စပါးစိုက်ပျိုးရာတွင် ရေသွင်းခြင်းကြောင့် မြေချဥ်ငန်ဓာတ် (pH) ပြောင်းလဲမှု

ဦးကြီးတို့ မင်္ဂလာပါဗျ။

စိုက်ပျိုးရေးသမားတိုင်းအတွက် မြေကြီး၏ ချဥ်ငန်ဓာတ် (pH)သည် အလွန်အရေး ကြီးကြောင်း ဦးကြီးတို့ သိပြီးသားဖြစ်မှာပါ။ သီးနှံအများစုအတွက် စိုက်ပျိုးရန် အသင့်တော် ဆုံး မြေချဥ်ငန်ဓာတ်မှာ pH- ၇ နီးပါးရှိရပါမည်။ မြေကြီး၏ ချဥ်ငန်ဓာတ် (pH) ၇ အောက်သို့ ရောက်သွားပါက မြေကြီးမှာ အက်ဆစ်ဆန်သွားကာ ချဥ်သွားပြီး (pH)၇ အထက်သို့ကျော်သွား ပါက မြေကြီးမှာ ငန်သွားပါသည်။ အချို့သော သီးနှံများသည် ချဥ်သောမြေကို ကြိုက်နှစ်သက် သော သီးနှံများရှိသကဲ့သို့ ငန်သောမြေကို ကြိုက်နှစ်သက်သော သီးနှံများလည်းရှိပါသည်။

မြေကြီး၏ ချဥ်ငန်ဓာတ်အကြောင်းကို သိသင့်သလောက် သိသွားပြီဆိုတော့ စပါး ခင်းကို ရေသွင်းလိုက်သောအခါ မြေချဥ်ငန်ဓာတ်ပြောင်းလဲသွားမှုကို ဆက်လက်လေ့လာကြရအောင်။ ရေမရှိသော စပါးခင်းကို ရေသွင်းလိုက်သောအခါ ရေသွင်းပြီးပြီးချင်း ရက်အနည်း ငယ်ကြာလျှင် မြေချဥ်ငန်ဓာတ်မှာ အောက်ဆုံးသို့ ရောက်သွားပါသည်။ ထို့သို့ စပါးခင်းကို ရေသွင်းပြီးပြီးချင်း မြေကြီး၏ ချဥ်ငန်ဓာတ်(pH) ကျသွားခြင်းသည် မြေကြီးထဲရှိ လေမှ အသက်ရှင်နိုင်သော ဘက်တီးရီးယားများ အသက်ရှုသောအခါ ထုတ်လွှတ်သော ကာဗွန် ဒိုင်အောက်ဆိုဒ်(CO2)များ စုပြုံနေခြင်းကြောင့်ဖြစ်ပါသည်။ ထို့နောက် ရက်သတ်တစ်ပတ် အနည်းငယ်ကြာသောအခါ မြေကြီး၏ ချဥ်ငန်ဓာတ်မှာ pH - ၆.၇ - ၇.၂ သို့ပြောင်းသွားပြီး မူလအတိုင်း ပြန်ဖြစ်သွားပါသည်။ ထို့ကြောင့် ချဥ်နေသော မြေကြီးကို ရေသွင်းလျှင်လည်း မြေချဥ်ငန်ဓာတ် တက်လာပြီး pH- ၇ နီးပါးသို့ ရောက်ရှိလာပါသည်။ ငန်နေသော မြေကြီးကို ရေသွင်းလျှင်လည်း မြေချဥ်ငန်ဓာတ်ကျလာကာ pH- ၇ နီးပါးသို့ ပြန်လည်ရောက်ရှိလာပါသည်။ ထို့ကြောင့် စပါးစိုက်ပျိုးသော ဦးကြီးတို့အနေနှင့် စပါးခင်း၏ မြေချဥ်ငန်ဓာတ်ကို ထိန်းချုပ်လိုပါက စပါးခင်းကို ရေသွင်းရေထုတ်ပြုလုပ်၍ ထိန်းချုပ်နိုင်ပါသည်။

သို့သော်လည်း သြဂဲနစ်မက်တာများသော မြေကြီးကို ရေသွင်းလျှင် ရက်သတ္တပတ်အနည်းငယ်ကြာသောအခါ မြေကြီး၏ ချဥ်ငန်ဓာတ် pH- ၇ နီးပါးရောက်သွားသော်လည်း သြဂဲနစ်မက်တာနည်းသော မြေကို ရေသွင်းလိုက်သောအခါ မြေကြီး၏ ချဥ်ငန်ဓာတ် pH - ၇ အောက်သို့ ရောက်သွားကာ အက်ဆစ်ဆန်သွားနိုင်ပါသည်။

အက်စစ်ဆန်၍ ချဥ်နေသော မြေများကို ရေသွင်းလိုက်သောအခါ မြေကြီး၏ ချဥ်ငန် ဓာတ်(pH) ၇ နီးပါးသို့ရောက်ရှိရုံသာမက မြေကြီးကို အလူမီနီယမ်(Al) အဆိပ်တောက်ဖြစ်မှု၊ အိုင်းရွန်း(Fe) အဆိပ်တောက်ဖြစ်မှုကို ကာကွယ််ပေးပြီး စပါးပင်များမှ ဖော့စဖောရပ်စ်(P) စုပ်ယူမှုကိုလည်း အားကောင်းစေပါသည်။ ထို့ကြောင့် ဖော့စဖောရပ်စ် ချို့တဲ့နေသောစပါးခင်း များ၊ အလူမီနီယမ် အဆိပ်တောက်မှုဖြစ်နေသော စပါးခင်းများ နှင့် အိုင်းရွန်းအဆိပ်တောက်မှု ဖြစ်ပေါ်နေသော စပါးခင်းများကို ရေသွင်းပေးခြင်းအားဖြင့် ဖြေရှင်းနိုင်ကြောင်း အကြံပြု လိုပါသည်။

မောင်ချမ်းသာဦး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...