မတ်ပဲ၊ ပဲစင်းငုံနီ၊ ပဲတီစိမ်း ဈေးအားလုံး သိသိသာသာမြင့်တက်

ပြီးခဲ့တဲ့အပတ်ဈေးအပိတ် ဇန်နဝါရီ ၂၇ ရက်နဲ့ယှဉ်ရင် ဒီနေ့ ဖေဖော်ဝါရီ ၂ ရက်မှာတော့ မတ်ပဲ၊ ပဲစင်းငုံနီ၊ ပဲတီစိမ်းတွေဟာ ဈေးကွက်အားလုံးမှာ ဈေးတွေ သိသိသာသာမြင့်တက်လာပါတယ်။

ဇန်နဝါရီ ၂၃ ရက်တုန်းက ရန်ကုန် ဘုရင့်နောင်ဈေးကွက်မှာ တစ်တန်ကို ၁၆၅၇၀၀၀ ကျပ် (တစ်တင်း ၅၃၂၈၀ ကျပ်) သာ ဈေးရှိခဲ့တဲ့ မတ်ပဲ(FAQ/RC – 2022) ဟာ ဒီနေ့မှာတော့ တစ်တန်ကို ၁၈၈၀၀၀၀ ကျပ် (တစ်တင်း ၆၀၄၅၀ ကျပ်) ထိဖြစ်လာတာမလို့ ၁၀ ရက်အတွင်း တစ်တန်ကို ကျပ် ၂၂၀၀၀၀ ကျော် ဈေးမြင့်တက်သွားတာပါ။

မတ်ပဲ(SQ/RC – 2022) ကလည်း ဇန်နဝါရီ ၂၃ ရက်တုန်းက တစ်တန်ကို ၁၈၈၇၅၀၀ကျပ် (တစ်တင်း ၆၀၆၉၀ ကျပ်) သာ ရှိခဲ့ရာကနေ ဒီနေ့မှာတော့ တစ်တန်ကို ၂၀၃၃၀၀၀ ကျပ် (တစ်တင်း ၆၅၃၇၀ ကျပ်) ထိဖြစ်သွားပြီး သူလည်း ၁၀ ရက်အတွင်း တစ်တန်ကို ကျပ် ၁၄၅၀၀၀ ကျော် ဈေးမြင့်တက်သွားတာဖြစ်ပါတယ်။

အခြားဈေးကွက်တွေဖြစ်တဲ့ မန္တလေး၊ အောင်လံ၊ ပေါင်းတည် ဈေးကွက်တွေအားလုံးမှာလည်း ဈေးတွေတက်လာတာ ဖြစ်ပါတယ်။

ပြီးခဲ့တဲ့အပတ်ဈေးအပိတ် ဇန်နဝါရီ ၂၇ ရက်နဲ့ယှဉ်ရင်ကို ဈေးတွေ ဆက်တိုက်မြင့်တက်လာတာဖြစ်ပါတယ်။

ပဲစင်းငုံနီဟာလည်း မတ်ပဲနဲ့အပြိုင် ဇန်နဝါရီ ၂၃ ရက်နောက်ပိုင်း ဈေးတွေပြန်တက်နေတာဖြစ်ပြီး ဇန်နဝါရီ ၂၃ ရက်တုန်းက ရန်ကုန်၊ ဘုရင့်နောင်ဈေးကွက်မှာ တစ်တန်ကို ၁၈၁၁၀၀၀ ကျပ် (တစ်တင်း ၅၈၂၃၀ ကျပ်) သာရှိရာကနေ ဒီနေ့မှာတော့ တစ်တန်ကို ၁၉၅၇၅၀၀ (တစ်တင်း ၆၂၉၄၀ ကျပ်) ဖြစ်လာလို့ ၁၀ ရက်အတွင်း တစ်တန်ကို ၁၄၆၅၀၀ ကျပ် မြင့်တက်သွားတာဖြစ်ပါတယ်။

မန္တလေး၊ ပခုက္ကူ၊ ပြည် ဈေးကွက်အားလုံးမှာလည်း ပြီးခဲ့တဲ့အပတ်နဲ့ယှဉ်ရင်တောင် အတော်လေးမြင့်တက်လာတာဖြစ်ပါတယ်။

ပဲတီစိမ်းဈေးတွေဟာလည်း ဆက်တိုက်အတက်ပြနေပြီး အမျိုးအစားကိုလိုက်လို့ တစ်တင်းကို ကျပ် ၅၀၀၀၀ ကျော် ၆၀၀၀၀ နီးပါးကနေ ၇၀၀၀၀ ကျော်ထိ ဈေးတွေဖြစ်လာတာတွေ့ရပါတယ်။ (ရန်ကုန်ဈေးကွက်ဟာ ၁ ပိဿာဈေးနှုန်းတွေဖြစ်ပြီး ၁ တင်းဈေးနှုန်းသိချင်ရင်တော့ ၂၀ နဲ့ မြှောက်ကြည့်လို့ရပါတယ်။ မန္တလေးဈေးကွက်ကတော့ ၃ တင်းဝင်တစ်အိတ် ဈေးနှုန်းတွေဖြစ်ပါတယ်)

ဈေးတွေဘယ်လောက်ထိ တက်သွားတယ်ဆိုတာကိုတော့ အောက်ပါဇယားမှာ နှိုင်းယှဉ်ကြည့်ရှုနိုင်ပါတယ်။ ( ဇယားမှာတော့ ပြီးခဲ့တဲ့ အပတ်သောကြာနေ့ (၂၇.၁.၂၀၂၃) ဈေးတွေနဲ့ပဲ နှိုင်းယှဉ်ဖော်ပြပေးထားတာ ဖြစ်ပါတယ်။)

ပြည်ပပို့ကုန်ပဲဈေးကွက်မှာ အိန္ဒိယရဲ့ပဲလိုအပ်ချက်ကြောင့် ဝယ်ယူမှုတွေမြင့်တက်နေတာ၊ ငွေလဲဈေးနှုန်းမြင့်တက်လာတာတွေအပြင် တရုတ်ဘက်ကပါ ဝယ်ယူမှုတွေ ရှိနေတာကြောင့် ဈေးတွေကောင်းနေတာဖြစ်တယ်လို့ လယ်ယာစိုက်ပျိုးရေးနှင့် ဈေးကွက်သတင်း အေဂျင်စီ(AMIA) ရဲ့ သတင်းပေးပို့ထားချက်တွေအရ သိရပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...