သီဟိုဠ်သရက် (ခေါ်) သီဟိုဠ်သီး

သီဟိုဠ်သီး အသုံးဝင်ပုံ

ဒံပေါက်၊ ရေခဲမုန့်၊ လက်ဖက်အကြော်စုံနှင့် အခြားမုန့်များ ပြုလုပ်ရာတွင် ထည့်သွင်းအသုံးပြုလေ့ရှိသော သီဟိုဠ်ဆံ ဆိမ့်ဆိမ့်လေးကို သီဟိုဠ်ပင်၏အသီးမှ ရရှိကြပါသည်။ သီဟိုဠ်သီးကိုလည်း ဝိုင်၊ အရက်၊ ယိုနှင့် အဖျော်ယမကာများ ထုတ်လုပ်ရာတွင်လည်း အသုံးပြုကြပါသည်။

သီဟိုဠ်သီးမှာ အသားပြည့်ဝသောအသီးဖြစ်၍ ငယ်စဥ်က အစိမ်းဖျော့ဖျော့အရောင်ရှိပြီး အရွယ်ရောက်၍ ရင့်မှည့်သွားပါက တောက်ပြောင်သောအနီရောင်(သို့) အဝါရောင် ဖြစ်သွားပါသည်။

အသီးအရွယ်အစား အလျား(၃-၇)စင်တီမီတာ၊ အနံ(၄-၅) စင်တီမီတာခန့် ရှိပါသည်။ ကျောက်ကပ်ပုံအဖြူရောင်ခွံမာ တစေ့သီး (nut) ဖြစ်၍ (၂-၃)စင်တီမီတာခန့်ရှိသည်။

သီဟိုဠ်ဆံဟု လူသိများသော သီဟိုဠ်သရက်အဆံမှာ အချိန်အခါမရွေး ရောင်းချနိုင်သည့် ပြည်ပဈေးကွက်ဝင် ဈေးကောင်းရသော နှစ်ရှည်ပင်လည်း ဖြစ်ပါသည်။

သီဟိုဠ်သရက် ပျံ့နှံရာဒေသများ

သီဟိုဠ်သရက်သည် မြန်မာနိုင်ငံအတွင်းသို့ သီဟိုဠ်ကျွန်းမှဝင်ရောက်လာသော သီးနှံဖြစ်၍ ၁၉၈၈ ခုနှစ် မတိုင်ခင်အထိ အနည်းအကျဥ်းသာ စိုက်ပျိုးကြသော်လည်း ယင်းနောက်ပိုင်းကာလများမှစ၍ ကျယ်ကျယ်ပြန့်ပြန့် စီးပွားဖြစ်စိုက်ပျိုးလျက်ရှိပါသည်။ ရခိုင်ကမ်းရိုးတန်းဒေသ၊ တနင်္သာရီကမ်းရိုးတန်းဒေသများတွင် အထူးဖြစ်ထွန်း၍ မွန်ပြည်နယ်၊ ကရင်ပြည်နယ်၊ ရန်ကုန်တိုင်း၊ ဧရာဝတီတိုင်းနှင့် ပဲခူးတိုင်းတို့တွင် စီးပွားဖြစ်စိုက်ပျိုးကြသည်။

စိုက်ပျိုးနည်း

၁။ မျိုးစေ့အားပျိုးထောင်ပြီး စိုက်ပျိုးနည်း

၂။ မျိုးစေ့တိုက်ရိုက်ချစိုက်ပျိုးနည်း

၃။ ကိုင်းဆက်ပင်များ စိုက်ပျိုးနည်း တို့ဖြစ်သည်။

သီဟိုဠ်သရက်ပင်သည် မြေသားထူပြီး နုန်းမြေနှင့် သဲဆန်သောနုန်းမြေများတွင် ဖြစ်ထွန်းသည်။ နေရောင်ခြည်အပြည့်အဝရရှိရန်လည်း လိုအပ်သည်။ စိုက်ပျိုးစဥ် အပင်စိတ်လွန်းပါက အမြစ်များ အစာရေစာကို ယှဥ်ပြိုင်လုယူစားသုံးတတ်သော သီးနှံပင်ဖြစ်သည်။

သီဟိုဠ်ပင်အကြောင်း

သီဟိုဠ်သရက်ပင်သည် ပင်စည်အနိမ့်ပိုင်းတွင် ကိုင်းဖြာထွက်သော အမြဲစိမ်းအပင်မျိုးဖြစ်သည်။ ပင်စည်တွင် ဒဏ်ရာတစ်ခုခုရရှိပါက အဖြူရောင်အစေးများ ထွက်လာသည်။ အရွက်နုချိန်တွင် အရွက်မှာ နီညိုရောင်သန်းပြီး အရွက်ရင့်လျှင် အစိမ်းရောင်ရှိသည်။ ရွက်နုမှ ရွက်ရင့်ဖြစ်ရန် (၂၀)ရက်ခန့်ကြာပါသည်။

အင်းဆက်တို့၏ အကူအညီဖြင့် ပင်ခြားဝတ်မှုန်ကူးမှသာ သန္ဓေအောင်ကာ အသီးတင်သည်။ ဝတ်မှုန်ကူးပြီး (၆၅)ရက်တွင် အသီးများရင့်မှည့်ပါသည်။ အပင်အာဟာရဓါတ် မပြည့်ဝပါက အသီးကင်းများ ကြွေကျတတ်ပါသည်။

သီဟိုဠ်၏ဂုဏ်နှင့် စွမ်းရည်

သီဟိုဠ်သီးသည် ဖန်၏ ချို၏ ပူ၏။ လေ၊ သလိပ်၊ ရေဖျဥ်းရောဂါ၊ မြင်းဖုအစိုနာ၊ အဖျား၊ အနာပေါက်မျိုးစုံ၊ ခရုသင်းရောဂါ၊ ကိုယ်ရေပြားရောဂါတို့ကို ကင်းဝေးစေ၏။ မြင်းသရိက်ရောဂါ၊ အစားအသောက်ပျက်ရောဂါများကို ပျောက်ကင်း၏။ သွေးဝမ်းရောဂါကိုလည်း ပျောက်ကင်းစေ၏။

သီဟိုဠ်ပင်၏ အခေါက်မှထွက်သော အစေးသည် စိုက်ပျိုးသီးနှံပင်များအား ဖျက်ဆီးသည့် ပိုးမွှားများကို နှိမ်နင်းရန်လည်း အသုံးဝင်သည်။ အစေး၏အနံ့သည် ပိုးများကို ပြေးစေတတ်သောကြောင့် ဖြစ်သည်။

ပင်လယ်ပြာ(ငါးဦးစီး)

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ