မက်ပါမီသရင် ၅၀ အီးစီ

သတိပြုရန်

• မျက်စိ၊ အရေပြားများနှင့် ထိတွေ့ခြင်းမှ ရှောင်ရှားရန်။

• ဆေးဖျန်းရာတွင် စိုက်ပျိုးပင်များ၊ သီးနှံပင်များ၊ သစ်ပင်များနှင့် မထိတွေ့စေရပါ။ အပင်လောင်ကျွမ်းထိခိုက်မှု ဖြစ်စေနိုင်ပါသည်။

• ဆေးဖျန်းရာတွင် ဝတ်ဆင်ရမည့် အကာအကွယ် ဖိနပ်များ၊ မျက်မှန်များနှင့် အဝတ်အစားများကို ဝတ်ဆင်၍ဖျန်းပါ။

• ဆေးအသုံးပြုပြီးဖြစ်စေ၊ အစာမစားမီ၊ ရေမသောက်မီ၊ ဆေးလိပ်မသောက်မီ ဖြစ်စေ၊ လက်၊ လက်မောင်းနှင့် မျက်နှာများကို ရေ၊ ဆပ်ပြာတို့နှင့် စင်ကြယ်စွာ ဆေးကြောပါ။

• နေ့စဉ် ဆေးဖျန်းပြီးတိုင်း ဆေးဖျန်းရာတွင် ဝတ်ဆင်သည့် အဝတ်များနှင့် ဆေးဖျန်းကိရိယာများကို သေချာဆေးကြောပါ။

သိုလှောင်ခြင်းနှင့် စွန့်ပစ်ခြင်း

• ကလေးများ၊ တိရစ္ဆာန်များ၊ အစားအစာများ၊ မြေဩဇာများနှင့် ဝေးသောနေရာ၊ လေဝင်လေထွက်ကောင်းသော နေရာများတွင် မူလဆေးဘူးများ၌ သေချာပိတ်၍ သိုလှောင်သိမ်းဆည်းပါ။

• ဆေးဘူးခွံအလွတ်များ၌ စားစရာပစ္စည်းများ ထည့်ခြင်းကို ရှောင်ရှားပါ။

• သုံးစွဲပြီး ဆေးဘူးအခွံများကို သေချာဆေးကြောသုတ်သင်ပြီး အိမ်နှင့် မနီးသောနေရာများ၊ ရေသုံးစွဲသည့်နေရာများနှင့် ဝေးသောနေရာများတွင် သေချာစွာ ဖျက်ဆီးမြှုပ်နှံပစ်ပါ။

ကြိုတင်ကာကွယ်မှုနှင့် ကုသမှု

• အဆိပ်သင့်မှု လက္ခဏာတွေ့ရှိပါက ဆရာဝန်ထံ အရောက်ပို့ပါ။

• မျိုချမိလျှင် လူနာကို အော့အန်အောင် မပြုလုပ်ရ။ ရေတစ်ဖန်ခွက် အပြည့်တိုက်ပါ။

• အရေပြားနှင့် ထိတွေ့မှုရှိပါက ဝတ်ထားသော အဝတ်များကို ဖယ်ရှား၍ ရေနှင့် အရေပြားကို သေချာစွာဆေးကြောပါ။

• မျက်စိထဲဝင်မိလျှင် မျက်စိကိုဖွင့်ထားပြီး ရေသန့်သန့်ဖြင့် (၁၅)မိနစ်ခန့် ဆေးကြောပြီး ဆရာဝန်ထံသို့ ပြသပါ။

• ဖြစ်ပေါ်သည့် လက္ခဏာအလိုက် ကုသရန် ဖြစ်ပါသည်။