ဇီဝ မြေသြဇာတွေကို ကိုယ်တိုင်ပြုလုပ်နိုင်သလား

ဇီဝ နည်းစနစ်တွေက အမျိုးမျိုးပေါ်နေတာ

မြေသြဇာတွေဆိုတာလည်း လိုက်လို့တောင် မမှီတော့ဘူး။ ဇီဝ ပိုးသတ်ဆေးတဲ့ ဇီဝမြေသြဇာတဲ့

အဲ့အကြောင်းနည်းနည်းလောက် ပြောစမ်းပါ။ ဘာတွေလဲလို့ ..

ဟုတ်ကဲ့ပါခင်ဗျာ ဟုတ်ကဲ့ပါ ဇီဝ ဆိုတာက သက်ရှိကိုပြောချင်တာ

ဇီဝပိုးသတ်ဆေး ဆိုတာကတော့

ဘက်တီးရီးယား၊ မှို၊ ဗိုင်းရပ်စ် နဲ ပရိုတိုဇိုဝ တို့လို အနုဇီဝသက်ရှိတွေပါဝင်ပြီးတော့ အပင်တွေကို ခံနိုင်ရည် ရှိအောင် စွမ်းအားမြှင့်တင်ပေးတာမျိုး၊ ရောဂါပိုးမွှား ကာကွယ်တိုက်ခိုက်ပေးတာမျိုး လုပ်နိုင်တယ်ဆိုရင် အဲ့ပစ္စည်းတွေကို ဇီဝ ပိုးသတ်ဆေးလို့ ခေါ်ပါတယ်။

ပုံမှန်သုံးနေကြ ပိုးသတ်ဆေးတွေက ဓာတု ပိုးသတ်ဆေးတွေဖြစ်ပါတယ်။ အသက်ရှင်နေတဲ့ သက်ရှိလေးတွေ မပါဝင်နေပါဘူး။ ဇီဝ ပိုးသတ်ဆေးလို့ ပြောလိုက်ရင် ကိုယ်တွေကို အကျိုးပြန်ပြုပေးနိုင်တဲ့ အနုဇီဝ သက်ရှိ တစ်ကောင်ကောင်ပါကိုပါရတာဖြစ်ပါတယ်။ အဲ့ဒါက ဇီဝ ပိုးသတ်ဆေးပါ။ ဘီတီ ဘီတီ လို့အလွယ်ခေါ်နေကြတဲ့ ဘက်တီးရီးယားကတော့ နာမည်ကြီးပါပဲ။

ဘက်စလပ် မျိုးစိတ်တွေ နာမည် အရမ်းကြီးပါတယ်။

ဇီဝမြေသြဇာ ဆိုတာကရော ဘာလဲ

အပင်တွေကို အာဟာရတွေ ရနိုင်အောင် ဖမ်းယူပေးနိုင်တဲ့ မြေထဲက အာဟာရတွေကို အပင်တွေအတွက် ပြောင်းလဲပေးနိုင်တဲ့ ဘက်တီးရီးယားလို၊ မှိုတွေလို၊ ရေညှိတွေ၊ စတဲ့ အနုဇီဝသက်ရှိတွေပါဝင်တဲ့ မြေသြဇာကို ဆိုလိုတာဖြစ်ပါတယ်။ ခုဆိုရင် ဈေးကွက်ထဲမှာတောင် တော်တော်များများက ရောင်းနေကြပါတယ်။ ထရိုင်ကိုဒါးမားလို မျိုး၊ မိုက်ကိုရိုင်ဇာလိုမျိုး စတဲ့ မှိုမျှင်တွေဟာဆို နာမည်ကြီးတဲ့ ဇာတ်လိုက်ကျော်ကြီးတွေပါ။ သူတို့ကို ဇီဝ မြေသြဇာလို့ခေါ်တာဖြစ်ပါတယ်။

အရင်တုန်းကတော့ ဒီလိုဇီဝ မြေသြဇာတွေ ဇီဝပိုးသတ်ဆေးတွေကို သုံးဖို့ မလိုခဲ့ပါဘူး။ သဘာဝအတိုင်းကိုက သူ့ဘာသာ မြေကြီးထဲမှာ ရှိနေပြီးသား အပင်တွေမှာ ကပ်တွယ်နေပြီးသားတွေပါပဲ။ နောက်ပိုင်း စိုက်ပျိုးရေးနည်းလမ်းတွေမှာ မြေကိုထွန်ယက်ကြတာများသွားတာမျိုး၊ ပိုးသတ်ဆေး အလွန်အကျွံ သုံးတာမျိုးနဲ့ ပေါင်းသတ်ဆေးတွေကြောင့် သူတို့လေးတွေ က လျော့နည်းလာတာပါ။ မြေထဲမှာ လူတွေကို အကျိုးပြုတဲ့ အနုဇီဝသက်ရှိတွေက ရှိနေပြီးသားပါ။

ဇီဝ မြေသြဇာတွေကို ကိုယ်တိုင်ပြုလုပ်နိုင်သလား

ဝမ်းသာစရာ သတင်းကောင်းကတော့ ဇီဝ တွေကို ကိုယ်တိုင်ထုတ်ယူပွားများနိုင်ပါတယ်တဲ့။ Natural Farming လို့ခေါ်တဲ့ သဘာဝကျကျစိုက်ပျိုးမွေးမြူရေးစနစ်မှာ ဇီဝနည်းစနစ်တွေကိုသုံးပြီးတော့ စိုက်ပျိုးသွားတာပါ။ ဒေသခံအနုဇီဝတွေကို အဆင့်(၁) အဆင့်(၂) အဆင့်(၃) စတဲ့အဆင့်တွေအတိုင်း ထုတ်ယူပြီးတော့ သုံးစွဲတာဖြစ်ပါတယ်။

ထရိုင်ကိုဒါးမား လို့ဆိုတဲ့ မှိုတွေဟာဆိုရင်လည်း ပြန်လည်ပွားများယူလို့ ရပါတယ်။ ငါးအမိုင်နိုအက်ဆစ်၊ ဘိုကာရှိ၊ စူပါဘိုကာရှီ စတဲ့ အရာတွေမှာ အကျိုးပြု အနုဇီဝသက်ရှိတွေပါဝင်ပြီးတော့ အပင်နဲ့ မြေကြီးတွေကို အကျိုးပြုပါတယ်။ မြေဆွေးပုံ ပုံလိုက်တဲ့အခါမှာ လေရှိမှ အသက်ရှင်နိုင်တဲ့ မိုက်ခရုပ်လေးတွေ၊ လေမဲ့ အသက်ရှင်နိုင်တဲ့ မိုက်ခရုပ်လေးတွေ က ရှင်သန်ပေါက်ဖွားလာနိုင်ပါတယ်။ မြေကြီးထဲကို အဲ့မြေဆွေးတွေ ရောက်သွားတဲ့ အခါမျိုးမှာလည်း အခြေအနေပေးတဲ့အခါ အများကြီး ပွားများလာပြီးတော့ အပင်တွေကို အကျိုးပြုနိုင်ပါတယ်။

အော် မေ့တော့မလို့ တီကောင်တွေ ရှိတာလည်း ဇီဝမြေသြဇာပဲနော်။ တီကောင်သုံးပြီး ဇီဝမြေသြဇာထုတ်လုပ်လို့ရပါတယ်။

ပွားများထုတ်ယူနည်းတွေကတော့ Greenway စိုက်မွေး အပလီကေးရှင်းထဲမှာ မွှေနှောက်လို့ရပါပြီနော်။

ထွန်းဝင်းကျော်