ရာသီမရွေးဖြစ်ပွားတတ်သော ငါးကပ်ပါးရောဂါ

13/01/2022 11:30 AM တွင် နှင်းဖြူဖြူ နှင်းဖြူဖြူ မှ ရေးသား

အဆိုပါ ငါးကပ်ပါးရောဂါကို Arguliosis Disease ဟု အမည်တွင်ပါသည်။ ရောဂါဖြစ်ပွားရသည့် အကြောင်းအရင်း Argulus spp: ကြောင့် ဖြစ်ပွားပါသည်။ Fish Louse ငါးသန်းဟူ၍ အသိများပါသည်။ ငါးသန်းသည် ကြီးမား၍ ၁စင်တီမီတာ ခန့်ရှည်လျှားပါသည်။

ရောဂါလက္ခဏာများ

- ကျောရိုးဆူးတောင် အောက်ခြေတွင် အဖြူလွှာပိတ်လာခြင်း၊

- အရေပြားထိုးဖောက်၍ သွေးစုပ်ခြင်းကြောင့် တစ်သျှူးများ ရောင်ယမ်းခြင်း၊

- အကျိအချွဲများထွက်ခြင်း၊

- သွေးကြောပေါက်ခြင်း၊

- ငါးများ၏ အရေပြားပေါ်တွင် အနီစက်များ တွေ့ရခြင်း၊

- အနာများ ဖြစ်လာခြင်း၊

- ယားယံသည့်ဝေဒနာ ခံစားရသည့်အတွက် အချွဲစစ်ထုတ်မှုများလာပြီး အားအင်ကုန်ခမ်းလာခြင်းတို့ ဖြစ်တတ်ပါသည်။

ဖြစ်ပွားနိုင်သော ငါးအမျိုးအစား

တီလားပီးယား၊ ငါးရံ့ ၊ငါးခူ ၊ ငါးကြင်းငါးသိုင်းအုပ်စု၊ ငါးတီး

ဖြစ်ပွားတတ်သည့် အချိန်ကာလ

ကန်အရည်အသွေး ညံ့ဖျင်းပါက ရာသီမရွေး ဖြစ်ပွားတတ်ပါသည်။

ကာကွယ်ခြင်းနှင့် ကုသခြင်း

- ကန်ရေအား မကြာခဏ လဲလှယ်ပေးခြင်း၊

- ဥများတွယ်ကပ်နိုင်သည့် ရေနေအပင်များအား မကြာခဏ ဖယ်ရှားစေခြင်း၊

- ရောဂါကျရောက်​နေသော ငါးများကို 5ppm KMnO4   3-5 min ခန့် စိမ်ပေးခြင်းဖြင့် ရောဂါသက်သာစေနိုင်ပါသည်။     

Ref; ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 

              

 


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်