"ငါးသိုင်းငါး(Catla Catla)"

     ငါးသိုင်းဟု လူသိများသော ငါးသိုင်းခေါင်းပွငါးများသည် အရိုးများသော်လည်း အရသာရှိလှသော ရေချိုငါးဖြစ်သည်။ တချို့က ငါးသိုင်းငါးနှင့် ငါးခေါင်းပွငါးကို တစ်မျိုးတည်း ဟု ယူဆကြသည်။ သို့သော် မျိုးစိတ်ချင်းမတူကြပေ။ ငါးသိုင်းမျိုးမှာ ငါးကြင်း(mrigal fish)အုပ်စုတွင် ပါဝင်ပြီး ငါးခေါင်းပွမှာ ငါးပုတ်သင်(croaker)အုပ်စုတွင် ပါဝင်ကြပါသည်။

     ငါးသိုင်းခေါင်းပွငါး ( Catla Catla) မှာ ဦးခေါင်းအနည်းငယ်ကြီး၍ ကိုယ်လုံးမှာ အနည်းငယ်ပြားသည်။ အမြီးခွ စောက်နက်သည်။ ပါးစပ်ပေါက်ကျယ်၍ အောက်မေးရိုး ထင်ရှားပေါ်လွင်သည်။ အောက်နှုတ်ခမ်းသည် အပြင်သို့ လန်ထွက်နေ၏။ အထက်နှုတ်ခမ်းမရှိ။ နှုတ်ခမ်းမွှေးလည်း မပါချေ။

     ငါးသိုင်း၏အရောင်သည် ကျောပိုင်းတွင် မွဲပြာရောင်ဖြစ်ပြီး ဘေးဘက်တွင် ငွေရောင်ပေါက်နေသည်။ ဝမ်းဗိုက်ပိုင်းသည် ဖြူ၏။

      ငါးသိုင်းငါးကို အင်္ဂလိပ်လို South Asian Carp(ခေါ်) Carp Fish ဟု ခေါ်ကြပြီး အိန္ဒိယ၊ ဘင်္ဂလားဒေ့ရှ်၊ မြန်မာ၊ နီပေါ၊ ပါကစ္စတန်နိုင်ငံ တို့တွင်လည်း တွေ့ရှိရသည်။

     ငါးသိုင်းငါးကို ' ငါးသိုင်းများ…… ဟင်းဟုံ' ဟူသော မြန်မာစကားပုံလည်း ရှိပါသည်။ အဓိပ္ပါယ်မှာ ဟင်းသီးဟင်းရွက်ချက်ရာတွင် ငါးသိုင်းငါးကျပ်တင်ကို သင့်ရုံခပ်လျှင် အရသာရှိလှသော်လည်း အလွန်အကျွံခပ်လျှင် ဟင်း၏ မူလအရသာပျက်သွားတတ်ပုံကို ဆိုလိုခြင်းဖြစ်ပါသည်။

     ငါးသိုင်းခေါင်းပွငါးမှာ မွေးမြူသင့်သော ငါးအမျိုးအစားတွင် ပါဝင်ပါသည်။ ကန်ရေမျက်နှာပြင်အထက်ပိုင်းတွင် နေထိုင်ကျက်စားလေ့ရှိကြပြီး ကန်အတွင်းရှိ အပင်မျှော၊ အကောင်မျှောလေးများကို စားလေ့ရှိကြသည်။ ဖွဲနု၊ ပဲဖတ်၊ ဝါဖတ်များကိုလည်း ကျွေးရပါသည်။

     ငါးသိုင်းခေါင်းပွ(၁)ဧကကန်တွင် ငါးသားပေါက်ကောင်ရေ(၃၀၀၀)ထည့်ပါက (၁)နှစ်အကြာတွင် (၇၅)ပိဿာခန့် ရရှိနိုင်ကြောင်း သိရပါသည်။ အလေးချိန်(၆၅)ကျပ်သားရှိ ငါးသိုင်းငါးမသည် ဥပေါင်း(၂၅၀,၀၀၀)ဥ ဥနိုင်ကြောင်းသိရပါသည်။

     ငါးသိုင်းငါးကို မွေးမြူရာတွင် ငါးသိုင်းမှာ ငါးခေါင်းပွငါးထက် ကြီးထွားနှုန်း နှေးသော်လည်း ငါးမြစ်ချင်းထက် ကြီးထွားနှုန်း ပိုကောင်းပါသည်။

     ဒေသခံများမှာ ငါးသိုင်းကို ဆီပြန်ဟင်း၊ ငါးသိုင်းငါးကင်/ ကျပ်တိုက်၊ ငါးသိုင်းအကြွပ်ကြော်၊ ငါးသိုင်းချိုချဥ် စသဖြင့် ချက်စားကြပါသည်။ ငါးသိုင်းနဲ့ ဖလံတောင်ဝှေးကို ရောပြီး ချက်စားပါက သွေးဝမ်းရောဂါကို ပျောက်ကင်းစေကြောင်း မှတ်ရဖူးပါသည်။

ငါးသိုင်းငါးကို -

  Phylum (မျိုးပေါင်းစု)- Chordata

 Class(အမျိုးအစား) - Actinopterygii

 Order(မျိုးစဥ်)- Cypriniformes

 Family(မျိုးရင်း) - Cyprinidae

Genus(မျိုးစု - Labeo

 Species(မျိုးစိတ်) - Labeo Catla ဟူ၍ သိရပါသည်။

ပင်လယ်ပြာ (ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်