စိမ်းစားဥ စိုက်ပျိုးနည်း

    စိမ်းစားဥကို အချို့အညာဒေသများတွင် ပဲစိမ်းစားဥဟုလည်း ခေါ်လေ့ရှိသည်။ ဒီဇင်ဘာ၊ ဇန်နဝါရီနှင့် ဖေဖော်ဝါရီလများတွင် စိမ်းစားဥလှိုင်လှိုင်ပေါသည်။ မူရင်းဒေသမှာ မက်စီကိုနှင့် အနောက်တောင်အမေရိကတို့ဖြစ်သည်။ မြန်မာနိုင်ငံအနှံ့အပြားတွင်ပေါက်ရောက်ပြီး ဆောင်းရာသီတွင် အများဆုံးစိုက်ပျိုးကြသည်။ 

    စိမ်းစားဥသည် ရာသီဥတုအမျိုးမျိုးကို ခံနိုင်ရည်ရှိပြီး မျှတသောအပူချိန်နှင့် မိုးရေချိန်အသင့်အတင့်လိုအပ်သည်။ သဲနုန်းမြေတွင် ကောင်းစွာပေါက်ရောက်ပြီး ရေဝင်ရေထွက်ကောင်းသောမြေတွင် ကောင်းစွာစိုက်ပျိုးနိုင်သည်။ 

    စိုက်ပျိုးမည့်မြေကို ထယ်တစ်စပ်/နှစ်စပ် ဝင်ပေးပြီး ကြမ်းတုံးရိုက်ကာ (၂) ပေအကွာစိုက်မြောင်းများဖော်ပြီး စိုက်ပျိုးရသည်။ မျိုးစေ့များကို အနက် ၂-၃ လက်မ ခန့်ချပြီး ကြွက်မြီးတန်းအလိုက်စိုက်ပျိုးပါ။ 

အပင်ပြုစုစောင့်ရှောက်ခြင်း

    အပင်ပေါက်ပြီး ၆-၈ လက်မရောက်သောအခါ တစ်ပင်နှင့်တစ်ပင် ၆ လက်မခြားစေရန် ကြားအပင်များကို နှုတ်ပေးပါ။ အပင်ပေါက်ပြီး ၂ ကြိမ်၊ ၃ ကြိမ် ပေါက်တူးဖြင့် မြေဆွခြင်း၊ ပေါင်းသင်ခြင်းပြုလုပ်ပေးပါ။

ပိုးမွှားရောဂါများ

    အစေ့များကို ကျိုင်းများဖျက်ဆီးနိုင်သည်။ အပင်ပေါက်များတွင် မိုစေ့ရောဂါများဖြစ်တတ်ပြီး ထိုမှတစ်ဆင့် ဗိုင်းရပ်များဖြစ်ပွားစေကာ အမြစ်နဲ့အစေ့များကို ကူးစက်နိုင်သည်။ အရွက်များအဝါရောင်ပြောင်းလာကာ ရောင်မညီကွက်ကြားများဖြစ်တတ်ပြီး အမြစ်ဥများသည် သေးငယ်နေသောလက္ခဏာများ တွေ့ရတတ်ပါသည်။ ဘက်တီးရီးယားရွက်ပြောက်ရောဂါများလည်း သတိပြုရပေမည်။

ရိတ်သိမ်းခြင်း

     ဥများကောင်းစွာကြီးထွားရန်အတွက် ၅ လ မှ ၈ လ အထိအချိန်ကြာသည်။ အပင်ကြီး၍ ညှိုးကျလာသောအခါမှာ ဥများကိုတူးဖော်နိုင်သည်။ အမြစ်များကို များသောအားဖြင့် လက်ဖြင့်တူးဖော်လေ့ရှိသည်။ ဧကအများအတွက်ဆိုလျှင် ထွန်ဝင်၍ တူးဖော်ကြသည်။ တစ်ဧကလျှင် စိမ်းစားဥပိဿာ (၂၀၀၀မှ ၆၀၀၀) ခန့်အထိ ထွက်သည်။ ညအပူချိန် ၉-၁၀ ဒီဂရီစင်တီဂရိတ်မှာ ထိန်းသိမ်းထားမယ်ဆိုရင် အမြစ်ဥများပျက်စီးနိုင်သည်။ သုညဒီဂရီစင်တီဂရိတ်နှင့်အထက် သိုလှောင်ထားပါက အနည်းဆုံး ၂ လတိုင် သိုလှောင်နိုင်ပေသည်။ မရင့်သေးသော သက်တမ်းတိုသောအမြစ်ဥများထက်စာလျှင် သက်တမ်းရင့်သောအမြစ်ဥများသည် ထိန်းသိမ်းရပိုလွယ်ပြီး ကွင်းထဲတွင်လည်းသိုလှောင်ထားနိုင်သည်။ 

အသုံးပြုပုံ

    အဓိကအားဖြင့် ဥကို အများအားဖြင့် စားသုံးလေ့ရှိကြပါသည်။ နွေရာသီတွင် အဆာပြေအစာတစ်ခုအနေနဲ့ စားသုံးလေ့ရှိသည်။ ဥများသည် နို့နှစ်ရောင်အသားနှင့် အပြင်အခွံမှာ အဖြူရောင်ရှိသည်။ မြေကြီးထဲတွင်ဥဥသော အသီးဖြစ်သောကြောင့် ပိုးမွှားအန္တရာယ်ကင်းအောင် အခွံနွှာရုံသာမက ရေစင်စင်ဆေးပြီးမှသာ လတ်လတ်ဆတ်ဆတ် စားသုံးသင့်ပါသည်။ အရည်ရွမ်းသော သီးနှံတစ်မျိုးဖြစ်သည်။ ဥများကို ကြော်စား၊ အချဉ်တည်ပြီးလည်း စားသုံးကြသည်။ တစ်ချို့နိုင်ငံများတွင် သီးတောင့်များကို ကြော်စားကြသည်။ ဖူဂျီကျွန်းများတွင် ပင်စည်ကအမျှင်များနှင့် ငါးဖမ်းပိုက်များပြုလုပ်ပြီး အသုံးပြုလေ့ရှိကြသည်။ အပင်တစ်ပင်လုံးကို မြေကြီးနဲ့ရောသမအောင် ထယ်မွှေပြီး သစ်ရွက်စမ်းမြေသြဇာအနေနဲ့ အသုံးပြုလို့ရပါသည်။

ကိုးကား- http://www.nzdl.org/gsdlmod?e=d-00000-00---off-0hdl--00-0----0-10-0---0---0direct-10---4-------0-1l--11-en-50---20-about---00-0-1-00-0--4----0-0-11-10-0utfZz-8-00&cl=CL1.15&d=HASH017e5342c4df6794537cc5ed.38&x=1

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်