ငှက်ပျော မြစ်ထွင်းနီမတုတ် ကာကွယ်နှိမ်နင်းနည်း

နီမတုတ်ရောဂါအနေဖြင့် မြန်မာနိုင်ငံတွင် တွေ့ရခဲပါသည်၊ သို့သော် ငှက်ပျော စိုက်ဒေသများတွင်တော့ မြစ်ထွင်းနီမတုတ်သည် အကျများ၍ လွန်စွာဆိုးဝါးသော အမျိုးအစားတစ်ခု ဖြစ်ပါသည်။

မြစ်ထွင်းနီမတုတ် - Radopholus similis (သိပ္ပံအမည်)

ရောဂါလက္ခဏာများ

မြစ်ထွင်းနီမတုတ်သည် ဘဝစက်ဝန်းတစ်ခုလုံး အမြစ်ထဲတွင်နေထိုင်စားသောက်သောကြောင့် အမြစ်ပုပ်ခြင်းကို ဖြစ်စေပါသည်။ ကနဦးထိခိုက်ပျက်ဆီးမှုအနေဖြင့် အမြစ်၏အပြင်ပိုင်းတွင် ခရမ်းပုပ်ရောင်ရေစိုနာကွက်များတွေ့ရပါမည်။

ရောဂါကျနေသော အမြစ်ကို အလျားလိုက်ခွဲကြည့်လိုက်သောအခါ ရေစိုနာကွက်များကို ထင်ရှားစွာမြင်နိုင်ပါသည်။ မြစ်ထွင်းနီမတုတ်သည် အမြစ်ကို အဓိကတိုက်ခိုက်သဖြင့် အပင်အတွက် အာဟာရနှင့် ရေပြတ်လပ်စေပါသည်။ ထို့ကြောင့် ပင်ပိုင်းကြီးထွားမှုနှေးခြင်း၊ အရွက်ဝါခြင်း၊ အသီးခိုင်များသေးခြင်း တို့ ဖြစ်စေပါ သည်။

ရေစိုနာကျနေသောအမြစ်များနှင့် ကုပ်တွယ်ထားသောအမြစ်များသေဆုံးပျက်ဆီးခြင်းတို့ကြောင့် လေပြင်းတိုက်သောအခါ အပင်များလဲကျစေပါသည်။

ထူးခြားချက်တစ်ခုမှာ ယင်းနီမတုတ်ကျသော ဒဏ်ရာမှ အခြားအမြစ်ရောဂါများ ဝင်လွယ်ပါသည်။ ငှက်ပျောပင်ညှိုးရောဂါ ဖြစ်စေသော ဖျူစေရီယမ်မှိုများ ဝင်ရောက်လာစေရန် ပိုမိုအားပေးပါသည်။

မြစ်ထွင်းနီမတုတ် - Radopholus similis

မြစ်ထွင်းနီမတုတ်၏ ဘဝအဆင့်အားလုံးသည် သန်ကောင်ပုံစံမျိုးဖြစ်ပါသည်။ အရောင်မဲ့၍ အရှည် ၁ မီလီမီတာလောက်ပင်ရှိသည်။ အထီးနှင့်အမ လိင်ကွဲပြားမှုရှိပြီး အထီးတွင် stylet ကောင်းကောင်း မဖွံ့ဖြိုးသောကြောင့် အစာမစားနိုင်ပါ။ ထို့ကြောင့် နီမတုတ်အထီးသည် လက်ခံပင်ကို မဖျက်ဆီးနိုင်ပါ။ အထီး၏ ပါးစပ်နေရာသည် မြင့်၍ လုံးသောကြောင့် အဖုပုံစံ ခေါင်းကဲ့သို့ ဖြစ်နေပါသည်။ အထီး၏မျိုးပွားအင်္ဂါသည် ချွန်၍ကောက်ပြီး အပေါ်တွင် bursa ဟုခေါ်သော အခွံဖြင့်ဖုံးအုပ်ထားပါသည်။ အထီး၊ အမ နှစ်မျိုးလုံး၏ အမြီးများသည် ရှည်၍သွယ်ပြီး အဆုံးတွင်လုံးဝန်းပါသည်။အမ၏ အဆွယ် stylet သည် ကောင်းစွာဖွံ့ဖြိုးသောကြောင့် လက်ခံပင်ကို စားသောက် ဖျက်ဆီးနိုင်ပါသည်။ အထီးသည် အမထက် အရွယ်အစား သေးငယ်ပါသည်။ နီမတုတ်အဆင့်အားလုံးသည် မြေကြီးနှင့် အမြစ်ကြား ကူးလူးသွားလာနိုင်ပါသည်။ မြစ်ထွင်းနီမတုတ်အမနှင့် ဒုတိယအဆင့်ဖြစ်သောအကောင်ပေါက်များသည် အပင်ကိုရောဂါဖြစ်စေနိုင်သော အဆင့်များဖြစ်ပါသည်။

ရောဂါကို အားပေးသော အခြေအနေ

သဲဆန်သော မြေများတွင်ပိုမိုဆိုးဝါးပါသည်။ ရေသွင်းစိုက်သည့်အခါ သွင်းရေများမှတဆင့် ပျံ့နှံ့နိုင်ပါသည်။

ကာကွယ်နှိမ်နင်းနည်းများ

- ခံနိုင်ရည်ရှိသောမျိုးကိုရွေးချယ်စိုက်ပျိုးပါ။

- စိုက်ပျိုးရေးလုပ်ငန်းသုံးကိရိယာများကို သန့်ရှင်းပါ။

- မစိုက်ပျိုးခင် ၁၀ လမှ ၁၂ လခန့် မြေလှပ်ထားပေးပါ။

- ပေါင်းမြက်များကို ရှင်းလင်းပါ။

- ငှက်ပျောပင် (သို့မဟုတ်) ငှက်ပျောပင်မှစိုက်ပျိုးရန် အစိတ်အပိုင်းများ၏ sucker များကို အခွံခွာခြင်း၊ ကူးစက်မှုလက္ခဏာပြနေသောမျိုးဥများကိုဖြတ်တောက်ခြင်းလုပ်ပေးပါ။ ပြီးနောက် ၅၀ ဒီဂရီစင်တီဂရိတ်ရှိသောရေပူထဲတွင် မိနစ် ၂၀ မှ ၂၅ လောက်စိမ်ပေးပါ။

- နီမတုတ်မျိုးပွားမှု လျော့ကျစေရန် မြေကြီးထဲတွင် ဓာတုပစ္စည်းများထုတ်ပေးသော အပင်များကိုစိုက်ပျိုးပါ။ (ဥပမာ- ပိုက်ဆံလျှော် နှင့် ချစ်တီးပန်းပင်များ)

- မိုးများသောဒေသများတွင် ရေစီးဆင်းမှုကောင်းအောင် ပြုလုပ်ပေးပါ။

- သဘာဝမြေဩဇာများကို မြေကြီးထဲသို့ ထည့်ပေးပါ။

- ငှက်ပျောစိုက်ပြီးနောက် စူကာသီး (သို့မဟုတ်) နာနတ်သီးကို သီးလှည့်စိုက်ပျိုးပေးပါ

- ဓာတုဆေးအနေဖြင့် ကာဘာရိုင်း၊ ဖစ်ပရိုနေး၊ အဘာမက်တင် စသည်တို့ကို သုံးစွဲနိုင်ပါသည်။

ဖုန်းမာဏ်တိုး (ရေဆင်းရနံ့)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ