တိရစ္ဆာန်၊ တိရစ္ဆန်ထွက်ပစ္စည်းများကို တင်သွင်းရာ၌ ပြုလုပ်ရမည့်လုပ်ငန်းစဉ်များ

မတ်လ 23, 2020

၁။ တိရစ္ဆာန်ထွက်ပစ္စည်းများ မြန်မာနိုင်ငံအတွင်းသို့ တင်သွင်းရာ၌ အောက်ပါ လုပ်ငန်းစဉ် များဖြင့် ဆောင်ရွက်ခွင့်ပြုသွားပါသည်-

(က) တိရစ္ဆာန်ထွက်ပစ္စည်းများတင်သွင်းရာ၌ မွေးမြူရေးနှင့်ကုသရေးဦးစီးဌာနသို့ ကျန်းမာရေးထောက်ခံချက်သဘောထားမှတ်ချက်လျှောက်ထားခြင်း

(ခ) ပြည်ပမှ တိရစ္ဆာန်ထွက်ပစ္စည်းများဝင်ရောက်လာသောအခါ မွေးမြူရေးနှင့်ကုသရေးဦးစီးဌာနတွင် စစ်ဆေးမှုခံယူခြင်း

(ဂ) MACCS (Myanmar Automated Cargo Clearance System) တွင် အကောက်ခွန် ရှင်းတမ်း(Custom Clearance)ဆောင်ရွက်ရန် online Application လျှောက်ထား ခြင်း

၂။ တိရစ္ဆာန်ထွက်ပစ္စည်းများတင်သွင်းရာ၌ မွေးမြူရေးနှင့်ကုသရေးဦးစီးဌာနသို့ ကျန်းမာရေး ထောက်ခံ ချက်သဘောထားမှတ်ချက်လျှောက်ထားခြင်း

တိရစ္ဆာန်ထွက်ပစ္စည်းများကို ပြည်ပမှ တင်သွင်းရန် လျှောက်ထားလိုသော လုပ်ငန်းရှင်သည် ပစ္စည်းများမတင်ပို့မှီ သွင်းကုန်လိုင်စင်လျှောက်ထားရန်လိုအပ်သော ကျန်းမာရေးသဘောထား မှတ်ချက်ကို မွေးမြူရေးနှင့်ကုသရေးဦးစီးဌာနသို့ လျှောက်ထားရမည်။ ထိုသို့ လျှောက်ထားရာတွင် အောက်ဖော်ပြပါ စာရွက်စာတမ်းအထောက်အထားများကို ပူးတွဲတင်ပြရမည်-

(က) ဌာန၏ သွင်းကုန်လျှောက်လွှာ

(ခ) ကုမ္ပဏီ Letter Head ဖြင့် မွေးမြူရေးနှင့်ကုသရေးဦးစီးဌာန၊ ညွှန်ကြားရေးမှူးချုပ်သို့ လိပ်မူလျှောက်ထားသည့်လျှောက်လွှာ

(ဂ) ကုမ္ပဏီ၏ Letter Head ဖြင့် ကတိခံဝန်ချက်

(ဃ) တင်သွင်းလာသော တိရစ္ဆာန်ထွက်ပစ္စည်းများအား အသုံးပြုမည့်ရည်ရွယ်ချက်

(င) မြန်မာနိုင်ငံ မွေးမြူရေးလုပ်ငန်းအဖွဲ့ချုပ်၏ ထောက်ခံချက်မူရင်း

(စ) ကုန်ရောင်းသူနှင့် ကုန်လက်ခံသူအကြားချုပ်ဆိုထားသည့် အရောင်းအဝယ်သဘောတူစာချုပ် (Sales Contract) မိတ္တူ

(ဆ) ကုန်ရောင်းသူနှင့်ကုန်လက်ခံသူတို့၏ ကုန်ပစ္စည်းအမှာလွှာ (Proforma Invoice)

(ဇ) ကုန်ရောင်းသူနိုင်ငံ၏ အခွင့်အာဏာရှိ တိရစ္ဆာန်ဆေးကုဆရာဝန်(Veterinary Authority) မှ ထုတ်ပေးသောကျန်းမာကြောင်းထောက်ခံချက်လက်မှတ် (Veterinary Health Certificate) မိတ္တူ

(ဈ) ထုတ်လုပ်သည့် စက်ရုံ၏ ထုတ်လုပ်မှုကောင်းမွန်ကြောင်း ထောက်ခံချက် GMP Certificate (မိတ္တူ)

(ည) ကုမ္ပဏီမှတ်ပုံတင်မိတ္တူ

(ဋ) ထ.သ.က(Certificate of Expoter/ Impoter Registration)မိတ္တူ

(ဌ) ကုမ္ပဏီအသင်းဝင်လက်မှတ်(မွေးမြူရေးလုပ်ငန်း အဖွဲ့ချုပ်အဖွဲ့ဝင်လက်မှတ် (သို့) ကုန်သည်ကြီးများနှင့် စက်မှုလက်မှုလုပ်ငန်းရှင်များအဖွဲ့ဝင်လက်မှတ်)မိတ္တူ

ပြည်ပမှ တိရစ္ဆာန်နှင့်တိရစ္ဆာန်ထွက်ပစ္စည်းတင်သွင်းသူလုပ်ငန်းရှင်သည် တိရစ္ဆာန် နှင့် တိရစ္ဆာန်ထွက်ပစ္စည်းများ တင်သွင်းခြင်းအတွက် မွေးမြူရေးနှင့် ကုသရေး ဦးစီးဌာနမှ သတ်မှတ်ထားသည့် စစ်ဆေးခငွေနှင့် သက်ဆိုင်ရာပစ္စည်း ၊အမျိုးအစား အလိုက် သတ်မှတ်ထားသည့် ဓာတ်ခွဲခန်းစစ်ဆေးခငွေများကိုပေးသွင်းရမည်။

၃။ ပြည်ပမှ တိရစ္ဆာန်ထွက်ပစ္စည်းများ ဝင်ရောက်လာသောအခါ မွေးမြူရေးနှင့်ကုသရေးဦးစီး ဌာန၏ စစ်ဆေးမှုကိုခံယူခြင်း

ပြည်ပမှ တိရစ္ဆာန်ထွက်ပစ္စည်းများတင်သွင်းသော သွင်းကုန်လုပ်ငန်းရှင်သည် တိရစ္ဆာန်ထွက်ပစ္စည်းများတင်သွင်းရောက်ရှိသည့်အခါ အောက်ပါအချက်များကို လိုက်နာ ဆောင်ရွက်ရမည်-

(က) တိရစ္ဆာန်ထွက်ပစ္စည်းများမရောက်ရှိမီ (၂)ရက်ကြိုတင်၍ မွေးမြူရေးနှင့်ကုသရေးဦးစီးဌာန တာဝန်ရှိသူထံသို့ အကြောင်းကြားရမည်။

(ခ) ပစ္စည်းများရောက်ရှိသည့်အခါ တာဝန်ရှိဝန်ထမ်းများ၏ စစ်ဆေးခြင်း၊ နမူနာရယူ ခြင်းလုပ်ငန်းစဉ်များကို လိုက်နာဆောင်ရွက်ရမည်။

၄။ MACCS (Myanmar Automated Cargo Clearance System) တွင် အကောက်ခွန်ရှင်းတမ်း (Custom Clearance) ဆောင်ရွက်ရန် Online Application လျှောက်ထားခြင်း

မွေးမြူရေးနှင့်ကုသရေးဦးစီးဌာနအနေဖြင့် တိရစ္ဆာန်နှင့် တိရစ္ဆာန်ထွက်ပစ္စည်းတင်သွင်းမှု လုပ်ငန်းစဉ်၌ အကောက်ခွန်ရှင်းတမ်းဆောင်ရွက်မှုဆိုင်ရာစနစ် MACCS (Myanmar Automated Cargo Clearance System) တွင် ပူးပေါင်းဆောင်ရွက်ပေးလျက်ရှိပါသည်။

(က) တိရစ္ဆာန်ထွက်ပစ္စည်းများတင်သွင်းသည့် သွင်းကုန်လုပ်ငန်းရှင်၏ အခွင့်အာဏာ လွှဲအပ်ခြင်းခံရသော သွင်းကုန်အကောက်ခွန်ရှင်းလင်းရေးလုပ်ငန်းဆောင်ရွက်သူ (Agent)သည် MACCS (Myanmar Automated Cargo Clearance System) ၌ LS(livestock) Sector တွင် ဝင်ရောက်လျှောက်ထားရမည်။

(ခ) မွေးမြူရေးနှင့်ကုသရေးဦးစီးဌာနသည် လျှောက်ထားလာသော စာရွက်စာတမ်းများ စစ်ဆေးပြီး နမူနာရယူစစ်ဆေး၍ ရရှိလာသော ဓာတ်ခွဲခန်းအဖြေ၊ သဘောထား မှတ်ချက်စသည်တို့ကို (Myanmar Automated Cargo Clearance System) စနစ်မှတစ်ဆင့် ပြန်လည်သဘောတူညီကြောင်း (Agree) ပြုလုပ်ပြီးမှသာ သွင်းကုန် အကောက်ခွန်ရှင်းလင်းမှုလုပ်ငန်းစဉ်ပြီးမြာက်မည်ဖြစ်ပါသည်။

မွေးမြူရေးနှင့် ကုသရေးဦးစီးဌာန

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...