်ပျိုးပါက တစ်ဧကလျှင် အလုံးကြီး ပိဿာချိန် ၇,၂၀၀ ခန့်၊ အလုံးလတ် ပိဿာချိန် ၈၅၀ ခန့်၊ အလုံးသေး ပိဿာချိန် ၄၅၀ ခန့် ထွက်ရှိကြောင်း သိရသည်။

“ ရန်ကုန်ကို အာလူး တစ်ပိဿာ သယ်ယူပို့ဆောင်ခ ကျပ် ၄၀ ပေးရတယ်။ တစ်ခြားကုန်ကျ စရိတ်တွေလည်း ရှိတော့ တောင်သူတွေကို ဈေးကောင်း မပေးနိုင်တာလည်း ပါတယ်။ အာလူးက သိုလှောင်တဲ့အခါမှာ အလျော့ တွက်လည်း များတယ်။ အခုနောက်ပိုင်း ပွဲရုံတွေက အစိုဓာတ်ပါရင် ပါသလို ဈေးနှိမ်တယ်။ အစိုဓာတ်နည်း ရင်တော့ တစ်ပိဿာကို ကျပ် ၉၀ လောက် ဈေးပိုပေးတယ် ” ဟု စစ်ကိုင်းမြို့ရှိ အာလူးစိုက်တောင်သူ ကိုမျိုး ထက်က ပြောသည်။

အာလူးသီးနှံမှာ တူးဖော်စဉ်ကပင် အစိုဓာတ်ပါ လာခြင်း၊ ဘက်တီးရီးယား၊ မှိုရောဂါနှင့် ဗိုင်းစ်ရပ် ကပ်ပါးပိုးများ ပါဝင်လာနိုင်ခြင်းတို့ကြောင့် သိုလှောင်စဉ် ကာလမှာ ဥထိုးဖလံပိုးများ ကျရောက်တတ်ပြီး သိုလှောင်မှု မပြုလုပ်မီကပင် ပိုးသတ်ဆေးဖျန်းကာ ကာကွယ် မှုများ ပြုလုပ်ရခြင်းကြောင့် အလျှော့ထွက်များလာကြောင်း သိရသည်။

လက်ရှိတွင် မြန်မာနိုင်ငံထွက် အာလူးများကို အိန္ဒိယ၊ တရုတ်နှင့် ထိုင်းနိုင်ငများသို့ ကုန်ကြမ်း၊ ကုန်ချော အ နေဖြင့် အနည်းငယ်တင်ပို့မှုများ ရှိနေသော်လည်း အဆိုပါနိုင်ငံတို့၏ နည်းပညာနှင့် ဈေးကွက်ကြီးမားမှုကြောင့် အခြားနိုင်ငံ ဈေးကွက်များသို့ ထိုးဖောက်ရန် ခက်ခဲနေကြောင်း မန္တလေးမြို့ရှိ စိုးပွဲရုံပိုင်ရှင် ဦးကျော်ကျော်စိုးက ပြောသည်။

“ WTO အဖွဲ့ဝင် နိုင်ငံဖြစ်တဲ့ မြန်မာနိုင်ငံရဲ့ ကုန်ပစ္စည်း ပိတ်ပင်ထားတဲ့ စာရင်းမှာ အာလူးသီးနှံ ပါဝင်မှုမရှိတာ ကြောင့် အာလူးဟာ ကန့်သတ်ထားခြင်း မရှိဘဲ လွတ်လပ်စွာ တင်ပို့၊ တင်သွင်းနိုင်တဲ့ ကုန်စည်တစ်ခု ဖြစ်ပါ တယ်။ ဒါကြောင့် ဈေးကွက်အနေအထားအပေါ် မူတည်ပြီး လွတ်လပ်စွာ ကုန်သွယ်ခွင့်ရှိတဲ့ စားဖိုဆောင်သီးနှံ တစ်မျိုးလည်းဖြစ်တော့ ပြည်ပကို တိုးတက်ပို့နိုင်ဖို့ ပံ့ပိုးအားလိုအပ်တယ်။ ဒီလိုဈေးကွက် ကြီးမားလှတဲ့ အာလူး ကို မြန်မာနိုင်ငံမှာလည်း ကျယ်ပြန့်စွာ စိုက်ပျိုးနေကြပေမယ့် တောင်သူများအဖို့ စိုက်ပျိုးစရိတ် ကြီးမားပြီး ဆုံးရှုံး နေတာကို လေ့လာတွေ့ရှိ နေရပါတယ်။ တောင်သူတွေရဲ့ ဆုံးရှုံးမှုဟာ နိုင်ငံတော်ရဲ့ ဆုံးရှုံးမှုဖြစ်တာကြောင့် နိုင်ငံအတွက်လည်း နစ်နာပါတယ်။ အချိန်ကုန်ခံ၊ ငွေကုန်ခံပြီး စိုက်ပျိုးလိုက်ပေမယ့် နည်းစနစ်၊ မျိုး၊ ရာသီဥတုနဲ့ ပိုးမွှားတို့ကြောင့် ဆုံးရှုံးရပါက ပိုပြီးတော့ နစ်နာပါတယ်။ စိုက်သာစိုက်ရ အရည်အသွေး မမီရင်လည်း ဆုံးရှုံးမှုက ကြီးလွန်းလှပါတယ်” ဟု ၎င်းကဆက်လက် ပြောသည်။

အာလူးစိုက်ပျိုးရာတွင် အမျိုးအစားအလိုက် တစ်ဧက ကုန်ကျစရိတ်အနေဖြင့် ပွင့်ဖြူမျိုး တစ်ဧကလျှင် ကျပ် ၁၅၀,၀၀၀ ခန့်၊ တရုတ်မျိုး တစ်ဧကလျှင် ကျပ် ၁၆၀,၀၀၀ ခန့်၊ နယ်သာလန်မျိုး တစ်ဧကလျှင် ၁၈၀,၀၀၀ ခန့် ကုန်ကျပြီး ထွက်ရှိလာသည့် အာလူးများကို ရန်ကုန်ဈေးကွက်နှင့် အောက်မြန်မာနိုင်ငံ ဒေသများသို့ ဆက် လက်ဖြန့်ချိပြီး၊ မန္တလေး၊ မုံရွာဈေးကွက်မှ အထက်မြန်မာပြည် ဈေးကွက်များသို့ ဆက်လက်ဖြန့်ဖြူးကြကြောင်း သိရသည်။

လက်ရှိ မြန်မာနိုင်ငံတွင် အာလူးကို နွေ၊ မိုး၊ ဆောင်း သုံးရာသီးလုံးတွင် စိုက်ပျိုးမှုရှိပြီး နှစ်စဉ် အထွက်နှုန်း ပျမ်း မျှတန်ချိန် ၅၆၃,၂၀၆ ခန့်ရှိပြီး၊ ပြည်တွင်း သုံးစွဲမှုအနေဖြင့် တန်ချိန် ၃၅၄,၂၈၁ ခန့်သာရှိသဖြင့် နှစ်စဉ် ပျမ်းမျှ တန်ချိန် ၂၀၈,၉၂၅ ခန့် ပိုလျှံမှု ရှိနိုင်ကြောင်း စိုက်ပျိုးရေးဌာန၏ စာရင်းများအရ သိရသည်။

ဇာလင်းသူ(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...