ကမ္ဘာ့စားနပ်ရိက္ခာနေ့

မြန်မာနိုင်ငံအပါအဝင် နိုင်ငံတချို့မှာ အစားအစာမလုံလောက်မှု ပြဿနာက အတော်ကြီးမားနေပါတယ်။ ခန့်မှန်းချေ လူပေါင်း ၆၇၃ သန်းခန့်ဟာ နေ့စဉ်ဆာလောင်မှုနဲ့အတူ နေထိုင်နေကြတယ်လို့လည်း စစ်တမ်းတွေအရ သိရပါတယ်။ သို့သော်ငြားလည်း အဝလွန်ခြင်းနဲ့ အစားအသောက်ပိုလျှံလို့ စွန့်ပစ်လိုက်ရတဲ့ပမာဏ ကိန်းဂဏန်းတွေကလည်း ဘေးချင်းယှဉ်ကပ်လို့ နေပြန်ပါတယ်။

စားနပ်ရိက္ခာစိုက်ပျိုးထုတ်လုပ်မှုအဆင့်ဆင့်များမှာလည်း ဖန်လုံအိမ်ဓာတ်ငွေ့ထွက်ရှိမှုက အဓိက အရင်းအမြစ်ဖြစ်နေပေမဲ့ စတင်စိုက်ပျိုးချိန်ကစလို့ စားသုံးသူလက်ထဲရောက်ရှိချိန်အထိ ဓာတ်ငွေ့တွေကို လျှော့ချနိုင်မယ့် နည်းလမ်းဆိုတာလည်း ရှိနေပါသေးတယ်။ အဓိကကတော့ တိုးတက်လာတဲ့ လူဦးရေရဲ့ လိုအပ်ချက်ကို ဒေသတွေ၊ ကဏ္ဍတွေ မျိုးဆက်တွေစသဖြင့် ခွဲခြားခြင်းမရှိဘဲ အတူတကွ ပူးပေါင်းလုပ်ဆောင်ကြဖို့ပါ။

"ဒီနေ့မှာ ကျွန်ုပ်တို့ပြုမူလိုက်တဲ့ လုပ်ဆောင်ချက်တွေကို မနက်ဖြန်မှာ ခံစားကြရမှာမို့ ဖန်လုံအိမ်ဓာတ်ငွေ့ကို လျှော့ချပြီး ထုတ်လုပ်ထားတဲ့ အစားအသောက်တွေကို များများထုတ်လုပ်ကြရမယ်။ လူသားတိုင်း ပိုမိုပါဝင်ပြီး မျှတတဲ့ အနာဂတ်ကို အတူတကွ ပူးပေါင်းလုပ်ဆောင်ကြပါစို့" ဆိုပြီး FAO ၏ ဒါရိုက်တာဖြစ်သူ QU Dongyu က ၂၀၂၄ ခုနှစ် World Food Forum မှာ တိုက်တွန်းပြောကြားခဲ့တာပဲ ဖြစ်ပါတယ်။

ယခုအချိန်မှာ စားနပ်ရိက္ခာထုတ်လုပ်မှု အဆင့်တွေတိုင်းမှာ မကြုံစဖူး စိန်ခေါ်မှုတွေဖြစ်တဲ့ ပဋိပက္ခ၊ ရာသီဥတု၊ စီးပွားရေးအကျပ်အတည်းတွေအပါအဝင် သွင်းအားစုဈေးတွေ မြင့်တက်လာခြင်းဟာ ကျွန်ုပ်တို့ စိုက်ပျိုးမြေ၊ ကျွန်ုပ်တို့ မှီခိုနေရသော ရေနဲ့ သက်ရှိများကို ပံ့ပိုးပေးတဲ့ ဇီဝမျိုးစုံမျိုးကွဲများအပေါ် ဖိအားတွေအဖြစ် တိုးလာတာမို့ အချင်းချင်းလက်ချင်းချိတ်ကူညီကြဖို့ ၂၀၂၅ ခုနှစ်ရဲ့ ဆောင်ပုဒ်အဖြစ် သတ်မှတ်ထားလိုက်ပါတယ်။

FAO ဝဘ်ဆိုဒ်မှ ဖော်ပြချက်ကို မြန်မာဘာသာဖြင့် သင့်လျော်သလိုဘာသာပြန်ဆိုထားခြင်းဖြစ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။